SEUBAB GEUTENTE 19 HARAH BISMILLAH

OLEH : SULAIMAN.A.GANI

====================================

Assalammua’laikom. warahmatullah

Deungoen Ikeulah, jawueb beusigra

Saleum ulon boet, neujawueb beubagah

Mangat le Allah, Neubri  seujahtra

Hajat lon peugah, 19 boh  boeh arah

Dalam Bisminlah, neuci pareksa

Pakoen geuteunte, 19 boh arah

Deungoe lon kisah, seun seun sibanja

Saboeh harah ba,  saboeh harah sin

Lhee boeh harah mim,  wahe saudara

Peut boeh di aleeh,  lhee boeh harah lam

Deungoen hai taulan,  lhee boeh harah ha

Dua harah ra , saboeh harah nun

Neudeungoe loen kheun,  saboh harah ya

Hasee jeumulah ,wahe tengku beoh

Sa kurang dua ploeh , dalam keunira

Seubab geutente , dumnan boeh harah

Nuraka hawiyah , asoe jimita

Jilake asoe,  19 boeh kawoem

Deungo tungku loen,  uloen bileung sa

Kawoem yang keuphoen , han jimeununtut

Han jibri zakeut,  kawoem keu dua

Kawoem yang keu lhee,   han jimeusyahdat

Yang keu peut meuhat,  han jipuasa

Keu limoeng kawoem,  han jiseumbahyang

Keunam hai taulan , ji pajoeh riba

Keu tujoeh kawoem,  han suci badan

Kawoem keu lapan,  hareum jiseuba

Sikureueng kawoem , han bayeu  utang

Siploeh hai taulan,  meu upat gata

Keu siblah kawoem,  han jijak muprang

Dua blah taulan , jimita hareum

Keu lhee blah kawoem , ureueng jeib arak

Ureueng meulawak,  peut blah kawoem ka

Limoeng blah inoeng,  han jitueng lakoe

Nam blah hai adoe,  kawoem meuzina

Tujoeh blah kawoem,  pajoeh harta aneuk yatim

Mmeunyan hai mukmin,  asoe nuraka

Lapan blah kawoem,  jinoe lonpeutrang,

Durhaka taulan, keu ibu bapa

Sikureueng blah kawoem,  han manoe junub,

Habeh tungku cut,  uloen peunyata

Meunyan seubab, nekhuen le Allah

Geuteute Arah, Bisminlah tabaca

===============================