Pages


Sabtu, 09 Maret 2013

“ SIRATURRAHMI “



==================================
Ka jitoeh ujeun , bak teungoeh malam
Ban saboeh badan,  teurasa leupi
Ngoen tiba-tiba , bule meugram-gram
Hate di dalam,  ka ji meurawi

Jikheun le hate , lam perasaan
Pakoen hai badan, tan sadar diri
Sabe kapajoeh , nyan nikmat Tuhan
Ka syukur pihtan , keupada Rabbi

Maksiet kapubuet , ka taubat pihtan
Seu akan-akan , keukal dibumi
Yang na kapubuet , Cuma seumbahyang
Pue sep dengoen nyan , meunghadap rabbi

Ngoen  wareh lingka,  katuri pihtan
Katuri rakan , Cuma famili
Seubab rhoet ayah,  na keuturunan
Atau hai badan,  roet gareh ummi

Rame duem laen , ureung iselam
Chiet saboeh jalan ,pulang ngoen pergi
Sit  saboeh gampoeng, dikah ngoen goepnyan
Hantoem hai badan,  silaturrahmi

Padahai nabi , pernah neupeusan
Geuyue jalankan,  silaturrahmi
Yang geukhen saudara ,sesama islam
Bukoen hai badan,  sitaloe wali

160 boeh rumoeh ,wahe e badan
Kiri ngoen kanan,  bena meuturi
Bak gata tinggai,  depan belakang
Tasamboeng keunan,  silaturrahmi

Pueloem di kota , meususah pih tan
Rumoeh e badan,  rapat meuriti
pue chiet pegah droe ,ureung iselam
Tetangga jiran,  hana ka turi

Tijoeh ie mata , ile berlinang
Pakoen ek menan ,jikhen le hati
Wate teu ingat , sabe teubayang
Ulon ngoen jiran ,goloem meturi

Sabe pegah droe, ureung iselam
Ureung blah deh jalan, hana meuturi
Nyan saboeh pageu, kiri ngoen kana
Pakoen urueng nyan, tan tapeudoli

Hoka saudara, umat iseulam
Beudoeh hai rakan , silaturrahmi
Tabuka hate , ta pinah dendam
Geutanyoe islam ,contoeh bak nabi

Beukayem ta ikoet,  jama’ah seumbahyang
Di sinan awai , punca meuturi
Seumbahyang berjama’ah, ikoet hai rakan
Hana alas an, seumbahyang  sendiri

Keuculi ujeun, ngoen saket badan
Yang laen hai rakan,  hana geu asi
Meunyoe na salah ,haba lon karang
Kritik ngoen saran,  beubagah neubrssi.
=================================

0 komentar:

Posting Komentar

Komentar FB :