Pages


Minggu, 31 Maret 2013

PANGKAI TAWOE U NANGGROE PAGE “


   Oleh  : SULAIMAN.A.GANI
===================================
Assammua’laikom, Saleum lon sapa
Tuha ngoen mudan, ban bandum sare
Hajat lon karang, saboeh mustika
Peu ingat bangsa, Banda deungoen gle
 
Bek gadoeh laloe, peuseutoet donya
Akhirat beuna, neutuntuet  sabe
Keu pangkai tawoe, nanggroe kalbaka
Ta tujan hana, geutanyoe  mate
 
Meubek tapike,  umu teuh muda,
Ngoen tiba tiba, geutanyoe  mate
Geutanyoe hudep , sit sementara,
Di dalam donya , tamita hase,
 
Pangkai Tapuwoe, nanggroe Kalbaka
Amalan beuna,  pangkai tamate
Meunyoe tan Amai, masa lam donya
Meunyesai teuma, oh uroe page

Meuleupah Azueb, dalam keranda,
Amai teuh hana , wate tamate,
 Sabe lam azeub, saban  kutika,
Teulah that raya , rugoe bukon lee,

Teugoh tahudep , sinoe lam donya
Nyawoeng mantoeng na, sigohlom cebre
Beuna tapike , bek pubuet dosa
Meunyeusai dudoe, rugoe bukonle

Bek pubuet dosa, masa lam donya
Beuna takira, bek pubuet jahe,
Meunyoe takalon, dum manusia
Rame lagoena , nibak buet kafe,

Mulai jinoe, tasadar  beuna
Tataubat sigra, Meuyoeh goeh mate,
Geutanyoe hudep , dalam donya,
Ta ingat beuna , keu rabbul kade
 
Nabi geutanyoe, na neumeusabda
Neuboeh umpama, donyanyoe bangke
Yang seutoet bangke, meukhuen saidina
Asee geunama, meunan tapeuse
 
Geutanyoe hudep, didalam donya
Syafii pih na, meunoe  geutamse
Tanse lam laot, ka ta ek betra
Aroeng samudra, u nanggroe blahdeh
 
Meu salah arah, tanyoe binasa
Meukaram betra, hana troek keudeh
Hantroek ban hajat, nanggroe kalbaka
Tanyoe sensara, azueb that peudeh
===================================
 
 

0 komentar:

Posting Komentar

Komentar FB :