" HIKAYAT SIRIBE PAKHOEK

KATA PENGANTAR

       “ALHAMDULILLAH “ Puji dan Syukur Penulis panjatkan kehadirat  RABBI Azawajalla yang telah melimpahkan Rahmat dan Karunianya sehingga penulis telah dapat menyusun sebuah buku yang diberi judul “ KUMPULAN SIRIBE PAKHOEK “

            Selawat seiring Salam penulis sampaikan Kepangkuan Pang Ule Alam Sebagai Khataman Ambiya Baginda Nabi Besar Muhammad S.A.W beserta Sahabat dan para Keluarga  yang telah menuntun umat manusia dari Alam kebodohan ke Alam Ilmu Pengetahuan dan beradap

            Penulis telah berusaha Untuk menyusun Pakhoek –pakhoek  Hikayat maupun  pakhoe pakhoek yang dikumnpulkan dari berbagai sumber dan kalangan  untuk selajutnya dijadikan sebuah  Buku Sederhana ini yang tidak lain dan tidak bukan bermaksud dan ber upaya untuk melestarikan serta memperkaya Khasanah Budaya Urueng Aceh, karena dalam buku ini memuat  “ PAKHOEK PAKHOEK “ Hikayat Aceh terutama yang menyangkut  Adat Istiadat, Agama dan kesenian  dengan harapan dapat bermamfaat hendaknya bagi

seluruh Masyarakat Aceh di Propinsi Nanggroe Aceh Darussalam.

            Dengan terbitnya Buku “ SIRIBE PAKHOEK  “ ini Masyarakat khususnya Masyarakat di Propinsi Nanggroe Aceh Darussalam dapat lebih memahami bahwa Propinsi Nanggroe Aceh Darussalam mempunyai Khasanah Budaya Bangsa yang luhur tinggi  dan perlu dipelihara serta dikembangkan sesuai perkembangan Masyarakat Aceh itu sendiri, Apa lagi dengan di Undangkannya  Undang Undang Pemerintahan Aceh No. 11 Tahun 2006  yang di dalamnya termuat tanggung jawab terhadap pelestarian kebudayaan dan Kesenian Aceh ( Bab XII pasal 96,97  BAB XIII pasal 98,99 serta BAB  XXXI pasal 221,222 )

            Akhirnya penulis mengucapkan terima kasih kepada semua pihak yang telah membantu demi selesainya Buku ini dan penulis sangat menyadari dalam penyusunannya masih banyak kkekurangan seta belum sebagaimana diharapkan , Maka dari itu penulis sangat mengharapkan sumbangan pemikiran serta masukan dari berbagai pihak untuk penyempurnaannya di masa mendatang

“ TOEP TEUPOENG BRUEH BIT, KAROEH BRUEH LEUKAT,

   BAK LOEN SEUMURAT KADANG NA SALAH,

   MEU`AH LOEN LAKE MEURIBE HARAP

   JAROE LOEN ANGKAT LOEN LAKE MEU`AH “

                                                                 Banda Aceh, 20 Oktober 2011.

8 Syawal 1428  H

                                                           W a s s a  l a m

                                                               (  SULAIMAN A. GANI )

DAFTAR  ISI

                                                                                 HALAMAN

     I .    KATA  PENGANTAR    ……………………………..

II.                 DAFTAR  ISI   ………………………………………

III.               RANUP SIGAPU  ……………………………………..

IV.              SIRIBE PAKHOEK ……………………………………

V.                 SALEUM PEUNUTOEP ……………………………..

 

RANUP  SIGAPU

SYUKUR NGOEN PUJOE, MUWOE KEU TUHAN

YANG PEUJEUT ALAM , BAN SIGOEM DONYA

 SEULAWUET SALEUM , AKAN JANJOENGAN

 PANG ULE ALAM ,  RASUL MUSTAFA

SALAM`ALAIKOEM,  JAROE LOEN LAYANG

KEU BANDUM RAKAN,  TUHA NGOEN MUDA

SAMBOET SALEUM LOEN,  SABOEH KARANGAN

KADANG HAI RAKAN , JEUT KEU PEUNAWA

GANTOE LOEN JAK DROE,  LOEN BRI UTUSAN

GEUNANTOE BADAN  , PAKHOEK LOEN SUSOEN

GEULANTOE LOEN BRI,  KUPI SICAWAN

PANTOEN LOEN KARANG , LOEN BRI KEU KAWOEM

SIRIBE PAKHOEK  ,JUDUL LOEN BOEH  NAN

KALHEUH LOEN KARANG, SIKADA MUPHOEM

KEU PAKHOEH ADAT, NGOEN KESENIAN

AGAMA SINAN , PIH NA LOEN  SUSOEN

SABOET RAKAN DROE, NGOEN DUA TANGAN

BACA HAI RAKAN, KALHEUH LOEN SUSOEN

SALAH NGOEN BEUTOI, BEUGOET NEUTIMANG

PEU BEUTOI RIJANG, BEK SALAH MUPHOEM

KADANG NA SALAH,  BAK  PEUKHOEN  NAZAM

KEURITIK  SARAN, NEUTULEH LANGSOENG

LOEN LAKE  MEU`AH,  ATEUH  SALAHAN

MAKLUM HAI RAKAN, GOEH LOEM GOET MUPHOEM

BAK PIHAK NAFSU, SUSOEN  KARANGAN

ELEUME LOEN TAN, MEU BUBE JAROEM

HANA  SIKULA  , LOEN JAK BUET PIH TAN

DAK PEUNGALAMAN, SI UMU JAGOENG

SULAIMAN GANI , NAMA LOEN  TUAN

TAN PEUNGALAMAN, ANEUK MIET DUSOEN

DI SAMALANGA , TEUMPAT LAHERAN

TEUMPAT LOEN TINGGAI, JEULINGKE GAMPOENG

RANUB SIGAPU ,OHNOE LOEN KARANG

SALEUM KEUNALAN, ANEUK MIET GAMPOENG

PEU MEU`AH  DOSA, BANDUM SALAHAN

KEUDEH BAK TUHAN, TALAKE  AMPOEN

YA ALLAH  BEUTROEK , HAJAT LOEN TUAN

JEUT KEU AMALAN , PAKHOEK LOEN SUSOEN

NEUTUENG KEU AMAI,  NEUBRI  BALASAN

SYURUGA LAPANG,  NEUPULANG LANGSOENG

                                                                                                                   W A S S A L A M

                                                                                                                 SULAIMAN.A.GANI

                                                                                                               

SIRIBE PAKHO

MEUROEK DEUNGOEN TOI ,KEU ASOE NANGGROE

RUHUENG NGOEN BAJOE, KEU PEUTUA

TAMEH NGOEN PUTIENG, KEU ULE BALANG

BEUNEU NGOEN ADANG, KEU ULAMA

GEUBOEH ADAT, GANTOE PAGUE

BEK JILINGKEU, SIAPA SAJA

GEUBOEH HUKOEM, KEU AKIDAH

MANGAT BEK SALAH, BAK AGAMA

GEUBOEH REUSAM ,MANGAT MEUKEUNOENG

AGAM INOENG, MANGAT BEDA

GEUBOEH KANUN, SUPAYA JROEH

BEK MEU ROEH REOEH,  JEUT PEUKARA

MEUNYOE  KOENG ADAT,  SEULAMAT  HUKOEM

REUSAM  NGOEN KANUN , TEUPEULIHARA

RAKYAT  SEUNANG,  AMAN GAMPOENG

HAN MEUROEN REOEN,  JEUT  PEUKARA

MEUNYOE MEUSAPAT, ADAT NGOEN HUKOEM

MISEU NYAWOENG,  NGOEN ANGGOTA

UMPAMA REUSAM, DEUNGOEN KANUN

MISEU REUBUENG, DEUNGOEN TIKA

HUKOEM ALLAH, DALAM SUNNAH NGOEN FIREUMAN

HUKOEN RAJA , LAM ACARA UNDANG UNDANG

HUKOEM SYARA`K KA, MEUJAMAK KANUN REUSAM

HUKOEM ADAT,  LAEN TEUMPAT LAEN MACAM

MEUNYOE ADAT, SIT MEUKOEH REUBOENG

MEUNYOE HUKOEM , SIT MEUKOEH PURIEH

MEUNYOE ADAT,  HANJEUT  TAKOENG

MEUNYOE HUKOEM,  HANJEUT TAKIEH

MEUNYOE KANUN, SIT MEU ATEUNG BLANG

MEUNAN SIT REUSAM, MEUTANGGA TANGGA

MEUNYOE KANUN, HANJEUT TALAWAN

MEUNYOE REUSAM,  HANJEUT TALANGGA

MEULEUHA ADAT , SEUPAKAT TUHA KAWOEM   

MEULEUHA HUKOEM , MUPHOEM  ATEUH BANJA

MEULEUHA QANUN, BULUENG  MEU ATORAN

MEULEUHA REUSAM, SIPADAN ATEUH JEUMBA

 ADAT MUPAKAT ,DALAM TEUMPAT DUSOEN PEUKAN

HUKOEM MEUSUSOEN,SIDEH TUROEN NIBAK TUHAN

KANUN MEUCABEUNG ,MERUREUWUENG MEU ATEUNG BLANG

REUSAM MEU IKAT ,DEUNGOEN TEUMPAT MEU ATURAN

DEUNGOEN SIBANGSAT, ARAT MEUDAWA

DIPEUHU MATA, PEUGAH BEURANGKRI

SEUBAB BUET TUHAN,  KATAN JITHE NA

MUNGKEN RABBANA ,HAN A JITURI

PUCAK SELAWAH, MEUGAH LAM AWAN

BUKET BLANG KULAM , MEUTANGGA TANGGA

MEUPUE TAHAJAT, GATA HAI RAKAN

KEUNOE TROEK DATANG , MEUPUE KARENA

PUCOEK KRUENG JEUNIB, BATEE  MEUSARAH

PUCOEK KRUENG PANDRAH, JIMUDEK  BUYA

NYAN  U U P A,  JINOE  KA  JISAH

SEURAMBI  PEUGAH,  JITEKEN  PIH  KA

IE KRUENG DAROY, HIJOE MEULEB LEB

DAK HANROEH TAJEP, ROEH TARAH MUKA

KEU MA DEUNGOEN KU, BEK TABRI AYEB

INGAT HAI TALEB, BEK DAROEH HAKA

NA MISUE BAN , SINYAK COET BUNGOENG

MEUSAM BOENG RUNOENG ,SI  ATOET  DUA

MEUGLAK BLAH AGAM ,HANPUE  TATAYOENG

MEU GLAK BLAH INOENG, TAGANDA  DUA

KAREUNA UMBAK, MEUSAWAK JARENG

KAREUNA  PUTEING, MEUSAWAK BARA

MEUNYOE AWAKNYA,  KA TAPEUKAWEN

GEUTANYOE LAEN , PEUKOENG SAUDARA

kULAT ,PAK, DI ,MEULABOEH

KULAT  GOEH,  DI SAMALANGA

URUENG JARAK,  MEUTEUME PAJAH

URUENG  JEUOH ,MEUTEUME  RASA

DILIKOET RUMOEH , TAPULA PISANG

UBOE TATANOEM , TANOEH TACATOE

BAK  TREP TREP SIBLET, MEUHUET  KEU  TIMPHAN

MEUNYOE ON PISANG,  KANA  PAT  TACOEK

MEUPULA TUEBEE , HAN JITEM TIMOEH

KAREUNA TANOEH, MANTOENG ZAT MASEN

LOEN PULA BAK U, GOEH LOEM JIMUBOEH

MANTOENG TEUNGOEH GROEH, JIKAP LE BAJENG

DALAM  KUALA ,BUYA  MEUTAMOEN

LADOENG  TEUDOENG  DOENG, EUMPUEN  JIH  HANA

PAKOEN DILUA ,  HANA  NEUTAMOENG

HANA GOET BAGOEN, BAK ADAT LINGKA

KILAT  DUM  BLA  BLE , ATEUH  GLE  LADOENG

AWAN MEUTAMOEN, LHEUHNYAN UJEUN LE

BEKLE DILUA,   KEUNOE NEUTAMOENG

MANGAT TASEUMOENG , MTALOE SAUDARA

LAM TAMAN RAJA,  GEU PULA BUNGOENG

GALAK TAKALOEN , INDAH LAGOENA

NGOEN MANGAT  HATE ,KAMOE TEURIMOENG

BAK  KAMOE  BUNGOENG,  BAK  DROE  NEUH  RAJA

ALE BAK MUROENG, LEUSOENG  BAK JAMBE

SINYAK  TOEP SAGE, DIYUEP SEULASA

TIKA KA MEULUENG,  DIDALAM  JURE

SIT KA KAMOE THE,  JAME TROEK TEUKA

LAWAN BU LUKAT,  KA MEUHAT  TUMPOE

LAWAN  PUTROE , MEUHAT  RAJA

PEU EK LINTO ,  U SEURAMOE

JEH  PAT  PUTROE,   DALAM  KAMA

BEUREUKAT MEKKAH, KA`BAH BAITULLA

BEUREUKAT SYIAH, ALEM ULAMA

URUENG  IBADAT,  TAAT  KEU ALLAH

TUHAN  NEUKEUBAH,  DALAM  SYURUGA

DI BINEH RUMOEH ,TANOEM BAK MEURAK

CABEUNG JIH RAMPHAK,  RINDANG LAGOENA

SIDEH DI JEUOH,  KEUNOE  TROEK  JAK

BEKLE  SITAPAK,  JEUOH  NGOEN  KUTA

SIDEH BINEH BLANG, SIGAM KOEH NALEUNG

BAK SAGOE ATUENG,  JIPEUDUEK RAGA

RANUB LAM BATE , TIKA  KA  MEULUENG

MEUTHE  KA JAMEUN,  LINTO TROEK TEUKA

KHUENG KEUNOENG TUJOEH,  LUROEH BOEH  ARA

UJEUN KEUNOENG SA,   CANGGUEK MEUNYANYOE

JANJI  PIH  KATROEH,  TANGGOEH  JINOE   KA

LINTOE  YANG  NEUBA, NEUBRI KEU KAMOE

 

