“ GEUTANYOE HUDEP UMPAMA JALO “

    OLEH : SULAIMAN.A.GANI.

===============================

Assamualaikum,  kawoem sahabat
Timu ngon barat ,  seuramoe meukah
Gasin ngon kaya,  susah meularat
Malem ngoen bangsat , peuneujuet allah

Neucok neu puwoe , beujuet keu ubat
Koen haba songglap , peupanyang lidah
Jeut keupedoman , jampang oh sisat
Jeut keunasehat,  oh tinggi darah

Karena nanggroe , katoe kiamat
Manusia bangsat , tuwoe keu Allah
Peungaroeh syetan , rijang that dimat
Ka tuwoe jih That , suroeh ngoen teugah

Yang suroeh rabbi,  hana di inggat
Teungoeh seunang that,  lalee ngoen donya
Caroeng tikoeh tem , lam lungkik binteh
Peuleumah areh,  yoeh goeh mie tampa

Meuka di teume , di timang gaseh
Oh  dudoe habeh , di mamoeh tulueng
Meunan sit geutanyoe , jinoe hai wareh
Peulemah areh . mantoeng  kreuh tulueng

Troek malaikat mawoet,  ka putoeh gaseh
Dalam tika eh,  han jeut le taplueng
Beudoeh rakan loen , jak  laju keudeh
Jak manoe beugleh , jumat tajak tueng

Hudep geutanyoe, lam bumoe Allah

Lam laot luah, jalo tanyoe  ba

Bek salah tuju, ka gadoeh arah

Keumudoe patah, lam loet raya

Sayang that masa, watee ka leupah
Sia meuleumpah, hanjeut tagisa

Meuyeusai teuka, 'oeh dudoe teulah
Meunyoe ban leumah, ka dikeu mata

Meuho loen cuba, masa loen ilah,,
Bek sampe meulah, si umu masa,,
Hina bak donya, hana masalah
Hina bak Allah,  amai teuh hana

Tamah Bacut Truek

================

seumbahyang suboh , bek ateuh kasoe.

 Sembahyang leuho, bek ateuh honda.

Sembahyang asa,  bek neu peu trep-trep.

Sembahyang mugrep , bek wate isya.

Seumbahyang wajeb, uroe jeumeuat
Seumbahyang sunat, oh uroe Raya
ka jimeudoa,  meunyoe na saket
jimeurateb , meunyoe na Gempa

Meynoe tan geumpa, seumbahyang tanle
Di ade pade, tika musalla
Ija seuleukom, Jitiek u sandeng
seulama kayem, hanale geumpa

(Tgk Diyueb Bruek 05/02/2013)