“ LAKE MEUAH”

    =========== Msliem Barcelo Nakata ========

Sigala pujoe,keu poe hazarat
Yg peujeut umat,lat batat dumna
Seulaweut saleum,keu pang ule umat
Nabi Muhammad,rasul Mustafa

Salam'alaikom,wahe e sahbat
Saleum lon intat,neu jaweub sigra
Uloen bri saleum,tanda horeumat
Jaroe ta mumat,tanda mulia

Keu mandum admin,pantoen hikayat
Beuserta rakyat,mandum semua
Hana kecuali,dalam hikayat
Malamnyoe meuhat,meu'ah lon pinta

Neu kalon ulon,pakon smbong that
Ngen mandum sahbat,jareung lon sapa
Uroe ngen malam,jareung di tmpat
Seudangkan sahbat,sabe deuh nyata

Wate lon rasa,bak sang han mangat
Ulon ngen sahbat,hantom meunyapa
Bukoen lage nyan,hai rakan sahbat
Ulon sombong that,neu kalon nyata

Keurakan mandum,sabe lon ingat
Hana meu siat,gata lon lupa
Tapi lawetnyoe,ulon sibok that
Han meu tumei mat,hp nokia

Maklum di kamoe,kerja peh alat(bumbum)
Na Geubri rahmat,bak beuleun puasa
Ban woe keurija,lon istirahat
Krna hek that,bunoe keurija

Oeh no keuh dile,haba lon intat
Supaya sahbat,han salah sangka
Ulon na sabe,ngen rakan sahbat
Saket ngen mangat,saban tarasa 

(  Msliem Barcelo Nakata)