HABEH  GLE LAJEUEN,  MEUTEUME  PAROE

GLE KULU  SAMPOE , GAMPOENG  COET  JEUMPA

TIKA LAHORI ,  KASOE  MEUSUJOE

PEUNOEH  SEURAMOE,   KA  MEULUENG  TIKA

DICOENG LAWAH, NA JIDUEK DARUET

DI ATEUH BAK KRUET, NA CICEM PALA

U BENA SALAH, YANGKA LOEN PUBUET

RAYEUK DEUNGOEN CUT,  MEUAH BEURAYA

GANJA PULO ACEH, PUWOE ROET LAOT

TAWOE OH SUPOET, BEKNA RAZIA

PUE NA  DOSA LOEN, YANGKA  ULIKOET

BEKLE MEUSANGKOET, BLANG PADANG MASYA,

RANUB KUNENG ON. TAWOE BAK GIRI

RANUB ULOEN BRI, NEUCUBA  RASA

MEUNYOE NA SALAH, MEU AH BEUNEUBRI

MEUNAN KHEUN NABI, WAHE SAUDARA

TAMSE LUEK KUWA,  LAM CINTRA BEUSOE

MEUKEUTRIB  JAROE , JIMEUSUARA

SABE THAT LAWA , RAJA NGOEN PUTROE

CUKOEP  THAT  RAGOE,  BAYEUN NGOEN CINTRA

LOEN  BOEH LAM HIDANG,  KARANG MALAKAT

KIREM KEU SAHBAT , AGAM NGOEN INOENG

LINTOE YANG NEUBA ,  SANG SANG  MALAKAT

TRIEB KA MEUHAJAT ,  MEUKALOEN BUNGOEN

NEUCOEK KEU BULUENG , NEUTUENG KEU UBAT

WASIET NASEHAT , KEU WAREH GAMPOENG

GEUTANYOE  UDEP , BEU INGAT INGAT

OH  WATE  TROEK HAT,   HANASOE TULOENG

 REUDOEK  HANALE , UJEN LAM NANGGROE

 RINYUEK MEUTALOE,    RABINEH  PASI

HUDEP LAM DONYA, SABE LAM RUGOE

MEUNYOE  GEUTANYOE, TAN PUJOE RABBI

SAYANG U DADEH, HABEH TUPE KAB

TEUPOENG BRUEH LEUKAT, TATOET KEU TUMPOE

BEK JEUT GEUTANYOE, JAHE MURAKAB

 MEUTAN IBADAT, SABE LAM RUGOE

KEUDE BEUREUNUN, TOE LAMPOEH SAKA

KEUDE PEUDADA, TOE NGOEN BLANG BIRAH

NAFSU KEU BUNGOENG, RUNOENG TAMITA

BEK TAGEULAWA ,CABUENG JIH PATAH

ASAI  CABOEK, NIBAK  KUDE

ASAI  PAKE , NIBAK  SEUNDA

AWAI  TAPUBUET,  DUDOE  TAPIKE

TEULAH  OH AKHE,  KUPUE  LOEM GUNA

AWAI  BOEH BAJEK, DUDOE  BOEH  PANAH

PANE  LOEM  LEUMAH,  SEUNALOEP  KANA

BAK  PI  E  HAN  EK,  LOEN  TIMBU  TAMAH

PANE  LOEM  LEUMAH,  GUNA  YANGKA  NA

BUBE  DUA  JAP,  SEUREUKAB  DUA  MUKA

KEUNOE  PIH  TOE,  KEUDEH  PIH  RAB

DUMNAN  PALEH,  JAHE  MURAKAB

BAN DUA PAT ,  MEUTEUME  LABA

HARAP  KEU BACE , PEUCIKOE PAYA

HARAP  KEU  TEUTRA,  JITEM  MEUNYEURAH

HARAP  KEU  PUTROE,  DROE DROE  BINASA

BAK TAPEUCAYA,  JANJI NGOEN  SUMPAH

IE  SITEUGOEK,  BU SABOEH  SUEB

ATRANYAN  BEUJEUT,  KEU DARAH GAPAH

URUENG  PO RUMOEH,  BEUTROEK  MEUKEUSUD

LE  TUHAN  MAKBUD,  FAHLA  GEUBALAH

DICOENG  BAK  NIBOENG,  TIYOENG  MEUDODA

ANEUK  CEM  PALA,  JITAK  LE  TIWAH

MEUNYOE  DI  ABANG,  NAFSU  NGOEN  HAWA

BAK  AYAH  BUNDA,  KEUDEH  NEULANGKAH

MEUNYOE  SIT  INTAN,   HANJEUT  TEUMAGA

MEUNYOE  SUASA ,  HANJEUT  KEU  TIMAH

BEUTHAT  LAM  LEUBUENG,  NYAN  MUTIARA

TEUTAP MEUCAYA,  HANJEUT  MEU  UBAH

RAKET  BAK  PISANG,  TAJEUMEURANG  KRUENG

SINYAK DROEP UDUENG,  LAM  KAWAN  KADRA

HABEH  DUMNA  LHOEK,   KATROEK  BAK  REULUENG

KAROEH  MEUSARUENG,  KEUNOE  BAK GATA

UMPAMA  DOSA , LAGE  ON  KAYEE

NYOE  GOEH  LOEM  LAYE,  LAEN  KA  MUDA

UMPAMA  DOSA,  LAGE  IE LAOT

NYOE  GOEH  LOEM  SUROET,  LAEN KA TEUKA

RASA  BICAH  PHET,  SAKET  LAM  JANTOENG

MALANG  THAT  UNTOENG,  RAB  PUTOEH  ASA

PISANG  LOEN  PULA , KAGOEB  JAK  COET  ON

BUNGOENG  LAM  KEUBOEN , KAGOEB  PO  ATRA

ANEUK  LUEK  MEUSU,  DICOENG  U  DADEH

ANEUK  KUUEK  PUTEH , DIDALAM  PAYA

HATE  THAT  TUNU,  MEUJAMPU  SEUDEH

BAGOE  KEUNOENG  KREH , JITOEB  BAK  DADA

NIBAK PANTE KRUENG, URUENG  SEUMABOEN

JISRAH  IJA KROENG,  MEREK PALIKAT

RUGOE LOEN  PAGUE,   BUNGOENG  LAM  KEUBOEN

KA  GOEB  JAK POET  ON ,  MADU DIHISAP

BUKAN SAYANG, SI BUNGOENG AWE

SIT LAM  SABE,  ANGEN TIMPA

OH  LOEN  INGAT,  HANCOE  HATE

LOEN  BEUMATE,  SAJAN NGOEN GATA

BUKOEN SAYANG,  MINYEUK SIMPLAH

DIDALAM  KLAH,  ROE  U  LUA

HATE  LOEN  NYOE, SANG BICAH

BUNGOENG LOEN KEUBAH,  KAGOEB BOEH TANDA

BEUREUKAT  MEKKAH , KA`BAH  BAITULLA

BEUREUKAT  SYIAH , ALEM  ULAMA

URUENG  IBADAT,  TAAT  KEU  ALLAH

TUHAN NEUKEUBAH,  DALAM SYURUGA

TAJAK  U RIGAH,  SINGGAH  U  CALANG

TAMOENG  LAM  PEUKAN,  TAJAK BEULANJA

HABA NASEHAT,  SIPATAH  KALAM

SABOEH  KARANGAN,  KEU TANDA MATA

GUNOENG  SIBANYAK,  PUCAK  LAM  AWAN

ANTARA  MEDAN,  DEUNGOEN  BRASTAGI

NARIT  MUSTAHAK,  SIKRAK  LOEN  BAYANG

DEUNGOEN  HAI  RAKAN , ULOEN  PEUGAH  KRI

DICOENG  BAK  LAWAH,   NA JIDUEK DARUET

DI  ATEUH BAK  KRUET,   NA  CICEM  PALA

U BE NA DOSA , YANGKA  LOEN  PUBUET

RAYA DEUNGOEN CUT,   PEUMEU`AH  SIGRA

RANUB KUNENG ON,  TAWO  BAK  GIRI

RANUB  ULOEN  BRI,  NEUCUBA  RASA

MEUNYOE  NA  SALAH , MEU`AH  BEUNEUBRI

MEUNAN  KHEUN  NABI,  WAHE  SAUDARA

KAPAI  JIPHOE ,  MEULIWET  LIWET

JITAMOENG  TEUBIT,  LAM  AWAN  MIGA

PEUREULE  KEU  AMAI,  BEULE  MEURATEIB

ALLAH  TASEUBOET , JEUP  JEUP  KUTIKA

MEU  BOEH TIMOEN WAH,  BALOET  BAK  PISANG

PEUNAJOEH  TIMPHAN,  BAK UROE  RAYA

GOEH  LOEM NEULAKE,  KA  LOEN  MAAFKAN

MEUNAN  SIT SINAN,  BEU SAMA SAMA

KADANG  NA GASA , BAK  LOEN  MEUTUTOE

KADANG  TEULANJOE , BAK  LOEN  MEUCAKRA

KADANG  NA JANJI , GOEH LOEM PEUGLAH

SILAP  NGOEN SALAH,  BAK LOEN MEUDAWA

KADANG  TAN LOEN NGIENG , WATE NEUKASWOET

HANA  LOEN SUOT,  WATE  NEUSAPA

KADANG  NA  DOSA,  YANGKA U LIKOET

RAYA  DEUNGOEN  CUT,  PEU MEU`AH SIGRA

KEUDE CALANG ,  JINOE KA HANCOE

ABEH  JIHAMBOE,  TSUNAMI  TEUKA

KADANG  SALAH  BUET,  KA DEUNGOEN  TUTOE

YANGKA  TEULANJOE , PEUMEU`AH  SIGRA

BAWANG  BINEH  GLE,  MEUPUTIE  KARANG

BAWANG  BINEH BLANG , MEUPUTIE  TANGKE

KADANG  NA SALAH , NARIET  LOEN  TUAN

PEUMEU`AH  RIJANG,  AWAI  NGOEN  AKHE

PEURAHOE  RAYA,   KUALA  ACEH

KARUENG MEUCUNGKEH,  DI  LHOEK  KRUENG  RAYA

DILE  PUE KURUENG,  JINOE  PUE  LEUBEH

SAMPOE  HAN  JADEH,   SOE  BA  PEUSUNA

PEUNGAT  BOEH  PISANG , LAWAN BOEH GADOENG

GEUBOEH  LAM  BANGKOENG,  BUKA  PUASA

DILOEN  KEU  CUT BANG,  CINTA  KA LANGSOENG

PAYEH  DALAM ON ,  KALHEUH  GEUBUKA

DIYUEB BEURINGEN,  JIMEUSU  GAJAH

DALAM  BAK  LIPAH,  ULAT  MEUDODA

NYAWOENG  NGOEN TUBOEH,  BANDUM  LOEN  SEURAH

PULANG  KEU  ALLAH,   PUE  NEUNEUK  KADA

CUACA  PEUNGEUH ,  ATEUH  GLE  LAWUENG

URUENG  JEU  UDUENG ,  KUALA  JANGKA

SAKET  NGOEN MANGAT,  BANDUM  ULOEN  TUENG

KADA  NGOEN  BULUENG , BANDUM  LOEN  SABA

JIPOET  ANGEN  GLE,  DIRUE  MEUSAB  SAB

KAYE  MEUHUNYAT,    BADAN  MEUGEUMPA

KASEB  LOEN  PIKE,   SAKET  NGOEN  MANGAT

KASEB  LOEN  INGAT ,  RUGOE  NGOEN  LABA

MANGAT  BOEH  PUKAT,  JAMPU NGOEN SAKA

MEUBOEH  MEURIA,   LAWAN  NGOEN  PLIEK  U

SAKET  NGOEN  MANGAT,  KEUDROE  LOEN  RASA

PAKOEN  GOEB  SUBRA ,  MEUCEUPET  IKU

ALLAH  HURABBI,  NEUBRI  BEUSAMPOE

LAGE  TALUMPOE ,  BEK TROEK MEUDIYUENG

BEU JEUOH  MARA,   SEUREUTA  DUM  SYOE

SIGALA  BAGOE ,   BEK  ROEH  MEUKALEUNG

ULOEN  JEIP SALAH,  LOEN  RUDAH  PALOE

PAYAH  HAI   MA DROE,    JEUT  SAGOE  RUWUENG

LOEN  TALEUK  SALAH,   LOEN  KEUBAH  RUGOE

ANEUK  NA  LHE DROE,    KA  MEUTUENG  BAYUENG

WAHE TUHANKU,  YANG  CIPTA   ALAM

NEUBRI  KOENG  IMAN ,  BEK  ROEH  LAM  SISAT

BEU EK LOEN LAWAN,  NAFSU  LAM  BADAN

BEK ROEH LOEN TUAN,  ZINA NGOEN LIWAT

SEUMBAHYANG  HANLE,  LALE  MEUDODA

SIDUMNA  BALA,  HANTHE  KEU  DAUSYAH

RIWANG  TUNGKU DROE,  JINOE  BAK  MULA

SUROEH  RABBANA, BEKLE  TAKEUBAH

MEUNYANG  NEULARANG ,  BAK BUET MEUDOSA

TAUBAT  NASUHA,  LAJU  BEUBAGAH

DONYA  KA  AKHE,  WAHE  SAUDARA

BEK DOEK  NGOEN MASA,  MEULHOE  SABOEH  YAH

ASTAUFIRULLAH ,  RAB  SALAH  RIKA

KEUMUN  NGOEN  APA ,  HARAP  PEUMEU`AH

PAT  PAT  TEULAJOE,  TUTOE  NA  GASA

BUKOEN  LOEN  SAJA , TUNGKU  MEUTUAH

JINOE  HANALE , PIKE  KEU  DAUSA

JIPUBUET  ZINA,  RATA  DAERAH

AKAN  ILAHI ,  PEUDULI  HANA

MEUGREB  NGOEN SINJA , KASOEH  MEUNASAH

PUCOEK KRUENG ACEH, LAM  GLE  SEULAWAH

PUCOEK  KRUENG  SARAH,  MEUPUTA-PUTA

MEU    U U P A ,  MEU KALHEUH  JISAH

BEKLE  ROE DARAH,  ACEH  MULIA

PUCOEK  KRUENG DAROY, LAM GLE  MATA  IE

UJOENG  MEUSUNDI,  LAM TAMAN  RAJA

SEURAMOE  MAKKAH,  JINOE  KA  LEUPIE

SEUBAB  KA JIBRI , NYAN   U U P A

PUCOEK  KRUENG  KALE , DALAM   GLE   JEURAT

SINYAK  POET  LANGSAT,  PUTIEK  LAM  KARANG

NA  LHE  DROE MEUNTRI , KEUNOE  JAK  INTAT

SAMBOET  HAI  SAHBAT,  NYAN UNDANG –UNDANG

MAKMU  DALAM  GLE , LE  WASE  KACANG

RAME  LAM  PEUKAN,  LE  UREUENG MEUKAT

QANUN  PILKADA  ,  KALHEUH  GEURANCANG

SYARAT  PAKRIBAN,  GUBERNUR  MEUHAT

PUTIEK  PISANG  TOENG, JANTOENG  PISANG  KLAT

UREUENG POET  KULAT , LE THAT DALAM BLANG

CALOEN  GUBERNUR  NGOEN  WAKIL   MEUHAT

KA  GEUBOEH  SYARAT,  BACA  QURU`AN

BUKAN  LE  SAYANG, PISANG  TEUPEUNGAT

TEUMOEN  BULUKAT,  KA  BASI  SANTAN

WATE  PILKADA,  ULOEN  PEU INGAT

BEU  ADE  THAT THAT,  BEK  SAMPE  CURANG

BUKOEN LE  SAYANG , KEU  BINTANG  TAKAT

TEUNGOEH LOEN LIHAT, GADOEH  MEULAYANG

OLEH  TIM  SUKSES,  BEK  PAKSA  RAKYAT

SOE  GALAK  MEUHAT, YUE  PILEH RIJANG

TAJAK  U  GAROET,  BEUSOET  GAMPOENG  BLANG

JALAN  U  GEUMPANG,  MEUPUTA  PUTA

TANGGAL  LIMOENG  BLAH,  BAK  BULEUN  LAPANG

R. I.  DEUNGOEN  GAM ,  SUMPAH  SEUTIA

MEUNYOE  TAN  ALEI,  KUPUE  TEUH  JEUNGKI

MEUNYOE  TAN  LE  IE,  KUPUE  TEUH  TIMA

SIDEH  DI  LUA,  NANGGROE   FILANDI

MAARTHI  ATSARI,  PEURUJUEK  TEUMA

KUALA  LANGSA,  PABREK  TEURASI

KUALA  IDI  , NA  PABREK   SIRA

GEU  ULANG  TAHOEN,  SITHOEN  HELSINKI

GAM  DEUNGOEN  R. I. , DUEK  SABOEH  MEJA

TAKOEH  BAK  MANE,  TARAH  KEU  JINGKI

ALEE  BAK  GIRI,  LEUSOENG   BAK  JEUMPA

BAPAK  SBY , SITHOEN  TSUNAMI

SITHOEN  HELSINKI,  PAK  YUSUF  KALA

TA PUGA NANGGROE, TAHIROE SATOEH

PEUTIMANG BEUJROEH, PUNULANG MAJA

PUBUET  BEUTEUGOEH, BEUROEH LAM NEUDUEK

MEUBEK  MEU  ISUEK , LAGE YANG   KA  NA

ANEUK NANGGROE , BEU MEURASEUKI

ADAK TAGAJI, NAFAKAH  BEUNA

BEK SAMPE SUWAH,GEUJAK  KEUMIREUH

PAYAH  MITA BRUEH, LIMEUH PUE  YANG  NA

BEUNA TAGASEH ,HATE TEUH BEU WUEH

TA EU SIT KADEUH, BRUEH BU GEUH HANA

EK GEUBLOE EUNGKOET, HANSEP KEU DABEUH

ADAK PIH NA BRUEH, NGOEN MANGUEN HANA

TAJAK  U  GAROET,  BEUSOET  GAMPOENG  BLANG

JALAN  U  GEUMPANG,  MEUPUTA  PUTA

TANGGAL  LIMOENG  BLAH,  BAK  BULEUN  LAPANG

R. I.  DEUNGOEN  GAM ,  SUMPAH  SEUTIA

TAKOEH  BAK  MANE,  TARAH  KEU  JINGKI

ALEE  BAK  GIRI,  LEUSOENG   BAK  JEUMPA

BAPAK  SBY , SITHOEN  TSUNAMI

SITHOEN  HELSINKI,  PAK  YUSUF  KALA

BUKOEN LE DHEIT, NANGGROE ACEH

LEUBEH LEUBEH , DALAM DAME

PUE TAPUBUET, RIJANG BEREH

TAN LE CUNGKE NGOEN RAMEUNE

TAJAK U BLANG ,TABU BIJEH

HANLE SOE PREH, LAKE  RUNE

JAK LAM PAYA, MITA LEUBEH

TAN SOE CUKEH LAKE BEUREUNE

TAJAK U LAOT, EUNGKOET KA TEUPREH

BUYA KA JIWEIH ,LAM EUMPUENG SANE

TAJAK U KANTOE, MEU ATOE BEREH

PUELOEN TATEM PEH,DEUNGOEN ON MANE

KORBAN TSUNAMI,  KARU GOEH LOEN CEH

BEREH HAN BEREH ,BEUTA MEUPAKE

SIT BEULE SABA ,MANGAT BEK STRES

DOE BEUGIGEH, DAN TAMEU DOA

BUKOEN LE SAYANG,  KEU BINTANG TAKAT

URUENG MEU PUKAT, SINAN KEU DALI

GEUTANYOE ACEH, RAYEUK MERTABAT

BEK GADOEH HARAP, BANTUAN GOEB BRI

PEUTUMUEN MAWOET, LANGKAH RASEUKI

LAM JAROE RABBI, AZAWAJALLA

GEUTANYOE BEK DOEK, BANTUAN GOEB BRI

MITA RASEUKI LAGE BIASA

DICOENG U GADENG, CICEM MEUSEUNDA

ATEUH U DARA, TOTOEK, BEURAGOE

BANTUAN GOEB BRI, UNTUK SIKADA

LEUBEH MEURASA, HAI NYAK TAMITA KEUDROE

TAMUDEK U GLE , TAKOEH BAK BILI

PEUTROEN U PASI, TALOE JEUREUNGKHA

GEUBERNUR BAROE, KALHEUH MEUJANJI

BEK LE PEUNGUNGSI, TINGGAI LAM TENDA

BUKOEN LE SAYANG ,BINTANG MEURITI

OH WATE PAGI, KA PADAM CAHYA

LEUPAH SAYANG LOEN EU PEUNGUNGSI

SITHOEN TSUNAMI, MANTOENG LAM TENDA

KUALA ACEH, BATE MEURITI,

HOTEL REUNGGALI, TOE LAOT TAWA

HANA MEUHARAP, KAMOE KEU JANJI

TAPI BUKEUTI ,NEUCI PEUNYATA

 RINCOENG MEU PUCOEK, TAMPOEK SUASA

ATRA PUSAKA,  ENDATU KEUBAH

NYOE   U U  PA, MANTOENG JEUT DAKWA

ACEH MULIA, MANTOENG ROE DARAH

MEUTAN GOEGAJOE, KUPUE TEUH KIKI

MEUNYOE TAN CAMPLI, KUPUE TEUH SIRA

MEUNYOE R U U PA,  JEUT DAKWA DAKWI

KUPUE HILSINKI, DUEK SABOEH MEJA

CEM PALA PAKI, NARI COENG TINGKAP

LAM PADE LEUKAT, ULAT MEUSARANG

ACEH JITAKI, BAK DALI ADAT

PAKOEN DI PUSAT, SABE LAM CURANG

SABOEH HIKEUMAH,TSUNAMI GEUMPA

SEULAMAT GATA, GOEH LOEM TROEK BA HAT

MANTOENG NA UMU,  GEUBRI KEU GATA

BULUEN PUASA ,GEUYUE IBADAT

KARU HANALE NGOEN PRANG  KA REUDA

SEULAMA KANA, HELSINKI MEUHAT

PUBUET IBADAT BULEUN PUASA

RAYA THAT FAHLA, SYURUGA TEUMPAT

GEUYUE  PUJOE POE , MSIDROE YANG  ESA

BULEUN  PUASA ,  FAHLA  RAYUEK  THAT

WALAU BAK BARAK,  TEUMPAT  DUEK  GATA

HANJEUT  SAUDARA,  KEU  SABOEH  ILAT

MANGAT MEU LEUPAH, LINCAH COET UROE

KAREUNA ASOE, TREIP THAT KA SEU-I

MUSIBAH ACEH DILE SABOEH ROE

YOGJA TROEK MEUHAT, BANTUAN JIBRI

LINCANG BOEH PISANG, ASAM BOEH SUNJOE

LINCAH BOEH PANJOE, ASAM BOEH SUNTI

YOGJA MUSIBAH, TAKALOEN JINOE

BEUDOEH GEUTANYOE, TABALAH BUDI

LINCAH COET UROE, BOEH PANJOE PATEUN

ASAM BOEH KIYUN, CAMPLI NGOEN SIRA

ACEH NGOEN YOGJA, ADOE NGOEN ADUEN

YOEH MASA JAMEUN, YOEH MANTOENG RAJA

ACEH NGOEN YOGJA  ,HAK ISTIMEWA

JINOE LAM BALA, TUHANKU NEUBRI

DUA BOEH RAJA, TUHAN NEUCOBA

YOGJA NGOEN GEUPA, ACEH TSUNAMI

APUE LAM SEUKEUM, SEU UM THAT TULOE

MEUNYOE ROET TALHOE,KA TUTOENG GAKI

BAH RUU-PA ,GOEH LOEM SEULEUSOE

MEUPAKOEN JINOE, GAM TAREK DIRI

REUDOEK HANA LE UJUEN LAM NANGGROE

RIYUEK MEUTALOE, RAB BINEH PASI

DALAM PILKADA.DI GAM SUROET DROE

BAK BRA  JIUNOE,  PIH GAM TAREK DIRI

PUTIEK BOEH MANCANG, ASAM BOEH SUNJOE

NGOEN ANEUK KIROE,  GEUCICAH UDUENG

DALAM POLITIK,  DI GAM TAREK DROE

BAK RAKYAT NANGGROE,  NEUCI PEUMAKLUM

U LOEN BA JALOE , DIDALAM BAKAT

TAPREH  PREH  TROEH HAT,  PAJAN MEUGULE

BEURANGHOE  NEUJAK,  LOEN NEUBA SAPAT

BEU SABOEH  JEURAT,   ADAK TAMATE

JIMEULOET  SIWAH , NGOEN CICENG  PALA

RIMUENG  NGOEN SINGA,  MEUKURAN  KURAN

JIMEUKAP  PEUSAN,  LAWAN  JIH   KALA

JIMEUKAP  NAGA , NGOEN  ULEU  BIRAM

TAKOEH  BAK MANE,  KEU ALE  NEUBA

LEUSOENG  JEUMPA , JEUNGKI BAK MEUDANG

BEURANG HOE  NEUJAK,  ULOEN NYOE NEUBA.

