“Wasiet Tgk Diyueb bruek/

  " Sulaiman.A.gani.“

======================================
Ngoen Krue seumangat, Rahmat tuhan bri
Lon pujoe rabbi, tiep tiep kutika
Seulawuet saleum, akan rasuli
Pang ule nabi. Khatam Ambiya

Nebri ya Allah, beutroek ban janji
Wasiet ulon bri, bandum syedera
Dalam grup panton, han keucuali
Ayah ngoen ummi, tuha ngoen muda

Tgk Diyueb bruek, yang ka peureugi
Sulaiman,Gani, gantoe pusaka
Kadang geu ikoet, yangka peureugi
Khendak ilahi, hana soe sangka

Hajat lam hate, sulaiman.gani
Keunuek peureugi, hoe laen bungka
Tinggai grup Nazam, siat disini
Wasiet ulon bri, tinggai keu gata

Meuah lon lake, izin beutabri
Sulaiman.gani, bekle meudosa
Kadang sit dudoe, hana keumbali
Lon woe rabbi, lon tinggai gata

Dosa dalam Grup, keulon bek tabri
Tapulang kunci, pinto syuruga
Bekle meusangkot, bak ule titi
Liwa ul-hamdi, payoeng maulana

Meunyoe seuneulhueh, wasiet ulon bri
Sulaiman gani, hajat neuk bungka
Adak hanale, sulaiman.gani
Kale peganti, yang muda muda

Beugoet tapapah, Budaya seni
Panton yang tabri, mamfaat beuna
Tajaga moral, nilai islami
Sinoe bek tabri, yahudi teuka

Bek jak meucewek, dalam grup ini
Dan lom bek tabri, peukah pue hawa
Peugah broeh putoeh, meutan Arueti
Ngoen panton tabri, meunyoe meucinta

Jinoe grup patoen, tuhanku neubri
Kale peseni, cinta budaya
Panton ngoen nazam, wate di rawi
Tuhanku neubri, mamfaat kana

Adak hanale, sulaiman. Gani
Kana peganti, yang muda muda
Miseu lon l peugah, contoh ulon bri

( Tgk Diyueb Bruek )