“ HANA PAT TUNTUT “

   Oleh : ADI GITULHOH

================================================
Dengoen bissmillah , kalam lon pephoen
Keu sidroe Rabbon,  lon seboet nama
Ulon meukisah,  di dalam panton

Yoeh masa pepetoeh , hukoem sidroe ayahnda

Nibak si uroe,  na ureung kunjoeng
Geujak ba hukoem , tuntut aneuknda
Geukhen durhaka,  keu aneuk kandoeng
Seubab rakan lon,  bakti jih hana

Aneuk ka kaya, harta meugedoeng
Keu ayah kandoeng,  ji pakoe hana
Hana toem jibi , meu ija si oen
Tuloeng ne hukoem,  aneuk durhaka

Meunan mehaba , si ayah kandoeng
Bak umar geuyue hukoem , wahe syedra
Saidina Umar , kalam geu peuphoen
Geujaweb langsoeng , meunoe meuhaba

Wahe e bapak , hoe aneuk kandoeng
Neutuloeng jak hoi , jih kenoe neba
Supaya mudah,  peputoeh hukoem
Bek salah ulon,  dengoen Rabbana

Peurintah Umar,  geupubuet langsoeng
Di ayah kandoeng , aneuk ka geuba
Laju geu tanyoeng,  ngat  jelah hukoem
Puekeuh nyan betoi,  e aneuk muda

Beutoi Umar,  ji jaweub langsoeng
Bakti di ulon,  keu ayah hana
Seubab salah droe , goep nyan awai phoen
Kepada ulon , geu pakoe hana

Lhe boeh kesalahan,  nibak ayah long
Dile awai phoen,  yoeh goeh ulon na
Keucalon poma , bunda di ulon
Oleh ayah lon budak (lamiet ),  geumita

Teuma keu dua , bak geuboeh nan long
Jahlan ke ulon , geu seboet nama
Jahlan artijih , wahe rakan long
Bak tanyoe gampoeng,  chiet boeh serengga

Teuma yang keulheh,  salah ayah lon
Ilme keu lon , geuperenoe hana
Hana geu pebeut,  lon tentang hukoem
Droegeuh pih tan meu phoem,  geu merenoe hana

Dengoen sebab nyan , maka di ulon
Keu ayah kandoeng,  bakti lon hana
Tuloeng be adeu , pepotoeh hukoem
Keu ayah kandoeng, beu nebri sama

Umar laju le,  petoeh hukoem
Salah awai phoen , nyan ureung tuha
Lhee boeh keusalah , sebab awai phoen
Bak aneuk kandoeng , awai medausa..

(Adi Gitulhoh ) 28 Agustus 2012