“JAGA GEUNERASI ISLAM“

  Oleh : SULAIMAN.A.GANI

====================================================
Alhamdulillah, lon pujoe Tuhan

Pagi ngoen peutang, Rahmat ilahi

Seulawuet saleum, akan janjongan

Pang ule Alam, Muhammad Nabi

Lhuehnyan saleum lon, keu bandum rakan

Inoeng ngoen Agam, Kuta ngoen pasi

Hajat lon kisah, saboeh karangan

Judul lon peunan, Jaga Generasi

Astaurfirurlah , haba mulaan
Mohon Lindungan,  bak sidroe Rabbi
Cukoep that seudeh , geunerasi islam
Ka ji peuwayang , oleh yahudi

Jiprang  ngoen bude, nanggroe iselam
Hansep hai rakan , aneuk miami
Dak pih ngoen roket , tanyoe ji seurang
Teutap ta lawan,  mantoeng berani

Tapi ‘akidah , tanyoe ji goyang
Geunerasi islam,  ji peulaloe bak TV
Roet nan ji da’wah , bandum awak nyan
Tanyoe ji seurang , tan sadar diri

Tv  Internet, Jinoe hai rakan

Ji mita jalan, geutanyoe jibri

Roet Donya, Iman di goyang

Uroe ngoen malam, tanyoe jitaki

Kon han jeut nontoen, kalon piasan
Tapi hai rakan , bek tuwoe meungaji
Aneuk miet cut cut,  oeh wate malam
poeh 7 s/d poeh 8 , bek bie ngieng TV

Bandum peurenoe , baca Al qur an
Nyak jeut hai rakan , cara meungaji
Oeh wate rayek , nyak jeut ji azan
Meufom hai rakan , ji semah rabbi

Bek tapeu biyeu,  geunerasi islam
Goep jak peu wayang,  seutiep hari
Bek peugoet keu lucu , aneuk iselam
Jaga hai rakan , bek tanodai..

Pante di lhoek nga , indah koen wayang
Tapi that sayang , keunoeng tsunami
Mari tajaga,  geunerasi islam
bek ji coek reusam , awak yahudi

( Tgk  Diytueb Bruek )