BEKLE  SAJAN MA, NEUKEUBAH  HAI  BANG

TAKOEH  TRIENG  GAJAH,  REUBAH  TRIENG  TULOE

UJOENG  KEU  TAWOE , URAM  KEU  BINTUENG

 KEUNOE  HAN TAREK, KEUDEH HAN KEUNDOE

.SABE  THAT  UKOE, MEURAK  NGOEN  BAYUEN

LAOT  FASIFIK, MEUBALEK  JALOE

SAYANG  DUM HANCOE,  KA KEUNOENG KARUENG

 KAROEH SIPADAN,  PAWANG  NGOEN  JALOE

KAROEH  SI KUPHOE,  CINTRA  NGOEN  BAYUEN

BAK KRUENG  PEUDADA,  TASIWA  JALOE

MEUNYOE  TALALOE,  TAJAK  U  BIRUEN

 LOEN NEUK MEUKAWEN, LOEN TUENG KEU JUDO

 ALEH SI KUPHOE, ADOE NGOEN ADUEN

TAJAK U GLE , TAJAK KOEH  KAYE

PAYANG  TAKOEH  LHE , PANEUK KOEH DUA

BEURANG  KAPUE BUET,  TAPIKE  DILE

MEUNYOE  KA MALE , HANALE  GUNA

ANEUK CICEM  BLANG , JIDOENG COENG KAYE

BEURIJUEK  BALE , JIWOE U RIMBA

PEUTUROET  NAFSU,  KAYEM  THAT  MALE

KAYEM  MEUTEUME , MEULARAT TEUKA

DAK  MISUE  KAMENG,  NGOEN  NALUENG  HIJOE

DAK MISUE TULOE , JINGIENG BOEH NALUENG

KEUNOE HAN TAREK , KEUDEH HAN KEUDOE

SABE THAT UKOE ,  UROE NGOEN BULUEN

WALAIKOEM SALAM , TUAN YANG TEUKA

TAMOENG LAM KUTA,   KEUNOE BEULEUPAH

KAMOE TEURIMOENG , NGOEN HATE SUKA

MEU PEUMULIA ,  SANG MEUH KEUREUTAH

KAMOE  NIET  INTAN,  LINTOE YANG NEUBA

DALEH  BAN  TEUKAN , JEOH NEULANGKAH

PEUTAMOENG LAJU,  BEK  LE  DILUA

MALAM  KA  JULA,  BEK BASI KUAH

TIKA KATEULUENG,  NGOEN KASOE SUTRA

DALAM ISTANA,  DUMPUE KA KEUMAH

SIT KA KAMOE THE , JAME TROEK TEUKA

KAMOE SEUDIA,  RANUB LAM KARAH

TOEP TEUPOENG BRUEH , BIT KAROEH BRUET LEUKAT

ULOEN SEUMURAT,  MEUSIMPANG ARAH

MEU`AH LOEN LAKE,  MEURIBE HARAP

JAROE LOEN ANGKAT,  MEUNYOE NA SALAH

SABOEH CEURUPA,  GEUBOEH JEUMUJU

SABOEH CEURUPU,  GEUBOEH BOEH PALA

SABOEH KEUTUMBU,  BUNGOENG  LAWANG

SABOEH  KEURAMDAM,  BOEH GAPU  NAGA

LOEN COET AWE ,DEUNGOEN ,UROET

LOEN, KEUNEUK  PEUGOET,  TALOE TIMA

NEUBOEH YANG ,BROEK,  NEUCOEK YANG  GOET

HAN  PUE  PEUSEUTOET,  ADAT YANG HANA

SAYANG PISANG WAK,  MASAK NIBAK MU

SAYANG PISANG NU,   ASOE  KA  BATAT

OHNOE  LOEN PEUSEB,   BAREH NGOEN BUHU

MEU`AH HAI TUNGKU,  MEUNYOE NA SILAP

DI LAOT  HIJOE , NA JALOE KAWE

ATEUH  PUCAK GLE,  URUENG MEURUSA

TAKHEUN  HIKAYAT,  KEU UBAT HATE

TAKHEUN  HIYAKE , KEU UBAT DOSA

DEUNGOEN TULOENG  PO,SIDROE  PO ALAM

BEUREUKAT  ISEULAM,  AGAMA  MULIA

BEUREUKAT  BAITULLAH,  MESJIDIL  HARAM

BEUREUKAT  ADAM , NGOEN  SITI  HAWA

SINYAK COET  BUNGOENG ,RUNOENG BAK BULOEH

BACUT TRUEK  HANTROEH,  PAYAH TASEUMOENG

BUHU LOEN TUKA ,  HABA ULOEN BOEH

LOEN KIREM BEUTROEH , BARAT NGOEN TUNOENG

SIBLAH  ROET  BARAT,  KILAT  TAN  TEUDOEH

UJEUN  KA  JITOEH,  SIBLAH ROET  TUNOENG

NALAM  BIASA,  SANGKA  HANLE  ROEH

BAHLE  ULOEN BOEH,  LAEN BAN BANGOEN

GAMPOENG BLANG MALU , KEUDE TEUNGOEH BLANG

U BAROET JALAN,  GAMPOENG JRAT MAYANG

SEUBRUEN NGOEN MATA,   CAHYA HANLE TRANG

GOYANG PIKIRAN , JAROE KEURAWAT

MEU`AH SAUDARA ,  KADANG  NA  IRANG

BAK LOEN KEUMARANG,  KADANG  NA  SILAP

PAT  PAT  TEULANJOE,  TUTOE  LOEN  TUAN

NEUGANTOE  RIJANG,  KIBAN YANG  MANGAT

SALAM ALAIKOEN,  TANGLOENG  HIKEUMAT

SUARA  MANGAT LOEN , BRI KEU GATA

SALEUM  KEU  WAREH , MEUCEH  NGOENG  SAHBAT

RATA  JEUT  TEUMPAT , DUSOEN  NGOEN  KOTA

UJEUN  PIH  JITOEH,  GUROENG  NGOEN  KILAT

JITEUBIET  ASAP,  LAM  BATE  SIRA

KEUREUTAH  PUTEH,  TULEH  HIKAYAT

BACA BEUTAMAT,  WAHE  SAUDARA

PUE  MEUDAP  MEUDAP,  DIYUEP  SEURAMOE

SINYAK  TEUMAMPOE,  BAK  ULE  JINGKI

BUHU LOEN TUKA ,  HABA  LOEN  GANTOE

KA  GLAK  TADEUNGOEN , NYOE  SABAN   BUNYI

RAMPUNUE TANOEH , EUMPUENG DICOENG  RHEING

DI  COENG  JAMBE  KLENG , EUMPUENG  CEMPALA

BAHLE  BEU  TIANG,  BEUSURANG  SARENG

ASAI  PUTEING , JILOEP  LAM  BARA

PUCOEK  PISANG,  HANALE  BULAT

JIKAP  LE  ULAT,  BANDUM  SINAROE

BEKLE  NEU  ADEE , KAMOE  TUTOENG  THAT

JEU OH THAT  TEUMPAT ,MEUTEUKA KEUNOE

JAMPANG  SOE  BRI  IE , WATE  ULOEN GRAH

JAMPANG  NA  SOE  SRAH,  OH KUTOE IJA

JAMPANG  OH  SAKET,  SOE  UROET  RAMAH

JAMPANG  OH  SUSAH,  SOE  SIBOE  LARA

NYOE RANUB SIPREK,  NGOEN BOEH PINUENG KRANG

PAJOEH  CUT  ABANG , BAK  ADOE  SITI

RANUB  PIH  KATHOE,  TAWOE BAK  MEUDANG

MASEN  NGOEN  REUHANG,  BEK  THAT  NEUCACI

MAKEUN  E TUNGKU,  MEUBU  SIREUGAM

EUNGKOT  SINOE  TAN,  JEU  OH  NGOEN  PASI

BEK  THAT  NEUTIMANG ,  MASEN  NGOEN  MASAM

KADANG  HAI  CUT BANG , NA LEUPAH CAMPLI

EUNGKOET  DI LAOT , MEUKAWAN  KAWAN

CUT BANG NEUMAKUEN,  NGOEN SIRA CAMPLI

TABEU NGOEN MASEN,  BEK CUT BANG  PEUTRANG

MEUPHET  NGOEN  REUHANG,  MASAM NGOEN BASI

GAMPOENG  KRUENG  BAROE , TUTUE  KRUENG  NALAN

SINAN  TOE  JALAN,  TAJAK  U  PASI

ALLAH  ANEUK E , HANCOE HATE  NANG

HATE  LAM  BADAN , BAGOE GEUKIKI

ANEUK RIMUENG  BUEH,  KALHEUH  LAM  KAWAN

ANEUK DARUET  BLANG ,  MEUDUROE  GAKI

SAYANG  THAT  ANEUK,  GATA  BERJALAN

TINGAI  MA  BADAN,  BAGOE  GEUKIKI

KUALA  BUNGENG , CICEM  MEU  AYANG

KUALAN PEULIMBANG , JALAN  TOE  PASI

RUSAK  LAM  HATE,  REULE  PIKIRAN

AYAH  DEUNGOEN  NANG,  MALE  HAN  SAKRI

 SAYANG  THAT  BUNGOENG,  TEUGOET  GOET  KEUMANG

TANGKE  KA  LEUKANG,  JATOEH  U  BUMI

MASA  PHOEN  UBIET,  POMA  PEUTIMANG

OH WATE  SEUDANG , KA  TAPEUREUGI

SAYANG  THAT EUNGKOET,  HABEH  JIGROEP  JANG

SAYANG  THAT  PINGANG,  KA RHOET U  BUMI

WATE  LOEN   INGAT,  KEU  GATA  INTAN

HATE  LOEN  LEUKANG,  LIA  BAN  CAMPLI

KU  SARAP  NANGGROE , GATA  PEUTIMANG

BEU SAJAN SAJAN,   KA  DEUNGOEN  ABI

KUSARAP  ANEUK,   GATA  PHOEN  MAT  LHAM

KADANG  PIH  PAJAN,  OH  MATE  UMMI

KUSANGKA  TABALOET , KAMOE  LAM  GAPHAN

GATA  SEUMBAHYANG,  OH  MATE  UMMI

KUSARAP  ANEUK,  TABEUT  QURU`AN

BAK  BATE  NISAN,  BAK  KUBU  UMMI

ADAK  PIH  HANJEUT,  TATUENG  KEU  LAKOE

TATUENG  HAI  ADOE , KEU NAMIET  TAYUE

TAYUE  KOEH NALUENG,  KEU EUMPUEN  LUMOE

TAYUE  KOEH  TUNGOE,  PEU EK  DAPU

BUKOEN  LE  SAYANG,  PISANG TEUPEUNGAT

TEUNGOEH  LOEN  MAT MAT,  KA BASI  SANTAN

BUKOEN  LE  SAYANG,  BADAN  MEUKEUMAT

KEUDEH U TEUMPAT,  HAN JEUT  LOEN  RIWANG

BUKOEN  LE  SAYANG , KEU  BINTANG  TAKAT

TEUNGOEH  LOEN  LIHAT,  GADOEH  MEULAYANG

CUDA  KA  NEUWOE,   LOEN  SIDROE  YOE  PAT

WAREH  KEURABAT,  MEUSIDROE  PIH  TAN

BUKOEN LE SAYANG , TILAM  MEU  UKE

HANA GUNALE , NGOEN  TIRE  RAWA

MEUNYOE  TAN  ANEUK , SIJANTOENG  HATE

MEUNYOE  KA  TANLE,  JANTOENG  HATE  MA

KEUNOE  SANG  TIWAH,  KEUDEH  SANG  NURI

KEUNOE KEUDIDI,  KEUDEH CEM PALA

KEUNOE SANG  INTAN,  KEUDEH  SANG  PUDI

KEUNOE  SANG BANGSI , KEUDE BIOLA

LADOENG YANG SURAK, LADOENG  MEUNYANYI

LADOEM MEUNARI, YANG DARA DARA

LADOEM YUEP SULENG,  LADOEM YUEP  BANGSI

LADOEM CET  BIBI,  PEUNGOET  DALUPA

TIKA  MEUSUSOEN,  TANLE  AREUTI

PEUREUMAN DANI ,  TANLE  HAREUGA

TANLE  FAEDAH,  BANTAI  MEURITI

TIKA  LAHORI  SOE,  LOEM  PEUGUNA

MEUNYOE  TAN  ALE , KUPUE  TEUH  JINGKI

MEUNYOE TAN LE  IE,  KUPUE LOEM TIMA

MEUNYOE TAN RAJA,  RASA  KA  SUNYI

MEUBU DEUNGOEN  IE , TANLE  MEURASA

PEUTUMUE  MAWOET,  LANGKAH  RASEUKI

LAM TANGAN RABBI,  KUDRAT  TA`ALA

LOEN  TAKOET  DUDOE , MEUPA LOE  JANJI

BAK ULE  TITI ,  KA HITAM  MUKA

MEU  IE  DI LAOT,  SUROET  NGOEN  PASUENG

JIMUDEK  UDUENG,  LAM  KAWAN  KADRA

BUNOE  KOEN  MAMEH,  JINOE  KA  KEUENG

DEUNGOEN  ULOEN KHEUN,  SISEUN  SIBANJA

RAKET  BAK PISANG,   TAJEUMEURANG  KRUENG

SINYAK DROEP UDUENG, LAM  LUNGKIEK  BATE

HABEH  DUMNA  LHOEK,  KATROEK  BAK  REULUENG

DEUNGOEN  ULOEN KHEUN,  BAK  SABOEH  WATE

TALOE  PIH LOEN TEM,  MEUNANG  PIH  LOEN  TUENG

 KAHAK  BAK  RIMUENG,  HANLE  BAK  CAGEE

KAHAK NIBAK GLE, HANLE  NIBAK  KRUENG

DAK  PUTOEH  RUKUENG,  KATROEK  BAK  WATE

BEURANG KAPUE  BUET,  BEUNA TA INGAT

SAKET   MANGAT,  BEUNA TAKIRA

MEUNYOE  KA  MALE,  TEUNTE  RUGOE  THAT

LANGKAH  KA  LEWAT,  HANJEUT  TAGISA

REUDOEK  DALAM  GLE, BLA  BLE  NGOEN  KILAT

LAM  NANGGROE  KAGLAP,  SUPOET  CUACA

DONYA  RAB  AKHE ,  WAHE  E  SAHBAT

PUBUET  IBADAT ,  YOEH  MANTOENG  TEUGA

TUNOENG  NGOEN BAROEH,  TIMU  NGOEN  BARAT

RAKAN  NGOEN  SAHBAT,  TUHA NGOEN MUDA

SEUMBAHYANG  LIMOENG , PEUREULE  THAT  THAT

JALAN  HAREUKAT , DILIKOET  TEUMA

MANGAT  TEUMPAT  EH,  BEUGLEH  NGOEN  TIKA

MANGAT  MEUHABA , BEULE  AMANAT

MANGAT   MEUKAWEN,  YANG  CANDEN  RUPA

OH WATE TABA , GOEB  NGIENG  CEUDAH  THAT

MANGAT  TAMEUNGOEN, YANGNA  SEUTIA

WATE  SEUNSARA,  JITULOENG  MEUHAT

MANGAT  PAJOEH  BU , DUMPUE  BEU  EK NA

