“ KEUNOENG KUTOEK”

   OLEH :  SULAIMAN.A.GANI.

================================================

Assalammua’laikom, Saleum lon peutroek

Loen intat beutroek, Badum Syedara

Gantoe lon jak droe, kupi lon jak joek

Nyoepat na beok, saboeh Mustika

Cukoep that sayang, pade teu tajoek,
Teuloeh  seuneuboek, 'oeh ujeun raya,
Leupah bak bala, ka keunoeng kutoek,
Bandum sare lhoek, Gampoeng ngoen kuta

Umu ka tuha, badan ka bungkoek,
Mantoeng that landoek, bak peugah haba,
U bak mushalla, sabe  tan toem troek
Peunyaket budoek, meusoek lam dada,

Pajan keuh sadar, hai buroeng  antoek,
Karhoet dalam lhoek, mantoeng meuraba,
Yang pah ngoen nuga, simban nibak koek,
Ngat puleh maboek, tajoek ie sira,

Cucoe ka lapan, Mantoeng jeip ie ijoek

Oh uroe  dawoek, Meuseutik angka

Peuturoet lumpoe, Tiep uroe suntoek

Yang pah nibak koek, Kapoeh ngoen Nuga

Mantoeng bloe buntut, sampoe puteh  oek

Tiep  uroek dawoek, peukaya  cina

Meunyoe ibadat, sit tan meubeok

Laloe  ngoen siboek, peuseutoet  donya

Bak meja  bate, tiep uroe  suntoek

Gadoeh dawoeh, bak gelek  ek  sa

Seumbahyang luhoe, mantoeng  meu adoek

Mantoeng  that siboek,  ngoen bate  laga

Pajan sit tathee, wate meutumpoek

Oh geubri kutoek, teu eh lam tika

Wate rab mate, nyawoeng geutawoek

Nyan baroe siboek, pujoe Rabbana

( Tgk Diyueb Bruek, 05/02/2012 )