*NABI YANG MANTOENG HUDEP*

   Oleh  : ALHADI ANDIKA

==================================================
Ahamdulillah , pujoe keu rabbi.
Yang hamtom mati , serta binasa
Seulaweut salem ,  panghule nabi
Di  dalam api , ummat neumita

Salam 'alaikum , hai insan seni.
Khabaran nabi , lon neuk peukhaba
Yang mantoeng hudep,  kuasa rabbi
Jinoe hai akhi, troek akhe  masa

Yang mantoeng hudep, sit peut droe nabi.
Yang lon keutahui, Qur’an calitra
Yang ulon dingoe , ulama Rawi
Simak ha akhi , ulon peunyata

Nabi  IDRIS,  phoen lon rawi
Syurga di rabbi,  kahlueh geu rasa.

Kalhueh geumate, hudep keumbali

Ngoen izin Rabbi, yang that kuasa

Langet keu limoeng , tinggai di nabi
Sinan hai akhi , pujoe pujoe Rabbana

Yoeh masa Meruet, Muhammad Nabi

Kalhueh hai akhi, sinan berjumpa

Keu dua  ISA, meunyan keuh Nabi

Kuasa Rabbi,  hana Ayahda

Nibak  Mariyam, Tuhan khendaki

Laheran Nabi, Tuhan kuasa

Langet keu dua, tinggai di Nabi

Geupujoe Rabbi, tiep suntoek masa
Teuma oh dudoe , peutroen kembali
Agama suci, risalah geuba

Keu lhe  ILYAS , Hudep Tuhan bri
Jinoe ha akhi , sideh  dalam rimba
Karunia Allah,  geubrie keu nabi
Zikir keu Rabbi , si umu masa

Yang Keu puet  KHAIDIR, Khehendak Rabbi
Tinggai di Nabi, lam laot  raya
Meu seubab geujeb, nyan  ie abadi

Umu di Nabi, troek Akhe  masa

Le keujadian. Di khaidir nabi

Peurupa diri, meupue yang suka

Urueng geumade, ngoen luka luki

Umat geu uji, taat ngoen hana

Meumada ohnoe , haba lon rawi

Keu puet droe Nabi, yang goeh geubungka
Yang mantoeng hudep, kuasa Rabbi
Beuneunyakini, Tuhan kuasa

Meunyoe na salah, haba lam rawi
Neuperbaiki, mangat sempurna
Bek sampoe dosa,  ulon ngoen rabbi..
Karna keu nabi,  salah calitra
¤ALHADI ANDIKA selangor
28-03-2013¤