Pages


Minggu, 31 Maret 2013

"DARUET NGOEN BUNGOENG "


   Oleh : SULAIMAN.A.GANI
==============================
Deungoen bisminlah, kalam lon puphoen
Loen pujoe ribbon, sidroe yang  Esa
Umat lan donya, rahmat neupeutroen
Allah kadiron, yang that  kuasa

Seulawuet saleum, keu  Muhammadon
Pang ule kawoem, bandum Ambiya
Yang ba risalah, keu bandum kawoem
Meunyang po payoeng, Blang padang masya

Lhuehnyan saleum lon, Assalammua’laikom,
Keu bandum kawoem, tuha ngoen muda
Haba nasehat, bacut lon susoen
Peu ingat kawoem, kuwula  muda

Keumang sitangke,  bungoeng lam keuboen
Indah that haroem,  meubee ulua
Lagak wareuna,  bungoeng sikuntoem
Indah ngoen Harom,  bungoeng jroeh rupa

Na saboeh daruet,  didoeng ateuh oen
Bungoeng sikuntoem,  dikeumeung raba
Sabe dikeumiet , didoeng nibak oen
Saleh bungoeng loen,  ek keunoeng daya

Meukrue seumangat , hai bungoeng tangloeng
Indah meususoen , oh malam jula
Salam'alaikoem , saleum nibak loen
Keu banduem kawoem,  tuha ngoen muda

Tunoeng ngoen baroeh,  mulia bak loen
Salam'alaikoem , saleum seujahtra
Samboet saleum loen,  eo putik jantoeng
Sala'alaikoem sigoe , loen sapa

Nibak malam nyoe , katroeh uloen troen
Ca-e loen samboeng,  lam layeu maya
Lam layeu fbi , loen rika pantoen
Kisah loen samboeng , keu bungoeng desa

Timoeh bineh roet, sinaleung samboe meususoen
Keumang lam keuboen, sibungoeng jeumpa
Hate loen rindu, sampoe lam jantoeng
Keu bungoeng  sikuntoem,  sabe loen damba

Meukeumat sayang, lam hate meuhimpoen
Bungoeng sitahoen, keumang tujoeh wareuna
Hajat loen neuk poet, loen wiet bak kuntoem
Keu seunijuk hate loen, beungoeh ngoen sinja

Kuala idi,  bangka meususoen
Kuala buboen, aroen meubanja
Loen jak ngoen loen woe, loen eu ka meuthoen
Teupawoet hate loen, keu gata hai jeumpa

Bukoen le sayang si,  aneuk tiyoeng
Dipoe that lamboeng,  lam awan mega
Gunoeng geureutee, keubit that lamboeng
Meu-ek ngoen meutroen,  siteuntang mata

meulinteung lheuh nyan,  kulu ngoen paroe gunoeng meusamboeng
Loen ek ngoen loen troen ,  loen pandang rupa
Hajat loen neuk poet,  bungoeng  bak kuntoem
Seunijuek hate loen , beungoeh ngoen sinja

keu asoe kama,  loen tueng sikuntoem
Meunan  lam jantoeng , keu gata jeumpa
Saleh keuh ek troeh,  lagee pinta loen
Allah ya rabboen,  neukabui doa
===================================

0 komentar:

Posting Komentar

Komentar FB :