Oleh : SULAIMAN.A.GANI
========================================
TEUSEBOT DALAM ,RIWAYAT HADIST
DEUNGO HAI WAREH, SABDA
JANJONGAN
SIBEURANG KASOE ,NGOEN HATE,
KHALEH
JIBRI SEUDEKAH,NIBAK UROE
NYAN
UROE ASYURA, NABI NEUPECEH
NYAN KEUH HAI WAREH , SIPLOH
MUHARRRAM
TUHAN BRI PAHLA , MEUGANDA LAPEH
SITHOEM MEUTINDEH, MEUNAN BANDINGAN
SEUAKAN AKAN , BALASAN MEUCEH
BAN SITHOEN PUNOH , SEUDEKAH GOBNYAN
TACOEK IBARAT, HAI SAHBAT WAREH
SABOH HIKAYAT, NA KEUJADIAN
NA SIDREO UREUENG , JINOE LON PEUCEH
SI MUKMIN SEUDEH , FAKIR HANABAN
HANA HAREUTA, MEUBUBE PUREH
YANG NA HAI WAREH, SABOH PAKAIAN
NGON SABOH RUMOH, BILEK TEUMPAT EH
TEUTAPI SALEH, TA’AT HANA BAN
BAK WATE SUBOH , ASYURA MEUCEH
UBAK JAMA’AH, GEULANGKAH GOBNYAN
MESJID JA’MIK , GEULANGKAH MEUCEH
UMAR BIN AZIS, IMUM DISINAN
KAWOEM YANG NISA, HANJEUT TOE KEUDEH
ILLA YANG MEUCEH, 10 MUHARRAM
UROE ASYURA, GEUBEBAS GAREH
JEUT TAMOENG KEUDEH, DI PEREMPUAN
OH LHEUH SEUMBAHYANG ,DI FAKIR SALEH
GEUDUEK BAK MEUKLEIH, GEUPUJOE TUHAN
TEUKA LE KEUNAN, BAK FAKIR SALEH
INOENG SEUDEH, FAKIR HANA BAN
YOHNYAN JIPEUGAH , BAK FAKIR SAHALEH
NEUBRI BACUT THEH , KEU ULON TUAN
NEUBRI SEUDEKAH, NGON HATE KHALEH
LEUPAH THAT SEUDEH , DI ULON TUAN
DEUNGON ANEUKDA, DI RUMOH SIDEH
BEUKLAM TAN LON EH , HANA MAKANAN
OH BAN GEUDEUNGOE, DI FAKIR SALEH
HATE GEUSEUDEH, INSEUH NGON SAYANG
YOHNYAN GEUPEUGAH , BAK
INOENG SEUDEH
TALANGKAH BEUTROEK , RUMOH
LON TUAN
SUPAYA LON BRI , WATEE TROEK
KEUDEH
PUE PUE NA MUDAH, KARONYA TUHAN
YOHNYAN GEUGISA , BANDUA MEUCEH
OH TROEK U RUMOH, GEULANGKAH RIJANG
GEUJAK MEUSALEN, DI FAKIR SALEH
IJA SEUMAAH , PALET LE RIJANG
GEUJOK IJA KROENG, SURUNG ROT BINEH
GEUMEUK SEUDEKAH , KEU PEREMPUAN
YOHNYAN GEU UCAPA, TERIMONG GEUNASEH
NGON HATE KHALEH, MOHON BAK TUHAN
BEU TUHAN GANTOE , KEUDROE NEUH MEUCEH
YANG LEUBEH HALOH, PAKAIAN JIFAN
HINGGA OH MALAM, DI FAKIR SALEH
RASIA LEUMAH , AYAIB HANA BAN
BUDARI KEUNAN , TROEK MEUCEH
BAK TEUNGEUT GEU EH, LEUMAH
GEUPANDANG
RUPA JIH CEUDAH , INDAH NGON LINTENG
HANA NGOEN BANDENG, DI DALAM ALAM
LOM MUTIARA CAHYA , MEULENG – LENG
NGOEN OK KEURETENG, PALEUT MEUGULAM
OH BAN GEUKALON , DI FAKIR ALEM