BEK TABUE SIRA ,  PAJOEH  HAN  MANGAT

MANGAT  MEUKEUNOENG,  INOENG  BAHGIA

GASIEN  NGOEN KAYA , HANA  MEU  IKAT

MANGAT  MEULAKOE,  YANG  TEM  BLOE  IJA

POPLEN  NGOEN SUTRA,  ATAU  PALIKAT

MANGAT  MEU ANEUK,  AYAH  DEUNGOEN  MA

HANTOEM  MEUDAWA,  BAK  BUET  JEUMOET  THAT

MANGAT  NA  RUMOEH,  MEHMOEH  TEUH  HANA

HANLE  KEUCEWA,  SEUBAB NA TEUMPAT

MANGAT  DIBABAH,  BAK  PEUGAH  HABA

JEUT  KEU  PEUNAWA ,  NARIET  NASEHAT

MANGAT  DI HIDOENG , TACOEM  MUSALLA

LEUHOE  NGOEN  ASA,  OH  WATE  SHALAT

MANGAT  DIGIGOE,  TANYOE  SAUDARA

TAKAP  MEURASA  , KUEH  KRUEH  THAT  THAT

MANGAT  DILIDAH,  BAK  TAMEURASA

MANGAT  DI MATA,  DEUH  NGIENG  LAT  BATAT

MANGAT  GEULIYUENG,  DEUNGOEN  SUARA

LEUHOE  NGOEN  ASA,  OH  WATE  SHALAT

MANGAT  DI  ULE, GUTE  TEUH  HANA

UTAK  PIH TEUMA, AMAN  SIJUEK  THAT

TAKOEH  URAM  TRIENG , INGAT  KEU  DUROE

TA  EK  BAK PANJOE,   MEUPALOE  DADA

TAKOEH  HABANYOE,  OHNOE  SEULEUSOE

KISAH  TAPUWOE,  BAK ASAI  MULA

DICOENG  BAK  NIBOENG,  TIYOENG  MEUDODA

ANEUK  CEM  PALA ,  JITAK LE  TIWAH

MEUNYOE  TUANKU , NAFSU  NGOEN  HAWA

BEK  NEUGEULAWA , CABUENG  JIH  PATAH

MEUNYOE  SIT  INTAN,  HANJEUT  TEUMAGA

MEUNYOE  SUASA,  HANJEUT KEU TIMAH

BEUTHAT  LAM  LEUBUENG,  NYAN  MUTIARA

TEUTAP  MEUCAYA,  HANJEUT  MEU  UBAH

NAFSU KEU BUNGOENG, REUNOENG TAMITA

BEK TAGEULAWA,  CABEUNG JIH PATAH

MESTI  PEUREUDE, DILI  TAMITA

MEUNAN  PRIBAHASA , URUENG  TUHA  PEUGAH

HARAP  KEU RUSOEK, MEUSAROEK  DADA

HARAP  KEU  IJA , KAHABEH  BEUKAH

HARAP  KEU PUTROE,  DROE DROE BINASA

BAK TAPEUCAYA, JANJI  NGOEN  SUMPAH

BINASA PEUKAN, SEUBAB HARIA

BINASA KUTA ,  PEUNJAGA  SALAH

BINASA  URUENG,  BUET  JURU  BASA

AKAN  RASIA,M  JITEM  JAK  PEUGAH

UJUEN  MEU PROET PROET,   MUSEM KEUNOENG SA

MEU ASOE PAYA ,  IE  RAYA  JOJAH

SUSAH  NGOEN  SEUNANG,  MEUTUKA  TUKA

NIKMAT  NGOEN  BALA,  MEU UBAH UBAH

TEUGOEH  ROEH MADU,   BEK NEUJEIP SIGRA

KADANG  NA TUBA , SINAN GOEB KEUBAH

GOEH  TEUNTE  MAMEH,  BEUTHAT  BEU  SAKA

PAYAH  TARASA,  BACUT NGOEN LIDAH

KAREUNA  JANJI,  LE THAT MEUTUKA

KAREUNA  HABA,  LE  THAT  MEU  UBAH

MAMEH BAK BIBI,  LAM  HATE  TUBA

TEUNTE  BINASA , MEUNYOE  TALANGKAH

ASSALAM MUA`LAIKOEM,  TANGLOENG MEU BHAK BHAK

JAROE ULOEN GRAK , TIMANG BAK ULE

JAROE LOEN LAYANG,  TIMANG BAK TALAK

SIT  KA  PATOET HAK ,  MEU`AH  LOEN  LAKE

MEUKRU SEUMANGAT, RAHMAT  MEUHAYAK

KALAM  LOEN PEUJAK,  BAH SINGKAT  DILE

NARIET  PEU INTAT ,  KASEB DUA  KRAK

SALAH  NGOEN RUSAK , MEU`AH  LOEN  LAKE

SAYANG  BUNGOENG  PIK,   KEUMANG  COET  UROE

BUNGOENG  IE  MAWOE,  KEUMANG  OH  SINJA

MEUNYOE  SEUMBAHYANG , GATA  LE  TUWOE

LEUPAH  THAT RUGOE , UDEP LAM DONYA

MEUNYOE PEUREULE,  ACEH NYOE AMAN

WOE BAK  AJARAN,  HUKOEM AGAMA

QUR`AN NGOEN HADIS ,  COEK KEU PEUDOMAN

SYARIAT  ISLAM, ACEH  NGAT  JAYA

MEUBLE  BLE  KILAT,  DI  LANGET  HIJOE

CAHYA  MEUHAMBOE,  BULUEN  PURNAMA

LOEN  BRI  HOREUMAT,  KEU DARA  BAROE

NGOEN  TUNGKU LINTO , MUDA  BAHLIA

UMPAMA  JAMBOE , SAMAT  TEUNGOEH  BLANG

TEUMPAT  MEUNUMPANG,  DALAM  UROE  KHA

TEUMPAT  MEUREULUE,  BAROEH  NGOEN  TUNOENG

TEUMPAT  TEUMAYOENG , TUHA NGOEN MUDA

KULET  BOEH  MANGEH,  PEUREUSEH  ARANG

ASOE  DI  DALAM,  MAMEH  BAN  SAKA

KISAH LINTOE  OHNOE,  LOEN  KARANG

SINGOEH  LAEN  JAN ,TA SAMBOENG  HABA

SAYANG  THAT  RAKYAT,  KA  JIJEIB  RACOEN

JISANGKA  BONBOEN  , MEUGANDOENG SAKA

MEU MADA OHNOE , HABA LOEN SUSOEN

PEU  MEU`AH  KEU LOEN,  MEUNYOE CUPA

BOEH  PIK ,MEUSAGOE  SAGOE

BOEH  PANJOE,  MEUKILAT  KILAT

ANEUK DARA,  HAN JITUENG  LAKOE

SEUBAB HAN JIBLOE,  IJA PALIKAT

BEK TAMEUKAWEN ,NGOEN AWAK PADANG

SYEDARA  AGAM , MEUNYANG  HANJEUT  TOE

BEK TAMEUKAWEN , NGOEN  AWAK  JAWA

OH WATE  KAYA,  JIWOE  U  NANGGROE

BEK TAMEUKAWEN,  NGOEN  AWAK  BATAK

OH WATE KAYA,  JITUBA LAKOE

BEK TAMEUKAWEN , NGOEN AWAK ACEH

TEUSUET  KREH  KREH , MITA BEULAJA

MEUNYOE TAMEUKAWEN,  NGOENG AWAK PADANG

ASYIK BERDENDANG,  PULOE SIMANTOEK

MEUNYOE TAMEUKAWEN,  NGOEN AWAK BATAK

MABOEK TUWAK , SI UROE SUNTOEK

IE  DI  LAOT , MEU ALOEN  BICAH

LAM PUCOEK LIPAH , NA ULAT  BANGKA

SIJUEK ULOEN TOEP,  HUGOEP LOEN PEUHAH

MEU PUE KEUH SALAH , ABANG NEUBUNGKA

PIMTOE GEUREUBANG,  GOYOENG BUET GEUMPA

DEURI NGOEN BARA,   MEUJUNGKAT  JUNGKAT

NIBAK WATENYOE ,  SEURAMOE  RAYA

DEURI NGOEN NGOEN BARA,  HABEH KAMUE KAB

TA GANTOE DEURI,  KA DEUNGOEN BARA

TAMPOENG YANG HANA, KAJEUT TAPEUDAP

NIBAK WATENYOE,  ACEH  MULIA

 KAJEUT SAUDARA , TAMEUDUEK  PAKAT

PANE  NA BADAN , YANG HANA REU OH

PANE GEUREUPOEH ,  GEUPEUGAH DATA

PANE NA MIE YANG , GLAK KEU TIKOEH

PANE NA LAMPOEH , HAN JEUT SEUMULA

MEUNYOE KA PAKAT,  LAMPOEH JEURAT TAPEUGALA

ADAT MEUKOEH REUBOENG ,HUKOEM MEUKOEH PURIEH

ADAT HANJEUTJEUT,  BEURANGHOE TAKOENG

 HUKOEN HANJEUT , BEURANGHOE TAKEIH

ANEUK,  HANA MEUTUAH

TABRI RUMOEH JIPEUGOET KEU RANGKANG

TABRI LAMPOEH JIPEUGOET KEU BLANG

TABRI INOENG JIPEUJEUT KEU JALANG

BAK IE RAYA BEK TABOEH AMPEH

BAK IE TIREH BEK TABOEH BUBE

BEK TAMEURAKAN NGOEN SIPALEH

HARUETA HABEH GEUTANYOE MALE

GAMPOENG JEU OH  JARAK NANGGROE

MATA UROE LOEN BOEH KEU TANDA

YANG KAMOE HAJAT TUHAN PEUSAMPOE

LOEN TEUKA KEUNOE, KOEN LOEN JAK MEUMITA

PALEH INOENG JITEUMAYOENG OH WOE LAKOE

PALEH LAKOE SIPAT KUWAH PILEH ASOE

PALEH RAKYAT JIMEU UPAT JEUB JEUB SAGOE

PALEH RAJA JIPEUCAYA BEURANG KAS

PAJAN SIT MASA BOEH TIMOEN TAPLAH

MEUKOEN WATE GRAH OH UROE TUTOENG

PAJAN SIT MASA TANYOE MEUNUNTUET

YOEH MASA UBEUT NA URUENG TULOENG

BUKOEN THAT SAYANG EUNGKOET KHAN KAPAH

KA ALOEH ALAH DALAM IE RACOEN

PAJAN SIT MASA TANYOE MEUNUNTUET

YOEH MASA UBEUT NA URUENG TULOENG

PUE TRA KREH KROEH DI LAMPOEH TEUBE

BEURIJOEK BALE PAJOEH BOEH PEUTEK

KOEN RUMAN GATA MEUKAWEN NGOEN KE

RUMAN PAP ASE LAM UROE TAREK

BAK MEURIA DALAM PAYA

TACOEK DADA PUTA KEU TALOE

DUM RUMAN GATA HANA LOEN HAWA

SIPLOEH RUPIA  LIMOENG TROE

JAK LOEN TIMANG KUSYANG KASYANG

PANEUK PAYANG ON GEURUTOE

BEU MEUTUAH BUNGOENG KEUMANG

BEUKAPEUTIMANG BAN DUA KAMOE

JAK LOEN SAYANG PUTIEK LABU

BAK PIH LEUHU  BOEH MEUSEURUELA

BEU ALLAH BRI PAYANG UMU

BEUJEUT KEU TUNGKU ANEUK DI GATA

BEUNA TAPATEH  WAREH LE GATA

BEUSAPUE HABA PIKIRAN BULAT

NGOEN POMARITAH LANGKAH BEUSAMA

MANGAT SEUJAHTRA GEUTANYOE RAKYAT

KA JIMEUDOA MEUYOE NA SAKET

KA JIMEURATEIB MEUNYOE NA GEUMPA

SEUMBAHYANG WAJEB UROE JEUMEUAT

SEUMBAHYANG SUNAT BAK UROE RAYA

MEUHANA GEUMPA SEUMBAHYANG TANLE

JI ADE PADE TIKA MUSALLA

IJA SILEUKOEN JITIEK U SANDENG

SEULAMA KAYEN HANALE GEUMPA

SABOEH SAGOE MEUKAT PAYEH

LADOEM WAREH MEUKAT APAM

SABOEH SAGOE MEUKAT TUMPOE

LADOEM ADOE MEUKAT PISANG

NYAN KEUH SEUBAB HAI SAUDARA

JEUT MEUGISA MEUWOE ULANG

OH LOEN INGAT NYAN KEU NANGGROE

LOEN KEUNEUK WOE BEULANJA TAN

TAKOEH BULOEH RANCOENG KEU TUMBAK

SAMAK TIMOEH BAK TIMOEH MATA

ROET NOE GEUPREH ROET DEH GEUJAK

KA MEURUMPOEK SABE TUHA

ALAH HAI DEK PAYOENG JANTOENG PISANG KLUENG

LOEN CRE DI MIDUEN  LOEN TINGAI JURE

LOEN AROENG PADANG JEUMEURANG UTUEN

HAN LOEN PEURUEMUEN RIMUENG NGOEN CAGE

ALAH HAI ADEK CANTEK BUNGOENG ROEM

HABA LOEN SUSOEN HANSOE PATEH

KEUBIET MUSTAHE GANJE BAK HUKOEM

RAKAN NGOEN KAWOEM TEUNTE PEUJAEH

JIPHOE U LANGET LOEN BUSU MEUHAT

WALAUPUN BAK HAT LAM AWAN MIGA

JILOEP LAM TANOEH ULOEN KUEH MEUHAT

JI EK U DARAT ULOEN THEUN SUDA

JIGROEB U LAOT LOEN JEU NGOEN PUKAT

OH KA LOEN DAPAT LOEN POEH BEU PHANA

TUBOEH KUCANG CANG  DARAH KU HISAP

PUWOE ALAMAT KEUNOE KEU RAJA

MEUKEUSUD HANTROEK  SAMPOEH BOEH PUNGGOENG

ALET IE HIDOENG  TIJOEH IE MATA

HATE JIH SAKET MEUTIET TIET LAM LHOENG

SANG SANG PEUREULOENG NYAWOENG KEULUWA

MEUDANG THOE REU OH LOEN PIYOEH SIAT

JAROE KEURAWAT KUWUET KEULEUPAH

SIRA MEU DOA NIBAK HADHARAT

SAMPOE NGOEN TAMAT ULOEN SEULEU AH

KAROEH MEUPAKHOEK  JAMPOEK KEUDIDI

JIMEULOET NURI NGOEN CICEM PALA

JIMEULOET SIWAH NGOEN MIRAH PATI

HANALE MEURI PEUSAM NGOEN KALA

HAI RIMUENG ANGKOET  SIMATE GEUCANG

HAI BUYA KURAN  KAFE BEULAGA

PUBUET SAJAN KE  MALE BACUT TAN

KAWEH DISINAN HAI TA EUT BUTA

ITIKUET BEUJROEH IMAN BEU KUAT

BEK SAMPOE SISAT  TABLOEH LAM UROENG

JAMPANG OH TAWOE NANGGROE AKHIRAT

AMAI IBADAT NYAN KEUH YANG TULOENG

GEU UJI IMAN SIDROE SROE INSAN

