“ MEUSAHOE PUSAT “

   OLEH : SULAIMAN.A.GANI
===================================
Assalamua’lakom, tangloeng Malakat
Pujoe Hadharat, Azawajalla
Yang peujuet Donya, bandum lat batat

Sidroe Hadharat, yang that kuasa

Akan janjongan, seulawuet lon intat
Pang ule umat, ban sigoem Donya
Bandum keluarga, seureuta Sahabat
jasa raya that, bela Agama

Samboet saleum lon, keu bandum sahbat
Timu ngoen barat, Tuha ngoen Muda
Roet Donya Maya, saleum lon intat
Meusahoe pusat, lon nuek calitra

Pakriban muphoem, meusahoe pusat
ulon riwayat, siseun sibanja
Yang phoen” Grup Panton, Nazam Hikayat”
yang awai that that, meunyan yang Tuha
(Link grup : http://www.facebook.com/groups/292861220782466/)

Adoe yang tuloet, pih nyan batat that
lam prang jikarat, sabe tiep masa
Grup “ Meuprang lan Panton”, Nama jih Meuhat
Beuho ngoen batat, Lam Donya Maya. MLPtiepuroesabe@groups.facebook.com
http://www.facebook.com/groups/MLPtiepuroesabe/

Meunyan dua Grup, ka wahai sahbat
Meusahoe pusat, Anuek saboh ma
sama  Admin, dua Grup meusapat
Goeb Turi meuhat, lam Donya Maya

Akhabar Al-Mutassila, Grup Nazam Hikayat

Meunyan hai sahbat, Pujangga Muda

Tgk Diyueb Bruek, ohlhuehnyan meuhat
Tunggang ngoen batat, hana ngoen peusa

Grup ‘Meuprang Lam Panton, keu Dua  meuhat
Nyan pih hai sahbat, Sidroe Budaya
Tgk Diyueb Bruek, Nama geusambat
Nyan pih meugah that, lam donya sastra

Dua   Admin, Dua Grup Meuhat
Meusahoe pusat, Anuek saboeh Ma
Beuhe ngoen teuga, tungang ngoen batat
Nazam Hikayat. Panton meurika

Meumada ohnoe, haba lon surat
Keu Bandum sahbat, lam donya Maya
Mangat neuturi, ngat juet keu sahbat
Jampang meukarat, kana syedara
( Tgk Diyueb Bruek/Sulaiman.A.Gani )
Tanggal 26 September 2012