*SYAIKH AHMAD IZZAH AL ANDAL

   SPANYOL 1525

==========================================================
Salam 'alaikum ,warahmatullah.
Salem si ulah, hajat lon rika

Segala pujoe, meuwoe keu allah.
Yang cipta makhlu sah, Sit  poe yg kuasa

Seulawet salem ,keu Rasulullah.
Yg ba risalah ,Geutanyoe hamba.
Maksud hate , karang hikayah.
Dengan Bismillah , lon peuphoen haba

Keu ahmad izzah, ulon neuk kisah.
Nyan hamba allah .pangkat mulia.
Nibak seupot roe , dilanget beukah.
Pemuda yang gagah ,geupeuriksa penjara

Adolf roberto ,nama geupeu sah.
Jendral yang juah, keujam lagoina.
Si berangkasoe ,hana jroeh tingkah.
Dengan tapak sah ,geutroem bak muka

Adolf Roberto, teungoeh meulangkah.
Deuh geudingoe gah ,qur'an gob baca.
Dalam tahanan ,geudingoe firman allah.
Jendral yang juah, murka lagoina...

Meunan teugeupak, si jendral juah.
Jie reungkhom bagah ,si ureung tuha.
Baje tahanan ,laju kajiplah.

Di kalon leumah, pusat ureung tuha...

Tanda jih hitam ,bak pusat leumah.
Laju lakee meu'ah, si jendral teuma.
Sira jimoe ,ureung tuha jie seumah.
Ayah e ayah , jie seubot nama...

Adolfo teu  ingat ,lam tahe leumah.
Buku jih ramah, alqur'an nama.
Buku ubiet nyan ,sabe geupeuleumah.
Keu ahmad izzah , lee ayah poma.

Nibak masanyan,  laju jie peugah.
Wahay ayah,, lon ingat keu alif ba ta tsa.
Neupeutamoeng lon, wahe e ayah.
Lam agama allah,  ka uleh gata...

Ban geudingoe, meunan peuneugah.
Ka laju teuhah ,mata ureung tuha.
Tuboeh yg saket,  rab geuwoe bak allah.
Ngoen susah payah,  babah geubuka,..

Wahay aneuk , yg rupa ceudah.
Tajak lee bagah , u mesir kota.
Wate troek keudeh,  laju tapeugah.
Meuayah dikah,  syaikh abdullah fattah ismail andalusia.

Rame di mesir, saudara dikah.
Meurunoe leu kah ,ilme agama.
Ban lheuh geupeusan ,keu aneuk meutuah.
Dengan kalimah taibah,  ayah geubungka...

Jinoe ka malem,  si ahmad izzah.
Ridha bak allah ,sabe geumita.
Uroe ngoen malam ,ibadah keu allah.
Hajat geu taubah,  si umu masa.

Meumada ohnoe, haba lon kisah.
Bak laen gah, tasambong teuma.
Maklum ulon ban , meurunoe hikayah.
Pat na salah , peubeutoy sigra.

Komentar:

========

Alhamdulillah, ngoen seunang hate
katroeh bak akhe ,yang ulon baca
saboeh hikayat, keu ubat ate
lam haba ca e ,kalheuh neurika

terimoeng geunaseh, rakan boeh hate
ka neutempike, hikayat neuba
dari phoen awai ,sampoe troeh akhe
kalheh neu uke ,bandum cerita

bahan renungan ,soe yg tem pike
kerabbol kade, teu ingat tema
taubat bak dausa, baten ngoen lahe
tapegleh hate, bak bandum dausa...

==============================

Bottom of Form