GEUBRI COBAAN MEUBAGOE RUPA

SEUBAH DONYA NYOE  TEUMPAT SINGGAHAN

SOE YANG KOENG IMAN  MEUHAT BAHGIA

ANEUK MUSANG EH SIDEH MEUJUMPHOE

LAM TRIENG MEUDUROE TEUNGUET  LAGOENA

MEUNEUJEUT INTAT  ULOEN NEU PUWOE

 LAEN BEURANGSOE KUPUE NEUKIRA

GEULANTOE LOEN BA JEUMPA MANGAT BE

SANGOI BAK ULE MEUDANG DANG MALA

SAMBOET RAKAN DROE BEK SAMPE LAYEE

YANG GATA LAKE NYOEPAT KA LOEN BA

DALAM GLE PUCOEK BEURIJUEK BALE

JIDOENG COENG KAYE  JIMEUSEURAPA

INGAT RAKAN E TUHAN TIEP WATE

SINAN TALAKE  PUE PUE YANG HAWA

ANEUK KEUCUBOENG DICOENG BAK ARA

ANEUK MEURUWA  DIBINEH PASI

ADAK LOEN PEUGAH PAYANG LAGOENA

HANA MEUGUNA ULOEN JAK KHEUN KRI

DEUNGOEN SIBANGSAT ARAT MEUDAWA

DIPEUHU MATA PEUGAH BEURANG KRI

SEUBAB BUET TUHAN  KATAN JITHE NA

MUNGKE RABBANA HANA JITURI

PUCAK SEULAWAH  MEUGAH LAM AWAN

BUKET BLANG KULAM MEUTANGA TANGGA

PUE TAMEUHAJAT  GATA HAI RAKAN

KEUNOE TROEK DATANG  MEUPUE KAREUNA

SINYAK KEUMAWE PANTE GEULUMPANG

KAWE JITAMBANG  KA PUTOEH MATA

MEUYOE CEUMBURU TANDA GEUSAYANG

 CINTA MEULABANG TANDA SEUTIA.

MEUHIJOE HIJOE ON NALEUNG LAKOE

BAK CABEUNG GEUTOE JIDOENG MEUREUBOEK

NIBAK SIMALAM ULOEN MEULUEMPOE

WATE PIH SAMPOE  POEH DUA KATROEK

JEH ANEUK TIYOENG DICOENG BAK PANJOE

ANEUK LUTOENG MOE COENG KAYE RAYA

E YA ILAHI NEUBRI KEU KAMOE

NIBAK MALAMNYOE BEUTROEK BAN PINTA

PUTEIH MEUCAYA CUACA UROE

PEUNGUEH LAM NANGGROE  TANGIENG SEULALA

GATA PAT GAMPOENG BAK LOEN TAKHEUN PROE

HANTOEM  HAI ADOE  LOEN KALOEN RUPA

LEUPAH THAT SAYANG  KEUMANG COET UROE

HANLE SOE PAKOE JEUMPA KA MALA

SUSAH NGOEN SEUNANG  MEUGANTOE GANTOE

BAK TUHAN SIDROE  BANDUM MEU PUNCA

NABI NEUWASIET NIBAK GEUTANYOE,

HAN NEUBRI MOE MOE BAK URUENG MATE

RAYA THAT DOSA MEUSOE YANG MOE MOE

IBARAT ANOE DI ATEUH PANTE

TADUEK TADOENG BEURANG KAPAT

ALLAH TA INGAT  BEURANGJAN SABE

HANJEUT TAKHEUN DEUNGOEN LIDAH

ALLAH ALLAH KHEUN NGOEN HATE

BEUNA TABEUT KITAB TAUHID

BEK LEUPAH MARIT JEUT KEU KAFE

BEUNA TABEUT KITAB TASAWOEH

BEKROEH TAPAJOEH BANGKE BANGKE

BEUNA TABEUT KITAB FIKAH

BEK ROEH TAPEUGAH HABA JAHE

BEUNA TABEUT KITAB MANTE`K

BEK HEK DAWA BUTA SABE

SALAMMUALAIKOEM, TUNGKU SINAROE

KATROEK KAMOE. LINTO MEUBA

SIDEH DI JEU OH MEUTEUKA KEUNOE

KEU BUNGOENG JAROE, SAPUE TAN MEUBA

 LOEN LAKE MEUAH, BANDUM SINAROE

JAROE DUA BLAH ATEUEH JEUMALA

JAROE LON SIPLOH LON BOT SIKUREUENG

GEULANTOE PEUDEUENG TAMPOK SUASA

JAROE SIKUREUENG LOEN BEU OT LAPAN

RANUB LAM PUAN BATEE SUASA

JAROE LON LAPAN LON BEU OT TUJOH

GEULANTOE BUNGKOH MEUREUPOK PUNCA

JAROE LON TUJOH LON BEU OT CIT NAM

GEULANTOE PINGAN CEUPE DALICA

JAROE LON CIT NAM LON BEU OT LIMONG

GEULANTOE BUNGONG DI PUNCA IJA

JAROE LON LIMONG LON BEU OT PEUET

GEULANTOE JIBOT PLOK MEUNYEUK ATA

JAROE LON PEUET LON BEU OT CIT LHEEE

GEULANTOE TEUBEEE LASON U MUDA

JAROE CIT LHEE LON BEU OT DUA BOH

GEULANTOE U GROH TALHAP NGON CUKA

JAROE LON DUA LON BEU OT HABEH

GEULANTOE U DADEH LAWOEK LAM SAKA

IJOE  IJOE , NALEUNG SAMBOE

IJOE  BIRU , NALEUNFG LAKOE

MEUJAK KEUNOE ,MEUBA LINTOE

ASOE KASOE, JUDO PUTROE

BUNGOENG JEUMPA ,TIMOEH DI LEUN

PATAH SABOEH DHEUN, SEULAMA GEUMPA

BEKLE NEUPEUTREK, KAMOE DOENG DILEUN

MEUTAKOET UJEUN, KA BASAH IJA

TA EK U GLE , TAJAK KOEH  KAYEE

PAYANG TAKOEH LHE, PANEUK KOEH DUA

BEKLE LAM UROE ,KAMOE NEU ADE

KA BASAH  BAJE, REU OH KEULUA

WALAIKOEM SALAM TUAN, YANG TEUKA

TAMOENG LAM KUTA, KEUNOE BEULEUPAH

KAMOE TEURIMOENG, NGOEN HATE SUKAS

MEUPEU MULIA, SANG MEUH KEUREUTAH

KAMOE NIET INTAN, LINTOE YANG NEUBA

DALEH BAN TEUKA, JEU-OH MEULEUPAH

PEUTAMOENG LAJU, BEKLE DI LUA

MALAM KA JMULA BEK BASI KUAH

IDANG KAMOE BOET, HANA MEULAPEH

LAM CUPE PUTEIH, SISEU LAM TIKA

MEUBU KAMOE BOEH, LAM PINGAN LIPEH

MEUAH HAI WAREH, KOEN KAMOE SAJA

GULE BOEH LABU, EUNGKOET BAK PISANG

MEU KEU SIE PANGGANG, MEUBEK NEUHAWA

NEU TUNGGENG GAPET,NEURHAH NGOEN JAROE

NEUMAKEUN BEUTROE, BU DEUNGOEN SIRA

EUNGKOET DI LAOT, MEUTADEUNGOE GAH

TULUNYOEK PATAH, BAK CULOEK SIRA

MEUNYAN KEUH YANG EK, KAMOE SEULEUAH

BEURAYEUK MEUAH, WAHE SAUDARA

TIKA KA MEULEUNG, NGOEN KASOE SUTRA

DALAM ISTANA ,DUMPUE KA KEUMAH

SIT KA KAMOE THE,JAME TROEK TEUKA

KAMOE SEUDIA RANUB LAM KARAH

JANTOENG PISANG KLAT, PUTIEK PISANG NU

NEUTAMOENG LAJU, JAME BAN TEUKA

MAKEUN E TUNGKU, MEUBU SIREUGAM

EUNGKOET SINOE TAN, JEU-OH THAT PASI

BEK THAT NEUTIMANG,MASEN NGOEN MASAM

KADANG HAI RAKAN, NA LEUPAH CAMPLI

.RUKON MAKANAN, HANA MEUTUBAN

 MAKLUM HAI RAKAN JEU OH NGOEN PASI

EUNGKOET DI LAOT, MEUKAWAN KAWAN

TUNGKU NEUMAKEUN, NGOEN SIRA CAMPLI

TABEU NGOEN MASEN, BEK TUNGKU PEUTRANG

MEU PHEIT NGOEN REUHANG,MASAM NGOEN BASI

KADANG SIT MASAM, LEUPAH BOEH MAKEN

KADANG SIT MASEN, NA LEUPAH SIRA

KADANG SIT MEUHOENG, NA LEUPAH RHEU

KADANG SIT TABEU, LAGI IE RAYA

SAYANG PISANG WAK,MASAK NIBAK MU

SAYANG PISANG NU, ASOE JIH BATAT

OHNOE LOEN PEUSEB, BEK PAYANG BUHU

MEU-AH HAI TUNGKU, MEUNYOE NA SILAP

KEUDE MEUREUDU TAMOENG U DALAM

ROETR SIMPANG MATANG, JAK SAMALANGA

KEU BUNGOENG JAROE, KEU ASOE TALAM

BAK KAMOE PIH TAN, RANUB SIGAPU

NABSU KEU BUNGOENG, RUNOENG TAMITA

BEK TAGEULAWA, CABEUNG JIH PATAH

NIBAK PEUREUDE, DILE MEUMITA

MENAN PRIBAHASA, UREUNG TUHA PEUGAH

WALAIKOEM SALAM TUAN, YANG TEUKA

TAMOENG LAM KUTA, KEUNOE BEULEUPAH

KAMOE TEURIMOENG, NGOEN HATE SUKA

MEUPEU MULIA, SANG MEUH KEUREUTAH

TREIP THAT KA MEUPREH,MEUNYOE BAROE TROEH

NYOE LEUPIE BUNGKOEH, HANA CEURANA

 NYOE RANUB UTEUN ,PINEU BOEH AWE

KAMOE BINEH GLE, JEU OH NGOEN BANDA

RANUB LAM SEUPEH,PINEU MEULASOEN

GAPU DALAM ON, KEURADAM HANA

NA MEUBOEH GAMBE, KA HANA BAKOENG

MEUH HAI AMPOEN, BANDUM SYEDARA

MEUGALAK LOEN THAT, LOEN KALOEN PUYOEH

JIPHOE THAT JEU OH, JILOEP LAM CINTRA

NYAN LINTO BARO, NEUBA DI JEU OH

PEUTAMOENG BEUTROEH, KEUNOE LAM KUTA

IDANG KAMOE BOET, HANA MEULAPEH

LAM CUPE PUTEIH, SISEU LAM TIKA

MEUBU KAMOE BOEH, LAM PINGAN LIPEH

MEUAH HAI WAREH, KOEN KAMOE SAJA

GULE BOEH LABU, EUNGKOET BAK PISANG

MEU KEU SIE PANGGANG, MEUBEK NEUHAWA

NEU TUNGGENG GAPET,NEURHAH NGOEN JAROE

NEUMAKEUN BEUTROE, BU DEUNGOEN SIRA

EUNGKOET DI LAOT, MEUTADEUNGOE GAH

TULUNYOEK PATAH, BAK CULOEK SIRA

MEUNYAN KEUH YANG EK, KAMOE SEULEUAH

BEURAYEUK MEUAH, WAHE SAUDARA

KAMOE NIET INTAN, LINTOE YANG NEUBA

DALEH BAN TEUKA, JEU-OH MEULEUPAH

PEUTAMOENG LAJU, BEKLE DI LUA

MALAM KA JMULA BEK BASI KUAH

TIKA KA MEULEUNG, NGOEN KASOE SUTRA

DALAM ISTANA ,DUMPUE KA KEUMAH

SIT KA KAMOE THE,JAME TROEK TEUKA

KAMOE SEUDIA RANUB LAM KARAH

JANTOENG PISANG KLAT, PUTIEK PISANG NU

NEUTAMOENG LAJU, JAME BAN TEUKA

MAKEUN E TUNGKU, MEUBU SIREUGAM

EUNGKOET SINOE TAN, JEU-OH THAT PASI

EUNGKOET DI LAOT, MEUKAWAN KAWAN

TUNGKU NEUMAKEUN, NGOEN SIRA CAMPLI

TABEU NGOEN MASEN, BEK TUNGKU PEUTRANG

MEU PHEIT NGOEN REUHANG,MASAM NGOEN BASI

CICIN EMAS, MATA BERLIAN

 PAKAI DI TANGAN SI MANIS JARI

 DIPESAN JANGAN, DIKIRIM PUN JANGAN

BERSAMA-SAMA, MENAHAN DIRI

-KALAU PEDANG, MELUKAI TUBUH

 MASIH ADA HARAPAN , SEMBUH

 KALAU TUTUR, MELUKAI HATI

KEMANA OBAT, HENDAK DICARI

IE SITEUGOEK  . BU SABOEH SUEB

ATRANYAN BEUJEUT , KEU DARAH GAPAH

KEU UREUNG PO HAK, BEUTROEK MEUKEUSUD

NEUBRI LE MAKBUT, FAHLA MEULIMPAH  

  

 CICIN EMAS, MATA BERLIAN

 PAKAI DI TANGAN SI MANIS JARI

 DIPESAN JANGAN, DIKIRIM PUN JANGAN

BERSAMA-SAMA, MENAHAN DIRI

KALAU PEDANG, MELUKAI TUBUH

MASIH ADA HARAPAN , SEMBUH

KALAU TUTUR, MELUKAI HATI

KEMANA OBAT, HENDAK DICARI

MANGAT-MANGAT, LEUKAT MEU IKU

LEUBEH MANGAT BU,BREUH PADE AKA

MEUNYOE HANA DOA  PO MA NGOEN ABU

BARAT NGOEN TIMU HANA BAHAGIA

BUKAN LE SAYANG, LOEN KALOEN PANYOET

MATE SIGOE PHOET, LAM ANGEN BADEI

SEUMBAHYANG BEUNYAHIN,IBADAT ,BEU JEUMOET

ADAK TROEK MAOET, KANA PUE TABA

MEUNYOE NA MUDAH TAJAK U HAJI

BAK KUBU NABI, BEUTROEK  TA TEUKA

UTANG TAPEUGLAH, SEUDEUKAH BEU TABRI

SIT NA KEUH KEUHKRI, ALLAH KARONYA

              

KRU SEUMANGAT , ALHAMDULILLAH

JAROE DUA BLAH DI ATEUH BUBOEN

KEUNEUK BRI RANUB, BUNGKOEH TAN TEUHAH

PINEUNG TAN SOE PLAH, HANA SOE LASOEN

ADAK NA UREUNG INOENG, MANTOENG GEULISAH

TEU INGAT KISAH , BULEUN DUA BLAH WATE AKHE THOEN

BAK TUNGKU YANG MUNGKEN IE SABOEH BUK KREUNG

TAPI BAK KAMOE UDEUNG , KA LAOT RAYA

.

