FADHILAH SURAT FAS INLAT

Oleh : SULAIMAN.A.GANI

==================================

Deungoen Bisminlah, kisah lon salen

Hana yang laen, malingkan Allah

Bandum makluk, insan deungoen jen

Ka beutanyakin, peuneujuet Allah

Nabi Muhammad, Seulawuet lon kirem

Rasul Mursalen, Utusan Allah

Rasul yang akhe, lhuehnyan tan laen

Keu urueng mukmin, geunaseh Allah

Sulaiman.Gani, urueng seumalen

Saleum lon kirem, neusamboet bagah

Saboeh riwayat, hajat lon salen

Keu ubat bathen, oh wate  susah

Neucoek keu ubat, haba lon salen

Peunawa bathen, kadang ijabah

Surat Fas Inlat, hajat lon bareng

Meunoe ban lazem. Neudeungoe bagah

Peumimpin quraisy , ka jibeurundeing

Bak teumpat laen , ji musyawarah

Ji peugah haba , rasia peunteing

Ji keumeu guleing , hukoem syari’ah

Keu hai agama , jineuk peusayeing

Jineuk beurundeing , deungoen muhammad

Jibri utusan , sidroe yang licen

Ka lheuh jisareing , lam musyawarat

Si abu khaleb,  laju jikirem

Angota  jak reundeing , deungoen muhammad

Oh troek bak nabi,  saidil mursalin

Di duek di sampeing,  pangulee umat

Di rasulullah,  rasa nyuem teukhem

Kahleb ji kirem,  neuteupue biat

Yoehnyan di nabi , saidil mursalen

Watee nyan lazem,  neubaca ayat

  

Deungoen bismillah,  laju neu ireng

Neun baca nyareng,  surat fas inlat

Si abu khaleb , jisinget kupeing

Goet that jisareng , kalam hadharat

Oh ban jideungoe , goet that meulaen

Ulee jih puseng,  la wahai sahbat

Keubit quru’an , kalam yang peunteing

Han ek jibandeing,  watee ji ingat

Ka tahe keudroe , gigoe meuganceing

Haba beureundeng,  hana ji ucap

Yoh nyan si khaleb , mita geuniereng

Ji lakee izin , nibak muhammad

Ka u rumoeh droe , ka jiwoe aseing

Bak rakan laen , han le jipeurab

Tacoek keuputusan , hai tungku malem

Keubiet that peunteing,  kalam hadharat

Jangankan kafee , yang bangsa laen

Ulee jih puseng,  wate ji ingat

Pue loem geutanyoe , ureueng muslim

Meutamah nyakin , iman teuh kuat

( Tgk Diyueb Bruek )