YANG WAJEB GEU INGAT LE UREUENG ISEULAM

 OLEH : SULAIMAN.A.GANI

=====================================================

ASSALAMMUA’LAIKOM, KAWOEM  NGOEN WAREH

JAROE  LOEN TINDEH, SALEUM  LOEN  SAPA

GANTOE  ULOEN BRI, KUPI NGOEN  KUWEH

NYOEPAT  LOEN TULEH, SABOEH MUSTIKA

HABA  LOEN  INTAT,  PEU  INGAT  WAREH

WAJEB  NEUPATEH, SABDA MAULANA

WAJEB  NEU INGAT, DEUNGOEN  NEUPATEH

LE  BANDUM WAREH, DEUNGOEN  SAUDARA

PEUREUTA MAPHOEN,  GASEH MEUGASEH

NGOEN  AHLI WAREH,  SAUDARA  LINGKA

KA LAGEE NABI,  GASEH KEU UMAT

MEUNAN HAI SAHBAT,  GASEH LE  GATA

MEUNYANG KEUDUA (2) , TULOENG MEUNULOENG

NGOEN UREUENG  GAMPOENG,  SAUDARA LINGKA

TATULOENG LAJU,  PAT  PAT YANG  ALANG

TULOENG BEURIJANG,  SAUDARA GATA

TEUMA YANG KEU LHEE (3) , TAMEUBRI SALEUM

BEURANGRI UREUENG,  MEUREUMPOEK GATA

KAREUNA SALEUM,  NABI KHEUN SUNAT

JAROE TA MUMAT,  SYARAT MULIA

GEULANTOE TABRI , KUPI SICAWAN

KEU RAKAN RAKAN, SAHABAT  GATA

TEUMA YANG KEUPEUT (4) , TAJAWEUB SALEUM

BEURANGRI UREUENG , YANG BRI KEU GATA

MEUNYANG KEU LIMOENG (5),  TAJAK UNDANGAN

ATAWA RAKAN , NIBAK KEURIJA

NEUJAK  OH BEUNGOEH , WAHE TUNGKU DROE

MASALAH TAWOE,  OH LHEUH ACARA

TEUMA YANG KEU NAM (6) , HAI TUNGKU ABET

BAK UREUENG SAKET,  SAWEU LE GATA

NEUBEUDOEH NEUJAK,  WAHE TUNGKU DROE

KEU BUNGOENG JAROE , UBE KUASA

 KEU TUJOEH (7) MATE,  UREUENG MEU IMAN

BEUDOEH HAI TAULAN,  KUNJOENG LE GATA

OH LHEUH TA INTAT,  MANYET  U  JEURAT

BAROE HAI SAHBAT,  GATA JEUT GISA

LAPAN (8) AMANAH , BEUTROEK  TA  INTAT

TITIPAN  SAHBAT,  RAKAN DIGATA

UREUENG YANG INTAT,  NEUBRI SYUFA’AT

ULEH HADHARAT , YANG MAHA ESA

MEUKA  KEUH HABEH, YANG WAJEB INGAT

UMAT  MUHAMMAD, ISLAM  DI GATA

OH  UROE DUDOE, SYURUGA  TEUMPAT

OLEH  HADHARAT, GEUBRI KEU  GATA

(  TGK DIYUEB BRUEK )