SALAM A`LAIKOEM, TANGLOENG MEU BHAK BHAK

JAROE ULOEN GRAK ,TIMANG BAK ULEE

JAROE LOEN LAYANG, TIMANG BAK TALAK

SIT PATOET THAT HAK, MEU-AH LOEN LAKE

MEUKRU SEUMANGAT, RAHMAT MEUHAYAK

KALAM LOEN PEUJAK, BAH SINGKAT DILE

NARIET PEU INTAT, KASEB DUA KRAK

SALAH NGOEN RUSAK, MEU-AH LOEN LAKE

MEUBLET BLET BINTANG, DI LANGET HIJOE

CAHYA MEUHAMBOE, BULEUN PURNAMA

LOEN BRI HOREUMAT KEU DARA BAROE

NGOEN TUNGKU LINTOE, MUDA BAHLIA

MEUBLET BINTANG DI LANGET HIJO

CAYA MEUHAMBOE BULEUEN PURNAMA

LON BRI HORMAT KE DARA BARO

NGON TEUNGKU LINTO MUDA BELIA

SEULAMAT BAHAGIA LINTO NGON JUDO

DALAM PEURAHO DONYA KEDUA

BILA JUEMEURANG LAOT NYANG HIJO

NEUBI TUHA E RAHMAT SEUJAHTERA

BEULAGEE ADEK DEUNGOEN CUT ABANG

BAN NABI ADAM NGOEN SITI HAWA

BEULAGEE ALI DEUNGOEN FATIMAH

SABE LAM GAIRAH CINTA MEUNYINTA

UMPAMA MUHAMMAD DENGOEN KHATIJAH

RAHMAT MEULIMPAH LE RABBANA

BEUJEUT KEU TEGKU DUA BOEH  PAYOENG

TEMPAT MEULINDONG UJEUN JI TEUKA

BEUJEUT KEU TENGKU KEU PANYOET TANGLOENG

NGON PEUTRANG GAMPOENG WATEE GEURANA

UMPAMA JAMBOE SAMAT TEUNGOEH BLANG

TEUMPAT MEUNUMPANG DALAM UROE KHA

TEMPAT MEUREULUI BROH NGON TUNONG

TEUMPAT TEUMANYONG TUHA NGON MUDA

E TENGKU LINTO U LON PEU INGAT

LON AMANAT BAK LINTO MUDA

GATA GEUKANDONG POMA SUSAH THAT

BEUNA TA INGAT POMA OH TUHA

BEK BAN NA INOENG, SIBUNGOENG REUHAT

TANLE TEU INGAT KEU JASA PO MA

BEK LINTO MEUTUAH OH KANA JUDO

KEU POMA HAI LINTO TUWO DIGATA

PEULOM MEUTEMEE YANG PUTEH LICEN

MEU ENGKOT MASEN HAN LE TA KIRA

ETNAN KEUEH BACUT HABA PEU INGAT

LAEN AMANAT BACUT AGAMA

BAK WATEEE SUBOH BEUDOH LE LAJU

BAK MON TA PEUTOE, JUNUB LE SIGRA

NGON DARA BAROE  BEUNA TA PEUGOE

BEK MEUPALOE SUCI TAN GATA

TEUMA OH LHEUH NYAN TUENG IE WUDHUK

SEMBAHYANG KHUSUK PUJOE RABBANA

ALLAHUMMA SALLI’ALA MUHAMMAD

BEUSEULAMAT BEUSEJAHTERA

BEU MEUANEUK BEU MEUCUCOE

LAGEE NIBO DALAM PAYA

PAT RANUB NYANG HANA MIRAH

PAT PEUNERAH NYANG HANA BAJOE

PAT KEUH NARIT NYANG HANA SALAH

MEUNYOE HAN AWAI NA BAK DUDOE

KRUU SEUMANGAT HAI LINTO

KRUU SEUMANGAT HAI LINTO

KRUU SEUMANGAT HAI LINTO

BEUDOH TALANGKAH BAK JUDO GATA

UDEP LAM DONYA, BEU TEUGAH DAN MEU IMAN

BEU LAGE  NABI ADAM NGOEN SITI HAWA

BEUGOET BEUJROEH, LAGE YUSUF NGOEN ZALIKHA

BEUKAYA BEUKHALIM, LAGE NABI IBRAHIM NGOEN SITI  SARA

BEUGAGAH,BEUCEUBEUH,BEUBEURANI,

LAGE SAIDINA ALI    NGOEN FATIMAH ZUHRA

BEUMEUSAHOE, BEUMEUSAPAT,

LAGE NABI MUHAMMAH NGOEN KHATIJAH AL KUBRA

IE KRUENG PEUSANGAN, MIRAH NGOEN CIKOE

IE KRUENG GEUREUTOE, JEUREUNEH PUTEIH

HAJAT U LOEN COET, SIBUNGOENG PANJOE

KA TABOEH TALOE KA TATHEUN AMPEH

KANA SOE PAGEU ,PO BUNGOENG PANJOE

KAWAT MEUDUROE PAGEU MEULAPEH

DILE LOEN SIBU SABE TIEP UROE

OH WATE DUDOE KAGOEB BOEH AMPEH

TEUNGOEH LOEN SAMBOENG RUNOENG  NGOEN TALOE

TEUNGOEH LOEN HIROE, LOEN SIBU GASEH

KAGOEB BOEH TANDA SIBUNGOENG PANJOE

BAK PIE LOEN NYOE GASEN NGOEN JAYEH  ALL

ALLAH YA TUHAN MEUPAKOEN MEUNOE

NASIB ULOEN NYOE CUKOEP THAT PEUDEH

ULOEN IKEULAS, SEURAH NIBAK PO

 BEK ROEH LOEN POEH DROE E PO NEUGASEH

NA KAMOE BA IJA REUHIK,RANUB SIPRIEK,

 PINEUNG TUPE TIEK, SOE LASOEN HANA

BEK NEUKALOEN  KEU ASOE BUNGKOEH DEUNGOEN YUM

TAPI  NYAN YANG NA MUDAH,DAN MEUNUROET ADAT

PHET NGON REUHANG, TABEU NGON MASAM

ATRANYA N LAZEM, BAK MANUSIA

PEU TUNGGENG, GAPET, PEU BASAH JAROE

NEUPAJOEH BEUTROE BU DEUNGON SIRA

YANG KREUH – KREUH TUNGKU PULANG KEU PO UMOEH

YANG LEU MOEH – LEUMOEH, PULANG KEU JAME TEUKA

DENGAN UCAPAN, BISMILLAHIRRAHMANIRRAHIM.

.

IE KRUENG WAYLA, CUKOEP THAT LEUKAT

EUNGKOET JILUMPAT,JISANGKA TUBA

TEUTOEP NGOEN RINCOENG,JEUT TA PEU UBAT

KEUBIET SAKET THAT, MEUSINGKLET HABA

ASSALAMU’ALAIKUM SYEDARA BISAN

SEUREUTA SAJAN WAREH YANG TEUKA

TUHA ADAT KA DEUNGON HUKOM

KETUA KAOM MUSLIM SEJAHTERA

           

