"Mauidhah singkat"

  Oleh : AGAM SIDROE
════════════════════════════════════
Loen coek beureukat, bak Asma Allah,,
Hate yang ikhlah, Rasul Anbiya,,

Hudep mulia, para 'abdallah,,
Tan luput ibadah, meu ube cupa,,

Deungoe hai rakan, bak loen na kisah,,
Sidroe hamba Allah, ibadah luar biasa,,
Uroe keureuja, malam ibadah,,
Sabe tiep saah, seupanyang masa,,

Nibak si uroe, kheundak bak Allah,,
Meunyan 'abdallah, susah diteuka,,
Teu ireh lam dada, meuharap geu ilah,,
Lagee nyum teulah, harapan geu buka,,

Pakhoek loen gantoe, buhu loen ubah,,
Mangat jeut indah, watee neu baca,,
Peu teuma jikheun, wahe meutuah,,
Deungoe loen peugah, bek salah punca,,

Seuandai jih diloen, Allah bri rezeki,,
Dua krek ruti, siuroe keureuja,,
Gabuek han teuka, han sampe susah hi,,
Ingat keu Rabbi, tiep2 kutika,,

Nibak si uroe, kheundak di Rabbi,,
'Abdallah hai akhi, tamoeng peunjara,,
Haba peusuna, dipeugah pancuri,,
U ganto pulisi, peutamoeng sigra,,

Dalam peunjara, ibadah keu Rabbi,,
Dua krek ruti, sabe troeh teuka,,
Han sosah keurija, bak pulang pergi,,
Rezeki ILahi, sabe ka jiba,,

'Abdallah teu ireh, di dalam hati,,
Bak saboh hari, lagee ban pinta,,
Han hek keurija, bak mita ruti,,
Dua krek perhari, tiep2 kutika,,

Insaflah hamba, nyesai keu Rabbi,,
Oe ea ILahi, ampunan sigra,,
Ka meuwoe teuma, bak pulang pergi,,
Sikrek ruti, siuroe keurija,,

Nott : Allah menjadikan manusia dengan hajat kebutuhannya, sehingga tidak usah ragu atau jemu terhadap suatu pemberian Allah, meskipun berbentuk penderitaan bala' pada lahirnya, sebab hakikatnya nikmat besar bagi siapa yang mengetahui hakikatnya, sebab tidak ada sesuatu tang tidak terbit dari Rahmat Karunia dan Hikmat Allah Ta'ala. Barakallah.