JIWOE LAM BATHEN , SANG YUEM
MEULAYANG
JIPEURAB LAJU, JIDUEK DI SAMPENG
JIJIK KEUNIREM, SABOH HAWAN
SABOH BOH KUFAH , INDAH TAN BANDENG
MEUBEE HAI POLEM, CUKOP MEUDRAM DRAM
LAGEE KASTORI, MINYEUK NAGGROE KLENG
HANA SEUBANDENG, DUMNA BEBEWAN
GEUCOEK BOH KUFAH, DI FAKIR ALEM
GEUMAT GEUTENTENG, GEUPLAH LEE NYOH
NYAN
MEUKA GEUDAPAT, SINAN MEUSARENG
YANG HANA BANDENG , PAKAIAN
JIFAN
JIBEUDOEH NGON BHE, ULEI TEUH PUSENG
SOE SOE TEUMEUCOM, LAZAT
NGOEN PINSANG
YOHNYAN GEUTANYONG , DIFAKIR
ALEM
BAK PUTROE CANDENG, MEUNOE LAKUAN
SOENAN DIGATA , HAI BUNGONG HUSEN
PEUGAH BEULAZEM, GAMPONG HALAMAN
GATA TATEUKA, PEU HAJAT PEUNTENG
TEUSEUNYUM TEUKHEM , GEUTANYONG MEUNAN
JISUOT LAJU , HAI TUINGKU ALEM
KALHEUH PEUKAWEN , TANYOE LE TUHAN
ULON JAK SEUTOT, JUDO YANG LONCHEIN
FAKIR YANG ALEM , TUHAN GEUPULANG
NYOEKEUH JUDO DROE , HAI FAKIR ALEM
KALHEUH PEUKAWEN , TANYOE LE TUHAN
NAMA ASYURA , DILON YANG LAZEM
JANNATUL ADNEN , TEUPAT HALAMAN
BEK TREIP LEE NEUWOE, HAI TUNGKU
ALEM
DILON THAN LON CHEIN, KEUJODO BADAN
OH BAN GEUDEUNGOE , MEUNAN JIBARENG
RASA KAPUSENG , LEUMOH
PEKERAN
MASANYAN JAGA , DI FAKIR ALEM
BAN SEUKEULILENG , LAJU GEUPANDANG
GEUKALON HANA , CUT PUTROE LINTENG
JINOE LAM BATHEN , SANG YUEM MEULAYANG
YANG NA DI RUMOH , HARUM TAN BANDENG
MEUBEE HAI POLEM , TINGGAI MEUDRAM DRAM
INSEUH DEUNGOEN WEUH, DI TUNGKU ALEM
UYUEB LEE GEUTROEN , TUENG IE SEUMBAHYANG
SEUMBAHYANG HAJAT , DITUNGKU ALEM
MOHON NGOEN YAKIN, DOA BAK TUHAN
WAHE YA RABBI, ILLAHUL KAREIM
MEUNYOE CUT AINON , YANG KA LON PANDANG
KEUBIT JUDO LON, HANA SOE LAEN
NEUCOK YA HALIM , LAJU LON TUAN
NIBAK MASANYAN, RABBUL A’LAMIN
NGOEN SIPHEUT HALIM , NEUKABUL RIJANG
KATROEK BAK MASA, DIFA’KIR ALEM
AJAI KA LAZIEM, GEUWOE BAK TUHAN
KA SAMPOE HAJAT, NGOEN PUTROE CANDEN
GEUDUEK MEUJANDRENG, NGOEN JUDO
BADAN
OHNOE KATAMAT , SEUJARAH PEUNTENG
PASOE LAM BATHEN, CONTOH TEULADAN
DUMNA BALASAN , BANTU MISEUKIN
UROE YANG KARIM, 10 MUHARRAM
CUBA NEUPEUBUET, HAI KAWOEM MUKMIN
NGOENG PUNOH YAKIN, MUDAH MUDAHAN
DAPAT BALASAN , RABBUL A’ALAMIN
MEUTAMSE BANDENG , SEUJARAH
LON TRANG
( TGK,DIYUEB BRUEK )
0 komentar:
Posting Komentar