PIMPINAN PEMUDA KEU TIANG NAGGROE

HUKOM BEUMEUHOE SAGAI BEK LUPA

PIMPINAN POMA PEUTIMANG LAKOE

ADAT LAM NANGGROE BEUGT TAJAGA

JAROE LON SIPLOH KEUWAREH BANDUM

PALEUET TEULINTEUENG KEU UREUENG TEUKA

KAREUNA SALEUM NABI KHEUN SEUOT BEURATA

YANG WAJEB THAT – THAT SEUOT BEURATA

 IJOE  IJOE , NALEUNG SAMBOE

IJOE  BIRU , NALEUNFG LAKOE

MEUJAK KEUNOE ,MEUBA LINTOE

ASOE KASOE, JUDO PUTROE

BUNGOENG JEUMPA ,TIMOEH DI LEUN

PATAH SABOEH DHEUN, SEULAMA GEUMPA

BEKLE NEUPEUTREK, KAMOE DOENG DILEUN

MEUTAKOET UJEUN, KA BASAH IJA

TA EK U GLE , TAJAK KOEH  KAYEE

PAYANG TAKOEH LHE, PANEUK KOEH DUA

BEKLE LAM UROE ,KAMOE NEU ADE

KA BASAH  BAJE, REU OH KEULUA

BUNGOENG JEUMPA KEUMANG MEUTABU

BUNGOENG MEULU KEUMANG MEUBANJA

KA MEURUMPOEK NYANG SABEE MEUTU

LAGEE CUT BUNGSU NGOEN MALEM DIWA

ITAM – ITAM ANEUEK BAYAM

TABRI SIREUGAM LOEN KEUNEUK TABU

BEUTHAT TA EU RUMAN LOEN  HITAM

TADOEM  SIMALAM  NGAT  TA EU LAKU

DICOENG PINEUENG EUMPUNG BEURAGOE

DICOENG PANJOE EUMPUNG CEM PALA

MEUNYO EK TABOEH TALOE JAROE

BAH LE TAPUBLOE TATOENG HAREUGA

TAJAK U LAMPOEH TAPOET BOEH TIMON

TEUPEU TEUMOEN NGOEN SAKA PUTEH

BEK TABOEH –BOEH RAKAN TEUH DILE

JAMPANG TALAKE RANUB SIGAPU

TAMOENG U LAMPOEH TAPOET BOEH TIMON

TAPEUTEUMOEN NGOEN SAKA PUTEH

TAK COK ULON BEUJEUET KEU TEUNOEM

MANGAT JEUT KEUNGOEN WATEE TA EH

BEK HAI TEUNGKU NEUCREU KAYEE

BAK MEUSEULE  LEUK DI KUTRU

BEK TABOEH –BOEH RAKAN DILEE

JAMPANG TALAKEE RANUB SIGAPU

ALLAH  HAI DO – DODA  IDANG

RANGKANG DIBLANG TAMEH BANGKA

BEURIJANG RAYEUK PUTROE SEDANG

JAK BANTU PRANG BELA BANGSA

 ALLAH HAI DO -  DODA IDANG

CICEM SUBANG JIPHOE MEUGISA

WATE  RAJEUK BUNGOENG KEUMANG

KAYEE DISIMPANG PEUGOET KEU BAHTERA

JAK KUTIMANG BUNGOENG MEURAK

KAYEE SIBAK DILEUEN ISTANA

BEURIJANG RAYEUK PUTEH MEUPRAK

 LAJU TAJAK BELA AGAMA

JAK KUTIMANG BUNGOENG LANGSAT

BE JIH MANGAT BUNGOENG LANGA

BEURIJANG RAYEYK PUTEH LUMAT

BAK JEUET TAMAT KEUMEUDOE BATRA

ALAH HAI DO – DODA IDI

ANOE PASI RIYEUK TIMPA

BEURIJANG RAYEUK CUT PUTIH DI

GANTOE ABI  MAT NEURACA

ALLAH HAI DO – DODA IDANG

BUNGOENG MANCANG RHOET MEUKEUBA

BEURIJANG RAYEUK BUNGOENG KEUMANG

JAK  PEUTIMANG ,  ADAT BANGSA

JAK KUTIMANG BUNGOENG SUKOEN

BAK SITALON BOEH HANTOM NA

BEURIJANG RAYEUK PUTEH SABUN

BEU – EEK TAPEUTRON BAHTERA RAJA

BUKOEN SAYANG LOEN EU SIMPLAH

LAM GEU KEUBAH SOE NGUI HANA

BUKAN SAYANG LOEN EU SANG MAH

DALAM SOSAH INGAT KEU BANTA

BUKAN SAYANG LOEN EU PEUTOE

PEUMOH ASOE MEUIH PERMATA

BUKAN SAYANG LOEN EU PUTROE

DA WOK  JIMOE RO IE MATA

DI ACEH NA ALAM PEUDEUENG

CAP SIKUREUENG LAM JAROE RAJA

PHOEN DI ACEH SAMPOE U PAHANG

TANSOE TEUNTANG ISKANDAR MUDA

BANGSA PORTUGIS  ANGKATAN MEUGAH

ABEH GEUPINAH DI SUMATRA

U MELAKA KEUDEH DIPIYOEH

KEUNAN PIH TROEH  SEUTOT TEUMA

ISKANDAR SANI DUEK GEULANTOE

LAKOE PUTROE TAJUL MULIA

KUTA MELAKA TEUMA GEU EUNGKHOE

PORTUGIS JIWOE  KEUDEH U GOA

DO DODA IDANG

RANGKANG DIBLANG TAMEH BANGKA

BEURIJANG RAYEUK BANTA SEUDANG

BEU EEK TAPRANG NANGGROE DUMNA

ALLAH HAI DO DO DA IDI

ANOE PASI RIYEUK TIMPA

BEURIJANG  RAYEUK BANTA SAIDI

ULEE ILI PRANG TAPUGA

DO  DO DA IDI

BIJEH SAWI DALAM KACA

BEUNA UMU BANTA CUTLI

GANTOE DOLI MAT NEGARA

JAK LOEN TIMANG PUTIK RAMBOET

BEUNGOEH SEUPOET LOEN SEUMANOE

BEURIJANG RAYEUK BINTANG KUTUB

EK TA LEUGOT DUMNA NANGGROE

JAK LOEN TIMANG BUNGOENG PADEE

PUTEH MUPE – PE  DALAM UROE

BEUPANYANG UMU BEUJROEH PI – EE

EK TUENG  ATE  ASOE NANGGROE

JAK LOEN TIMANG PUTIK TUPHAH

MEUH MEUTAH  TAH, ASOE PEUTOE

BEURIJANG RAYEUK BANTA MEUTUAH

BEU EK TA KRAIH DUMNA NANGGROE

JAK LOEN TIMANG PUTIK MANCANG

BANTA SEUDANG RUPA SAMLAKOE

BEURIJANG  RAYEUK  B‘OH HATENANG

BEUDISAYANG LE  KAUM  DROE

ADAT BAK POTEU MEUREUHOEM

HUKOEM BAK SYIAH KUALA

KANUN BAK PUTROE PHANG

RESAM BAK BENTARA

PUE KEUTAK KEUTOEK BAK TAMPOENG NEUROK

BUROENG KEUTOEEK TOK  SINAN DITAPA

MEUKRIET NGOEN SAREUK MEUSU NGOEN JAMPOEK

NYOE BARO  TROEK LAWAN MEUSENDA

DI BLANG ASAN GAJAH MEUROEN – ROEN

DI BLANG SUKOEN GAJAH GEUPEULHEUH

MEUNYOE NA MEUHEUT TAMEUPANTOEN

BAK GATA PHOEN KAMOE SEUNEULHEUH

MANOEK PUTEH BULE  JIH SABON

JITOEH BOEH PHOEN BAK SANDENG JEUNGKI

SINYAK MEU PANTOEN  U LON MEUPANTOEN

DI DALAM PANTOEN TAMEUTURI

LEUK DI DAYA JARENG DI GURAH

SINYAK COEP KIPAIH NGOEN SUTERA CINA

JANJI KA ABEEH SUMPAH KA LEUPAH

MEUSOE YANG UBAH MEULUNGKOEB DONYA

IE  DALAM KRUENG MEUBUROEN – BUROEN

IE DALAM MOEN MEUBURA - BURA

HATEE LAMPRUET LOEN HAN EK LOEN TEUGON

HANJEUT LOEN KALOEN  SINYAK JAK DUA

LIMOENG – LIMOENG SINYAK COET BUNGONG

DISADUE REUNOENG BAK CABEUENG LANGA

ROETNOE GLUM BINTANG RETDEH GLUM BUNGONG

YANG TOEH MEUKEUNOENG KAMOE NA DUA

RANGKANG DI BLANG BINTEH JIH BLEUET

TAMEH TEUPHEUET PEULEUPEUEK JOEK DARA

MEUNYOE  KA TATEM TAN PILEH PAREUET

BEURANGRI PI JEUET  GATA ADOE – A

KUALA BUGAK AROEN MEURITI

KUALA IDI ASAN MEUBANJA

TADOEK MEUTUMPOEK TADOENG MEURITI

PILEH BEURANRI KAMOE ADOE  A

SINYAK PAJOEH BU NGOEN GULE BOEH PIK

PEUNYUNG MEUTIKTIK SUBANG MEUCINTRA

SABOEH LOEN TATANG SABOEH LOEN TINJIK

LOEN COEK BEK MEULIEK GATA BAN DUA

RANUP KUNENG ON DI SIMPANG ULIM

LOEN POET SICEUDIENG KEU UBAT MATA

ALEH MELINGGANG MATA MEUNGGILIENG

NYANG MEUGLUM BAK MIENG KA  GOEB BA TANDA

TAJAK U PASI TAKAWE BAKOEH

BAKOEH JITOEH BOEH SAJAN CEMPALA

NYANG MEUGLUM BAK MIENG HANNA LOEN TEU – OH

LAM DUA SABOH BEURANGRI PIH SA

KULAM DI LEUEN  IE JEUREUNEH

TIMOEH DI BINEH GEULIMA SAKA

DILOEN KUKHEIM  DI GATA BEUNGEH

SALAH PEU JEUNEH TAPEU KROET MUKA

DICOENG BAK ARA EUMPUENG CICEM

KEUDEEH JIMEUEN DICOENG SEULANGA

MEUKREIH ON KAYEE LOEN TEUPEUE CICEM

TEUSEUNGEH TAKHEM LOEN TEUPEUE BASA

CICEM PALA CUT  JIDOENG ATEUH JOEK

CICEM MEURUBOEK  ATEUH SEULANGA

SIBULEUEN SABEE HANTOEM LOEN THOEK THOEK

NYUE LEH PUE KATROEH LAWAN MEUSENDA

MANGAT – MANGAT  PISANG TEUPEUNGAT

TEUNGOEH LOEN MAT MAT KA RHOET LAM ABEE

BERANGKADUM LEE NEUBRI MANGAT

HATEE TEURINGAT KEUBULEUEN  DILEE

JAK KUTATAK  JAK KUDANGDI

IE MON HAYATI  IE KRUENG KALKAUSAR

SOE  POET KEULON  BUNGONG KUDANGDI

UPAH JI  KUBRI  UBEE NA HAWA

PUTIK KAYEE LE  BUNGOENG HAN JIMAT

ALAMAT  KILAT  UJEUEN KEUNOENGSA

NEUTOEB  MATE LOEN E MALAIKAT

BEK ROEH LOEN PUEBOET  MAKSIET DI DONYA

BULEUEN PEUET BLAH PEUNGUEH MEU PRANG PRANG

SINYAK PEH CANANG SU JIH MEUTAGA

RINDU MESYEN CINTA LOEN HAN BAN

SALEH  PAJAN TROEH BAN HAJAT PINTA

IE DI LAOT PUTEH MEU PRAK PRAK

CEURUPA PIRAK DALAM CEURANA

RUPA  LOEN BROEK HANA MEUSIGAK

PANE TAGALAK  RUPA LOEN HANA

TAJAK U GLEE TAJAK KOEH DAROEH

PILIH YANG JROEH  KEU TALOE TIMA

RUPA NGOEN SIGAK HANA LOEN SATOEH

PEURANGUE YANG JROEH DI LOEN KUMITA

MEUNYOE MEUHEUT TAPAJOEH UDEUENG

TALINGKEU  KRUENG JARENG TAPUBA SUA

HARTA LOEN TAN  BANGSA PIH KUREUENG

LOEN TAKOET MEUJANGKEUENG BAK SEEDARA

TARAMAH BOEH DRIEN  TEUMOEN BULUKAT

UREUENG MEUPUKAT DI LAOT RAYA

HARTA NGOEN BANGSA HANA LOEN INGAT

SUARA MANGAT  DI LOEN KUMITA

UREUENG KEUMEUKOEH DI BALANG BLADEH

SINYAK TOET PAYEH  DI KEUDE JANGKA

LOEN KHEUEN MEUPUE  TAJAWEUEB MEUDEH

ABEEH HAN ABEEH DI LOEN NGOEN GATA

MEUNA MEUHEUT TAPAJOEH SAWOEH

TADOENG DI JUE OH PUBHOE GEULAWA

MEUNA MEUHUET KEU UREUENG JEU OH

BEUGOET TA SEUPOEH BEKJAN DIBUNGKA

ASEH – ASEH DI TEUPIN BATEE

MEUJAMU BE NGOEN RANUB   UTEUEN

PURA – PURA TAGASEH KEU KEE

LAKSANA BOEH KAYEE BAK UJUNG CABEUENG

 LEUK DIKUTRU  ATEUH GEURUPHEUENG

SIWAH LINTEUENG  JI  SAMA SAMA

MEUKA LOEN GASEH SIDROE  DROE UREUENG

UTAK LAM TULUENG  LOEN BAGI DUA

PULA  LADA BAK  TANOEH SINGET

GEUPULA KUNYET BAK TANOEH RATA

LOEN PULA CUKO  KA TIMOEH KUNYET

NARIT MEU UNYET SEUNGKOE LAM DADA

SIKIN LIPAT GEURAWOET AWEE

SABE SABEE  NADUM GEUJANGKA

MEUNYAOE  LOEN KHEUEN  PEU NEUWUEH HATEE

KOEN LOEN PAKEE  HABA MEUSENDA

MANOEK PUTEH  BULEE JIH SABOEN

JITOEH BOEH PHOEN BAK SADENG PARA

LOEN KEUEN KULU TAPEUGAH SUKOEN

BAK TUENG HATE LOEN BIJAK THAT GATA

JEUMPA BIRU  MEUBEE MEUHAYAK

BUNGOENG MEURAK DI DALAM KUTA

MEUNYOE   JEUET ABANG KEU  BURAK

JAMPANG LOEN JAK – JAKSAWUEK  DINDA

RANGKANG DI BLANG PEUDAB  ON AWEE

RANGKANG DI GLEE PEUDAB  ON SALA

DIGATA NAHOE PEUSENANG HATEE

DILOEN BAHLE LOEN PEUTHEUEN HAWA

AWE SABOEH GLOENG  LENGKOENG KA PEUNOEH

TATIEK U RUMAH  KEU JARENG RUSA

HAJAT  TEUH  KATROEK NABSU KA PEUNOEH

ULOEN TATEIEK BOEH BAK  BAN GALAK GATA

ANEUK TULOE PHOE  BEK TAPEH  AWEUEH

ANEUK GUDA LHEUEH BEK TAPOEH  LAWA

UDEB HAN SOE NGIENG MATEE HAN SOE WEUEH

MEUNYOE TA PEULHEUEH  LAM JAROE GATA

TAJAK U BLANG TA POT ON CEUROT

PILEH NYANG GOET  GOET YANG MANTOENG MUDA

WATE LOEN INGAT  GUNA YANG GOET  GOET

JEUT JEUT  SIMPANG  ROET LOEN ROE  IE MATA

UREUENG KEUMAWEE SIMPANG  IE TABEUE

UREUENG MEURULEUE DI ALUE  NIREH

PEURANGUE ULOEN KA ABANG TUEPUE

UTANG NEUBAYUE MCUT BANG LOEN GASEH 

RAMBOET DI LEUEN NA SABOEH KARANG

RAMBOET DI BLANG  NASABOEH TANGKEE

LAM JAROEGOEB   KA LHEUH LOEN LEUKANG

LOEN PEUTIMANG  TROEH NGON MATEE

TAPOET KACANG TABOEH LAM RAGA

TAPOET ON ATA TABOEH LAM GUNI

KA EH BEUTEUNGEUET DI KAH HAI MATA

BEK ROEH LOEN DAWA  ABANG MEUCAKRI

TAJAK U BLANG TAJAK POET CAMPLI

PASOE LAM GUNI  TABA U LANGSA

NAYUEM SANG LOEN  JEUB IE MOEN HAYATI

LEUPIE THAT HATEE NGOEN LOEN NGIENG GATA

TAKOEH  ON PISANG TABALOET PAYEH

RANUB SEULASEH DI DALAM BALANG

NIBAK MALAM NYOE TEUNGEUT THAT LOEN EH

KA MEUWOE GASEH LOEN NGOEN CUT BANG

 TIKA MEUSUSOEN  BINEH JIH SINGKLET

BANTAI MEUKASAB DI ATEUH KEUTA

GATA DI GAMPOENG LOEN KEUBAH BAK BEUET

DI LOEN ADOE CUT  LEPAIH KU BUNGKA

ANEUK KEUDIDI DALAM BEURAWANG

EUMPUNG CEM SUBANG DIDALAM PAYA

GASEH KA MEUKOEH BEK LEE NEULEKANG

LOEN SEUTOET CUT BANG HOE HOE NYANG NEUBA

MEUDANG ARA TIMOEH  DALAM GLEE

BAK MEURANTEE TIMOEH LAM PAYA

LOEN TINGKUE  HAN EK LOEN GUBOE  ALANG

NANGGROE TEUNGOEH PRANG BEK TAJAK GATA

BAK BEUREMBANG TIMOEH DI PANTEE

BOEH BEULEMBEE  KA  IE RAYA BA

HA LOEN TAKOET KEU ANEUK BEUDEE

BAH LE LOEN MATE  SIKUBU DUA

PURAHOE CUT  BUNGKA U BARAT

PUTOIH TALOE KLAT KUALA IDI

DILOEN HANROEH LEE JALAN HAREUKAT

GAKI MEUIKAT LEE BINTANG PARI

MANGAT – MANGAT RANUB SEULASEH

LOEEN COK SISEUPEH PASOE CEURANA

GASEH KEU CUT BANG MEUTINDEH LAPEEH

SIBANTAI TA EH LAM SABOEH TIKA

BUNGOENG JEUMPA LEUKANG BAK TANGKEE

RHOET LAM BATEE  MAWAR ATA

PINTOE  HAREUKAT DILOEN HANA LEE

BAH LE LOEN MATE LAM LEUMUENG GATA

BAK GELIMA DI LEUEN ISTANA

AROEN DIBUNGKA U TANOE H ANOE

TA EEK U RUMOEH TA GULOENG  TIKA

DILOEN KU BUNGKA GATA BEK TAMOE

NALEUENG DI LEUEN GOEHLOEM REUBAH

ON BU KULAIH GOEHLOEM  LAYEE

ABANG NEUTROEN MEUCOEK LANGKAH

PAT NEUKEUBAH BUNGOENG MANGAT BEE

BINGOENG  IE MAWOE PUTEH MERAH

RHOET SI ULAH DALAM  ABEE

ANTARA RINYEUEN DEUNGOEN DEYAH

SINAN LOEN KEUBAH BUNGOENG MANGAT BEE

BUNGOENG  RUM  BUNGOENG RIHAN

BUNGOENG  PEUKAN DALAM BATEE

ABANG GEUJAK HAN EK LOEN SAGANG

LOEN BEUET KURUAN PEUSEUNANG HATEE

CICEM PALA DIPHOE MEU APET APET

CICEM SIGINDET DIGISA CINTRA

MEUNA UMU BEK SAKEET MAKET

BULEUEN MEURAPEET TROEH LOEN GISA

PEURAHOE RAYA BUNGKA U  RIGEUET

PATAH TIANG PEUT DI LAOT RAYA

CUT BANG KANEUREUEN LOEN THAM HAN LOEN JEUET

LOEN LEUENG  NGOEN PALEUT LOEN LAKE DOA

PEURAHOE RAYA BUNGKA U  KEUDAH

IJA MIRAH ALAM BU PANJI

DI LOEN KUTROEN  KUCOEK LANGKAH

