“AMANAT RAKYAT NANGGROE “

   OLEH : SULAIMAN.A.GANI

===============================================

BAK TANGGAL SIBLAH,,BULEUN DUA BLAH

DISINAN KISAH,, PHOEN PHOEN LOEN MULA

      DUA RIBE NAM , NGOEN THOEN GEUPEUGAH

SEURAMOE MEUKKAH, RAKYAT MEUPESTA

PILEH PEUMINPIN, SEURAMOE MEUKKAH

YANG MAT  PEURINTAH,, ACEH MULIA

LAPAN PASANGAN, YUE PILEH BAGAH

MEUNYAN CALON SAH, DALAM PILKADA

HASIL PILIHAN , RAKYAT BAROLLAH

KHENDAK BAK ALLAH,,MEU PO YANG ESA

MEUNANG IRWANDI, BANDUM DAERAH

MEUNAN KEUH ULAH, HASIL PILKADA

NEUTAMAH RAHMAT,NIKMAT BRI  ALLAH

SEURAMOE MEUKKAH, AMAN SENTOSA

LE THAT HIKEUMAH, NEUBRI LE ALLAH

OH LHEUH MUSIBAH, TSUNAMI  GEUMPA

DAME HELSINKI, YANG PHOEN LOEN PEUGAH

LHEUHNYAN KA  JISAH, NYAN  UUPA

KEU LHE PILKADA, NEUBRI  LE  ALLAH

HAN SAMPOE BICAH, JUET PRANG  SAUDARA

OLEH SEBABNYAN, BACUT  AMANAH

RAKYAT JIPEUGAH , PEUNEUSAN  HABA

SOE YANG MAT ACEH, SERAMOE MEUKKAH

KEU RAKYAT SUSAH, PEUDULI  BEUNA

LAGE YOEH JAMEUN, ACEH  GEUPEUGAH

MASA  PEURINTAH, ISKANDAR  MUDA

AGAMA NGOEN ADAT, KUAT MEULEUPAH

DALAM SEUJARAH ,NEUCUBA  BACA

NGOEN KRU SEUMANGAT , TAPUWOE TUWAH

SEURAMOE MEUKKAH, JINOE BEU JAYA

BEUSAPUE JANJI, BEUSAHOE LANGKAH

PEUDOENG SYARIAH, ADAT BUDAYA

  ASAM BOEH KIYUEN,TEUMOEN BOEH PANJOE

LINCAH COET UROE. U GROEH  NGOEN SAKA

  AMANAT RAKYAT, SO YANG MAT NANGGROE

NGOET PEUT BOEH BAGOE, DIYUE  USAHA

LAM HADIS MAJA, GEUPEUGAH MEUNOE

TAPEUGOET NANGGROE,NGOEN PEUT PEUKARA

MEUROEK DEUNGON TOI, KEU ASOE NANGGROE

RUHUENG NGOEN BAJOE, MEUKEU PEUTUA

TAMEH NGOEN PUTEING, KEU ULEBALANG

BENEUNG NGOEN ADANG, KEU ULAMA

MEUNYOE MEUSAPAT, BAN PEUT ATRANYAN

CUKOEP THAT TIMANG, JIDOENG NEURACA

MEUROEK DEUNGOEN TOI, GEUTAMSE RAKYAT

WATE MEUSAPAT , KA SEUMPUREUNA

TEUKEUDI  KARU, LAM MASYARAKAT

GEUMEUDUEK PAKAT, PUTOEH PEUKARA

NGOEN HUKOEM ADAT SYARAT GEUPUPHOEM

ULAMA BANDUM,  YANG BRI FATWA

RAYEUK THAT  PEURAN, KAWOEM ULAMA

YANG BRI FATWA , SYARI’AT HUKOM

RUHUNG NGON BAJOE,  GEUTAMSE TOKOEH

WATEE MEUSABOEH, GOYANG JIH HANA

WATEE KA MEUROEK,  PEUTUA TOKOEH

TANLE NA SABOEH,  YANG JEUT KEUDAWA

UREUENG MAT ADAT,  MEUNYAN KEUH TOKOEH

PEUKARA PUTOH,  NGOEN ADAT DONYA

REUSAM NGON QANUN,  PEUTUA TOKOEH

WATEE MEUSABOEH , THAT BIJAKSANA

TAMEH NGON PUTEING,  GEUTAMSE RAJA

YANG MAT KUASA,  MEU ATOE  RAKYAT

YANG ATOE NANGGROE,  BAK SIDROE RAJA

KAWOEM ULAMA,  KEUPEUNASEHAT

BEUNEUENG NGOEN ADANG, PEUTEUPAT HUKOEM

ULAMA BANDUM , YANG TU’OH THAT THAT

UREUENG FATWA,  SYARI’AT HUKOM

GEUTANYOE BANDUM,  HARUS TA  TA AT

UREUENG YANG TUPUE,  HUKOEM RABBANA

WAREH SAIDINA,  NABI MUHAMMAD

UREUENG PEUPUTOEH,  HUKOEM SYARI’AT

REUSAM NGON ADAT QANUN PIH GEUMAT

MANGAT BULUKAT , TALHAP DEUNGOEN U

PEULOM TAJAMPU,  NGOEN GULA MIRAH

ACEH LHEE SAGOE , BEKLE NA KARU

NEUPAKEK TUNGKU,  LAM PEMERINTAH

KEUPEUNASEHAT,  NEU PAKEK TEUNGKU

UREUNG YANG TUPUE,  BEUNA NGOEN SALAH

LAGEE YOEH JAMEUN,  MASA DAHULU

PEURANAN TEUNGKU,  CUKOEP THAT LEUMAH

ISKANDAR MUDA,  GEU PAKEK TEUNGKU

ACEH DAHULU,  GOBNYAN PERINTAH

SYIAH KUALA , JEUT KEU PEMBANTU

RAJA NGOEN TEUNGKU,  GEU MUSYAWARAH

MEUNAN AMANAH, RAKYAT SIGEUTU

YUE PAKEK TUNGKU, LAM PEUMERINTAH

HALEU NGOEN HARUEM, BEKLE  MEUJAMPU

SEUBAB NA TUNGKU, URUENG YANG TEUGAH

Banda Aceh, 27 Januari   2007