“ FAEDAH BACA BISMINLAH”

   OLEH : SULAIMAN.A.GANI
==========================================
1, Faedah Baca Bisminlah-1

2. Faedah Baca Bisminlah-2

=================================================

1, Faedah Baca Bisminlah-1

    ============================

Assalammua’laikom, loen mula kisah

Loen pujoe allah, lheuhnyan meuteunte
Seulaweut saleum, keu rasulullah
Keu ma ngoen ayah, doa loen lake

Hajat loen susoen, faedah  Bisminlah
Pakriban Allah ,fahla neuteunte
Sibeurangkasoe, hamba di Allah
Baca Bisminlah, sabe tiep wate

Nyoe keujadian, deungoe loen peugah
Faedah  Bisminlah, uloen peuteunte
Masa riwayat, hudep Halabah
Deungoe loen peugah, yoeh masa dile

Goebnyan kaya that, lagi pih meugah
Taat keu Allah, hantoem siwate
Hantoem na kheun ,meu ziker rullah
Kalimah syahdah, hana toem meubee

Aneuk geuh pih tan, tungku meutuah
Abu halabah, malee meuteute
Na sidroe aneuk, yatim geukeubah
Goet that geupapah, sibungoeng keubee

Hantoem na geudhoet, caroet ngoen marah
Sang aneuk lidah, bungoeng mangat bee
Yoehyan ka rayeuk, yatim hana yah
Keudeh bak dayah, geujak joek teunte

Kapadum na trep,s sideh di dayah
Sapue han keumah, sibungoen keube
Yang na jeut jikheun, lafai Bismillah
Laen ube  drah, hana meuteute

Yoehnyan  ka mate, Abu  Halabah

Geuwoe bak Allah, Gobnyan meuteunte

Meunuroet dali, Tungku meutuah

Abu Halabah, Nuraka teunte

Seubab na sidroe, yatim hana yah
Sabe bak Allah, doa jilake
Jiduek ngoen jidoeng, jikheun dibabah
Baca Bismillah, hana toem reude

Deungoen seubabnyan, tungku meutuah
Abu halabah, syuruga teute
Keu aneuk yatim,  bek tapeubeu-ah
Beugoet tapapah, si bungoeng keube

Sidumna fahla, neubri le allah
Baca Bismillah, bek sagai lale
Nyoe keujadia, kalheuh loen peugah
Fahla bisminlah, fahla meuteunte

2. FAEDAH BACA BISMINLAH -2

    ================================

Meunyoe saboh truek, Fahla Bisminlah

 Bahlon cie kisah,  saboeh haretoe
Menyoe na salah , bagah neutegah
Bek sampoe lepah,  ulon meupaloe

Na sidroe ureung , cukoep that gagah
Nan geuh Abbdullah, lon boeh keu contoe
Kalheuh meukawen , ngoen siti jariyah
Nama yang  ceudah,  ulon boeh keudroe

Sabe tiep uroe,  tungku  Abdulah
Puwoe nafakah,  hana tom tuwoe
Breuh deungoen engkoet,  gule boeh panah
Pue yang amanah , hana toem tuwoe

Tapi yangg deuge,  tungku  Abbullah
Wate geuseurah, pue yang  geupuwoe
Sabe peuremoeh,  Baca Bissmillah
Sabe bak babah , hana toem tuwoe

Wate geujoek peng,  geukheun Bissmillah
Oh taguen kuwah , pih meunan bagoe
Pue pue  yang geupubuet,  geukheun Bissmillah
Tungku  Abdullah,  ka deuge keudroe

Han ek le pike,  di tungku  Abbdullah
Cara geu ilah,  ide geu pasoe
ide yang jeuheut,  iblih perintah
Rumoeh tangga tungku,  Abbullah jineuk peukachoe

Geujak u lampoeh,  tungku  Abbdullah
Dicoeng bak panah,  geu kalon bagoe
Hana that manyang , sang si meteh pah
Rakan meutuwah , eupueng keumotoe

Kiban keuh teuma,  lanjutan kisah
Kiban geu olah,  eumpueng geumotoe
Mupue  rencana,  tungku  Abbullah
Euntreuk lon pegah,  lheh bue coet uroe.

Alhamdulillah lon,  samboeng kisah
Tungku  Abdulah,  haba lon bunoe
Seubab ka janji,  han jeut lon ubah
Long samboeng kisah , lheuh bu coet uroe

Ka geucoek guni,  rakan meutuwah
Laju geu peuhah , kenan geu peutoe
Laju geu saloep , geutoep oh goet pah
Hase geureupah , eupueng keumotoe

Seunang that Hate , tungku  Abdullah
Reuncana juah , katroek bak sampoe
Meunyoe dengoen nyoe , ci baca Bismillah
Meunan peuneugah,  hate ka kutoe

Geucoek le laju,  geu beuoet langkah
Geu puta arah,  u ruemoeh geuwoe
Ubak perumoeh,  laju geu seurah
Geujoek le bagah,  eumpoeng Keumotoe

Wahe ma sinyak , nyoepat boeh panah
Ta tanguen kuah,  teumoen bue coet uroe
Teuma le laju,  siti jariyah
Baca Bismillah,  geucoek bak lakoe

Oh troek  u dapu,  guni geu peuhah
Dengoen bismillah , wahe  Rakan  droe
Siti  jariyah , ka teuhah babah
Wate geu peuhah,  Umpueng keukedoe

Badan meu toet toet,  siti jariyah
Ka geuplueng bagah , geu tawoek lakoe
Yoeh nyan teukeujoet,  tungku  Abdulllah
Ka geu boet langkah,  geupeu siblah droe

Geupike bunoe,  siti jariyah
Guni geu peuhah,  ji poe keumotoe
Yoe geuh  jicatoek,  tungku  Abdullah
Geuplueng ngoen bagah , takoet meupaloe

Siti  jariyah menoe,  peuneugah
Neudoeng hai ayah , neuriwang keunoe
Oh ban geukalon,  le tungku  Abdullah
Siti  jariyah,  guni bak jaroe

Meutamah lom yoe,  tungku  Abdullah
Geuplueng that bagah , meusipak tungoe
Wate nyan laju , tungku   Abudullah
Di sinan reubah , ka meukhoep bumoe

Geu putoe keunan,  siti jariyah
Guni geu peuhah , peulemah bak lakoe
Pat neucoek meuh nyoe,  bak long neuserah
Ka teuhah babah,  teuma dilakoe..

Ohnoe meumada,  haba lon kisah
Keulebihan Bismillah,  wahe rakan  droe
Keu ajaiban Tuhan, ka  neupeuleumah
Rahmat bak Allah , meu taloe taloe

Lon lake meuah,  pat toeh na salah
Bak u lon kisah,  wahe rakan  droe
Maklum lon tuwan , aneuk miet mirah
Lon tuleh kisah,  meu cawoe woe

==============00000=================