“ WOE TUENG BILA “

   Oleh  : SULAIMAN.A.GANI.

===============================

Tgk Diyuebbruek, Jinoe katroek woe

Jak Bantu adoe, nyan Banta indra

Karoeng ngoen wali, kabeh meusahoe

Bahle sidroe droe, lon seuboet  nama

@Faidzail loen Fasya. Uloen hareutoe

Meunyan pih adoe,  tapi laen  ma

Di Geudoeng pase. Keurajeun nanggroe

Jinoe katroek woe, jak  Bantu gaza

Airi Safijal , di beutoeng  nanggroe

Meunyan pih adoe, Sileumueng dua

 Bak Bantakiyah, sideh meurunoe

Kalheuh geupasoe, Hikeumah  Donya

Ilham Mirsa, nyan pih katroek woe

Meunyan pih adoe, yang laen  Bapa

Nibah Angkasah, Cut Ali  Sidroe

Sinan Meureunoe, Bakongan nama

Teuma yang keupuet, nyak agam Sidroe

Nyan pih ka jiwoe, ngoen bala tentra

Daud Beureueh, dile saboeh  roe

Nyan gure adoe, peuthuen Maerdeka

Teuma keu limoeng, nyan saleum nanggroe

Meunyan pih paloe, keubai lam mata

Geuruedoeng pase, di daulat nanggroe

Nyan pih ka jiwoe, jak Bantu Banta

Misee teumbaga, pih nyan teungoeh woe

Meunyan aduen droe, di Banta Indra

Aduen saboeh yah, po tangloeng nanggroe

Jinoe teungoeh woe, lam awan miga

Meunyoe meusapat, Bandum tujoeh droe

Nyoe yangka paloe, bicah prang  raya

Bandum yang takloeh, raja  tujoeh droe

Meusapat keunoe, tamoeng lam gaza

Putroe nyak Adian , bacut haruetoe

Jinoe sajan droe, Cut Banta  Indra

Nanggroe peusangan, Teumpat cut puroe

Sajan ayah droe, Adian keumala

Tgk  Diyueb Bruek, Jinoe ka siap

Malamnyoe meuhat, ka habeh  pike

Nyan bandum sare, kaneuk sak  lam glap

Pue lom lon harap, meeunyoe kon mate

Bah teutiek manyet, disinoe  sapat

Mangat troek ulat, jipajoeh  bangke
Bahle disinoe, geunantoe juerat

Dak habeh hayat, pih ka  meusampe

Nibak malamnyoe, meuprang lon karat

Koboeh lam ikat, gunci ngoen rante

Nyan gata dum sare , ku pasoe lam glap

Bah that beukuat, kuboh  lam rante

Dicoeng bak jeumpa, umpueng cicem ngang
Aneuk kleng hitam, jiwoe lam rimba
Beuthat jen pari, si raja bangbang
Sihe jen hitam, pari lam rimba

rimueng teungoeh eh, abu kupue kacungke
bui kaboem rante, pue ka geulawa
keumuto tanoeh, kupue dicungke
lam guha sihe, pue katiek mitra

dalam abeuk jen, kajak keumawe
hana kapike, rugoe ngoen laba
kupue bak ulon, peuleumah sihe
bathen ngoen lahe, kalhueh lon rasa

( Tgk Diyueb Bruek )