HARAP BAK ALLAH BEK PANYANG GAKI

BUKAN SAYANG LOEN EU SIMPLAH

BAK GEU KEUBAH DUROEH MATA

ABANG NEUTROEN NEUCOEK LANGKAH

U LOEN NEU KEUBAH  LAM LA  BEULALA

URUENG MEUPUKAT KUALA IDI

DIBINEH PASI LAM PU MEUGISA

MEUNYOE NA UMU MANTOENG TUHAN BRI

BAK BULEUEN  HAJI KATROIH LONGISA

BUKON SAYANG LOEN KALOEN CAMPLI

MIRAH MEUPI – PI SOE POT PIH HANA

ABANG DI RANTOE KA  SISEUN HAJI

ABEH GLEUENG GAKI JIDUEK LAM GALA

KEUTAPANG RAMPHAK KUALA  IDI

DI BINEH PASI AROEN MEUBANJA

TINGGAI  GLEUNG JAROE PUBLOE GLEUNG GAKI

KEURUNCOENG SEURAPHI LAEN LOEN MITA

JAK LOEN KHEUEN SEU LON CA E BOEH KERUET

RUMOEH SINYAK CUT DI GAMPOENG JAWA

LOEN DOEK HAN TEUTAP LOEN EH HAN TEUNGEUT

DIMAGUEN LAM PRUET NGOEN LEUPAH GATA

PEURAHOE RAYA BUNGKA U RIGLEUET

TIANG JIH PEUET MEUDANG ARA

PEUDOENG SEMBAHYANG PEUTETAP NEUBEUET

TALEUENG  LEUENG  PALEUET TALAKEE DOA

CICEM PALA  DUA SIKAWAN

BAKOEH MEU UPA LAM ANOE PASI

BAH THAT BEUNEUJAK ROET  LAM AWAN

LOEN JAK SAJAN SINTUE BAK GAKI

PUTIK TIMOEN PHANG KARANG TIMOEN PHET

SINYAK POEH PIJET BAK BAK RUJA TIKA

PAKOEN TALARANG  PUE NA MEUSAKEET

BAH SITHOEN SIBLET TAMEU NGIENG MATA

BULEUEN DI LANGET KA SINGET  U GLEE

ASAN DI PANTE  REULUI  RAYA

DI ABANG NAPAT PEUSEUNANG  HATE

DILOEN BAHLE LOEN PEUTHEUEN HAWA

RENDOEK DI GLEE UJUEN MEU PRE – PRE

LAM SAPAI  BAJEE LIMPEUEN NGOEN KALA

TASAMPOEH REU  OH NGOEN SAPAI BAJE KEE

MANGAT  TACUM BE JAMPANG TA HAWA

PUTEH – PUTEH BUNGOENG JAMEE

BUNGOENG TEUBEE MEUBANJA – BANJA

LOEN  EH UROE  TEUJAWE – JAWE

HAN PULEH NGON BEE UREUENG JIH HANA

CICEM PALA  DIDOENG DICOENG KEUTAPANG

CICEM SUBANG ATEUEH SEULANGA

LOEN GULAM HAN EK LOEN TINGKUE  ALANG

NANGGROE TEUNGOH PRANG HANJEUET BA GATA

BAK SITALON TIMOEH DI PANTEE

BAK MERANTEE TIMOEH LAM RIMBA

HANA LOEN TAKOET KEU ANEUK BUDEE

BAHLEE BAK MATEE SIUROEK DUA

SINYAK PAJOEH BU NGOEN ASAM BOEH PIK

ANAM MEUTIK – TIK  SUBANG MEUCINTRA

DILOEN KU MEUJAK DIGATA TA KLIEK

MEUTINGKUE TIJIK DILOEN NGOEN GATA

BAK SEULANGA DI LEUEN RUMOEH

BAK JEURABOEH  DI DALAM PAYA

ULOEN NEUKEUBAH  NAFSU KAPEUNOEH

U LOEN NEUKEUBAH GASEH GOEH MEURA

CICEM NURI DICOENG BAK PANJOE

TOTOK BEURAGOE DICOENG LANGA

LANGKAH KA LOENGGRAK WATEE KA SAMPOE

IDIN HAI ADOE BEK LE MEUDAWA

PERAHOE RAYA BUNGKA  U BARAT

PUTOEH TA TALOE KLAT KUALA DAYA

CUTBANG BUNGKA HAN EK LE LOEN MAT

DOA SEULAMAT BAK LOEN KEUH YANG NA

LOEN KEUNDAK MARIT KALAM SIPATAH

SALAH TATEUGAH PEUWOE BAK BEUNA

BEUNA TA IKOET KAROET  TATEUGAH

PAT YANG SALAH TAPEUDOENG DAWA

GATA NGOEN LOEN BEK ROEH MUPAKEE

LOEN BOEH MISE LAWAN MEUSEUNDA

WAOEN LU BATU WABAKDU BAET

AWAI LOEN MARIT DUDOE LON SAPA

BIET  SIDUMNAN WAYOEH HEE ADOE

JEUH – JEUH NANGGROE HABEH LOEN TEUKA

JEUB – JEUB MEUNASAH JEUB – JEUB MEUSEUJID

JEUB – JEUB TABIB JEUB  JEUB ULAMA

NYOE PAT NA RANUB  DUA LHE ON

BEURATA BANDUM CUT NGOEN RAJA

TABEU RANUB BAKOENG BAK MASIN

BAK LOEN HAI POLEM NYANG HINA DINA

HINA BAK DONYA HANA PEUKAYAN

HINA BAK TUHAN ELEUME  HANA

HINA BAK WAREH MEUH PIRAK LOEN TAN

HINA BAK RAKAN BUET JAROE  HANA

WATE  LOEN INGAT BUKOEN WEUEH HATE

HANA PUE LON BRI HAI NYAK KEUGATA

ADAK MEUNA LOEN MAT   NANGGROE

LON BRI JINOE SABOEH KUALA

ULOEN BRI GLEE BAK TACEUMATOEK

LOEN BRI  SEUNEUBOEK BAK TAPEUTUA

ULOEN KEUMEUBRI RICOENG MEUPUCOEK

LOEN TAKOET TA TUMPOEK DALAM GALA

ULOEN KEUMEUBRI UMOENG DI BLANG

ABEEH MEUSUGANG NGOEN SYEDARA

ULOEN KEUMEUBRI  KEUBEUE DI GLE

ABEH MATE RIMUENG SEUBA

DIPASI NA TIMOEH TAROEM

ARA SEUTOEM TIMOEH LAM  ANOE

AWAI SALEUM  DUDOE  ALAIKOM

WAHE KAWOEM TAPHAM KEUDROE

BUKOEN SAYANG CINTERA MUKA

BEUKAH DUA KEUNOENG BAJUE

HANA KEUNOENG SINYAK SEUMAPA

KA MEUTUKA GOET TA EM DROE

BAK ANEUK GUDA TABOEH KEUKANG

BAK DARUT CANGGANG TABOEH TAJOE

TENGKU SYEH GATA KUREUENG THAT  IMAN

GEUBOEH REUSAM DALAM NANNGGOE

WALA TIHATI RATUN NAFSUN IMAN

NABI GEUTANYOE  MEUNAN MEUSABDA

SOE  MEUSUCI SETEUNGOEH IMAN

BANDUM UREUENG NYAN JEUT BINASA

TEUNGOEH NA TABEUET QURAAN SI ON

TADAWA LOEN SINJA – SINJA

TEUGOEH  NA TABEUET KITAB SI OLAH

JEUB – JEUB MEUNASAH TALAKE PEUTUA

DIGOEB NA GEUBEUET OH KITAB TUFAH

HANA GEU PEUGAH LAGE GATA

GATA HAI NYAK TABIAT MANOEK

WATEE NABOEH KEUTEUK PIH RAYA

DIGOB  HAI NYAK TABIAT PEUYIE

BOE HMEURIBEE SOE  THE HANA

BIJEH SAWI DI DALAM ANOE

MEUPIYOH KAMOE  TA BEUDOEH GATA

KRU SEUMANGAT HAI NYAK MEU UBOEN

NYUE BAROE P[HOEN LOEN SEUOT GATA

AWAI TADUEK DUDOE TASALEUEM

TANDA UREUENG HABA MEUGUROE

GATA HAI NYAK KAYA BAROE

BAK TAMEUTOE HANA TAKIRA

TEUGOE  TAMEUKAT BAK KEUDEE SOEH

NYUM ADUE JROEH LAM GEUDOENG RAJA

MEUNYOE  UREUNG KAYA MEUBUDOE

LABA RUGOE TAN GOEB SANGKA

MEUNYOE UREUENG KAYA MEUBOINAH

TA EU HAN LEUMAH GOEB TUPAT  HANA

GATA LOEN MISEU  APA   GAM UROE

PEUBEUNA DROE  PEUBROEK GOB LINGKA

TANDA UREUENG HANA  IMAN

TAN GEUTUBAN  RUGOE LABA

TAKOEH BULOEH RAWOET KEU BANSI

TAKOEH BILI RAWOET KEU RAGA

KAWOEN GATA ABEH LOEN TURI

PHOEN BAK ABI SAMPOE  BAK KUYA

KAWOEM GATA PO SAROEK SANGI

IJO BIBI RAYA NGOEN MATA

 NGOEN ON PIJUENG NA UBEE TUTOEP

TIKOIH MEUGROEB – GROEB DISANGKA PARA

DUMNAN  LOEN KHEUN BEK SAKEET HATE

MANGAT TAPIKEE SALAH NGOEN BEUNA

UMPEUEN PEULANOEK BOEH RANGKELEH

BAK KAMUE  HABEEH  JINOE BAK GATA

ALAIKOEM SALAM ADUEN PUTEH DI

SALEUM GATA BRI MAMEH LOEN RASA

SIJUK BAN IE LAM PUCOK ON

LEUPIE BAN IE BON DI ANTARA

PAKOEN ADUEN CUT HANA TAPIKEE

NARIT NYANG JAHEE HAN ME KEULUA

MAUNYOE GATA ANEUEKK UREUENG GOET

NARIT NYANG JEUHEUT HAN TAKEULUA

SOE  KEULUA NARIT NYANG SEUNGKOE

MEUWOE KEUDROE AKHEE MASA

LOEN PEUINGAT BAK GATA  ADOE

BEK TATEEK DUROE BAK JALAN RAYA

LOEM LOEN PEUGAH WAHEE ADOE

NABI GEUTANYOE NEUMEU SABDA

 LISA UKA AS ALU LAKA

BABAH GATA RIMUENG GATA

ANEUK GUDA CUT GEUBOEH KEUKANG

ANEUK GUDA PLANG GEUPOEH LAWA

TEUNGKU SYEH GATA LEUPAIH GASANG

HANA GEUTIMANG RUGOE LABA

TAKOEH  ON COK TAPUNYOE  PUNYOE

TEKOEH ON PEUNOE  PASOE  LAM RAGA

TEUNGKU SYEH GATA TAPEUNGOE – PEUNGOE

NARIT NYANG RUGOE GEUKEULUA

NYUE LON TANYOENG BAK GATA TOULAN

PADUM BOEH JALAN  GATA SEUMAPA

NYANG TA SAPA SOE  TASAPA KEUSOE

CUBA HAREUTOE  PO NYAK LEE GATA

PADUM BISMILLAH TABA SAJAN

PADUM PEUREUMAN DILEE TAMULA

MEUTAN DALI NGOEN PEUREUMAN

LOEN PATEH HAN GATA SEUMAPA

BAK RANGKILEH KAYEE SEUMILU

BAK ARA GEUNUE DIMIENG KUALA

JIKALEE LEUPAIH NATIT SIGIITU

MEUAH HAI TEUNGKU HANNA LOEN SAJA

WAHEE ADOE  CUT PO  ADUE BINTANG

LOEN BALAIH SALEUM HAI NYAK KEUGATA

SALEUM GATA HANA ,MEUKEUNOENG

AWAI TATAMOENG DUDUE TASAPA

PAKOEN ADUE CUT TABALEEK LAGEE

PEUMALEE GUREE DIKEU RAKYAT BA

NYANG GOET ADUE CUT TAPIYOEH DILEE

TANYOENG BAK GUREE TEUREUTIB BANJA

WAHEE ADUE CUT PO BUNGONG KEUMBEE

YUE TEUBIET GUREE TAPIYOEH GATA

BUNGOENG JEUMPA KEUMANG JI BUJU

BUNGOENG MEULU KEUMANG MEUBANJA

MANGAT MEURUMPOEK NYANG SABEE MEUTU

TAMSEE DIYU DEUNGOEN DIWA

SUROT ADOE CUT KEUDEEH BEUJARAK

YOEH GOEH JISURAK UEUENG DILUA

KEUSOE  GEUTAKOET KEUSOE GEUMALEE

BANDUM CIT SAMPEE NYAN DOENG DILUA

KAMUE KOEN RIMUENG GATA KEN KAMENG

GATA KOEN MEUNENG KAMUE KOEN KADRA

MEUNYOE GEUTAKOET PAKOEN SIT GEUJAK

HABEEH DISURAK LE UREUENG DILUA

WAHEE TENGKU SYEH YANG DUEK BAK SAGOE

NEUBEUDOEH KEUNOE  U DALAM TIKA

DIMIYUB NA PANYOET TANOEH

DIRUMOEH NA PANYOET TEUMAGA

ANEUK MIET MUDA AKAI GOEH PEUNOEH

HANA DITUOH REUSAM  NGOEN KADA

NYANG PATOET DIKEU BEUDOEH U LIKOET

SALEH TEUMAKOET DIKALOEN TUHA

PAKOEN MOEN TUHA TABOEH BU PALANG

PAKOEN TABOEH KANG BAK ANEUK GUDA

TANDA TEUNGKU SYEH GOEHLOEM GOET USUENG

TA NEUK UJOE MEUH  DEUNGOEN TEUMAGA

TAN NEUCUBA YOEH GOEHLOEM USEUENG

LEUBEH  NGOEN KUREUENG JEUET NEUTUKA

BUET KALANGSOENG HANJEUET SUROET LEE

TAMSEE PADEE BIJEH MEUTUKA

NEUMEUBOEH SIGEUPAI KAROEH SIMEULU

TAMSE IE MADU KAROEH LAM CUKA

WAHEE TEUNGKUSYEH ADUEN PANGULEE

BEK LE MALEE KEUNOE NEUTUKA

KEUSUE NEUTAKOET KEUSOE NEUMALEE

BANDUM CIT SAMPAE NYANG DOENG DILUA

KEUSOE GEUTAKOET KEUSOE GEUMALEE

KAMUE KOEN RIMBE  GATA KOEN KEURA

SALEH TENGKU SYEH NYANG JEUET TEUMAKOET

GEUKALOEN GAROET  TALOE  ROET RAYA

LAGEE KAMENG TAKOET KEU  IE

LAGEE GEULUNTIE TAKOET BOEH NAGA

TULOE BEUNGA KEUNOENG BALOET

 RHOET  MEUSANGKOET UCOENG GEULIMA

CUBA TEUNGKU SYEH TALAGUE LAOT

MEUNYOE HAN MAWOET MEUTEUMEUENG NAMA

EMPEUEN PEULANDOEK BAK RANGKILEH

BAK KEMOE  KABEH JINOE BAK GATA

BLANG PAYA CUT TIMOEH DAREUH

DI LAMPOEH SOEH TIMOEH DRANG JAWA

UBIT YANG KA  RAYA YANG GOEH

SABOEH – SABOEH POLEM BILEUNG SA

PUNCAK SEULAWAH REUMANG LHEE SAGOE

SINYAK PEUGANDOE  NYAN TULO BEUNGA

BEUDE BAK BAHOE  PEUDEUENG BAK JAROE

BEUKOENG HAI ADOE TAJAGA KUTA

BAK  ATEUNG TINGOEH SINYAK SEUMEUSEK

BAK BINEH PAREK TIMOEH DRANG JAWA

NIBAK  MALAM NYOE PRANG KA TAPEUEK

YANG TAREK TAREK TEUBIET U LUA

LEUSOEH  LEUSOEH REUBOENG TRIENG BULOEH

YANG LEUBEH LEUSOEH REUBOENG TRIENG BEUNGGA

WAHE   E  NYAK SYEH TA ANGGOEK BAK ROEH

LOEN SALAH SALOEH  RAGAM NGOEN BANJA

JEUMPA PUTEH DI PEUKAN PIDIE

KAPAI LHEE SULIE NANGGROE EROPA

LOEN PABAN BAH  LANGKAH KA  U  IE

HANJEUET LOEN PEUSIE BUET MALE THAT MATA

KUALA TANJOENG AROEN MAURITI

DI SIGLI NA RUMOEH BEULANDA

BAK MALAM NYOE MENYOE HAN MEUKRI

BEUSOE BEURANI ULOEN WEIT DUA

TA  EK U GLE TAKOEH MANEK RO

TARAH KEUJALOE JAMPANG TABUNGKA

MANYAK LOEN KOEN HANTOEM NA TALOE

SALEH TEUKABOE NGOEN TROEK NGOEN GATA

DI ACEH NA ALAM PEUDEUENG

CAP SIKUREUENG LAM JAROE RAJA

TEUNGKU SYEH ULOEN UREUENG GEUBILEUENG

HANA SOE SINTEUENG UBEE NYANG KAKA

TA  EEK U GLEE TAJAK KOEH  IGEUEH

TAPILEH YANG KREUH TACU KEUSUDA

TEUNGKU SYEH ULOEN BEUHOE NGOEN CEUBEUH

SIKULA KALEUH   SIDEH DI JAWA

TA  EK U GLEE TAKOEH MANEK RO

PULA KEUTAWOE RANUB NGOEN LADA

BEK TAMEUWAYANG SANE KROENG BARO

U LAOT IJO TROEH DIGEULAWA

TUKOH TRIENG TAPAGEUE LAOO

TAKOH SIATOT TANAGEUE KUTA

NATREUK DUM DARA TAMEU PEUTAKO

YANG SIHAH JANGGOT JIGROB U LUA

ULEUE BEUDAREK MUDEEK TALOE KRUENG

BEUNEUENG DI RUKOENG PEUNUTA   DUA

NGOEN GAJAH BEK TAMEU PLUENG – PLUENG

NGOEN RIMUENG BEK TAMEUSEUNDA

TA EK U GLEE TAJAK KOEH  KAYEE

PANYANG KOEH LHEE  PANEUK KOEH DUA

MEU NYAN ULOEN KHEUN PEU JEUET KEU MALE

LOEN  KHEUN KEU RIMME PEUBEUNGEH GATA

WAHE E NYAK SYEH ULOEN KA LANGSOENG

ULOEN KA TEUDOENG DI GAKI KUTA

DI ULOEN HANTOEM DIGATA KAYEM

WAHE  E  DALEM LOEN ACOEK CUBA

PEURAHOE PUKAT DITEUBEIT BEUNGOEH

KA KAMEH KAMOEH DITAMPOE DAYOENG

AKAI TEUNGKU SYEH ABEH LOEN TU OH

DAK MISEU RUMOEH  HANA LE TAMPOENG

PEULAYUE KAPAI LAOT  MADINAH

ANGEN MEUTAMAH  UJEUEN  DITIMPA

WAHE  E NYAK SYEH BEUTAYEUK MEUAH

GATA LOEN PINAH  U LUA TIKA

BAK ASAN TIMOEH DILEUEN PEUKAN

TAKOEH SIKHAN TARAH KEUPEUTOE

HANA LAWAN TAMITA LAWAN

NGOEN NA LAWAN TADUEK LAM SAGOE

HOKA TEUNGKU UREUENG PO SAGUOE

NEUTAMOENG KEUNOE JAK MAT NEURACA

NEURACA NEUMAT BEK MIYUB MANYANG

BEUGOET TIMANG NGOEN ADE BEURATA

KEUTAPANG RUHE  RUNGKHE TEUMUBANG

DITEUNGOEH PADANG MEUTAROEH TAYA

TALOE NGOEN MEUNANG KALHEUH GOEB PANDANG

DIKEUE HADAPAN RAKYAT MEULAKSA

ANEUK GEUTUE THO GADOENG PUETOEH BAK

BEURANGHOE  DIJAK HAN DIBOEH KADA

TATOEP NGOEN RINCOENG MATA HAN MEUKLAP

ANEUK MANOEK GOET MEULOET DIBANDA

PINGAN ALUIH MANGKOENG KACUMEH

SUROET U BINEH LOEN GULOENG TIKA

TIKA LOEN GULOENG BEK ROEH MEUSEUPET

MEUNYAN LEUPEUE  GOET BEUDOEH JAK GISA

TAKOEH BAK CU  KEUSAROENG RINCOENG

TAKOEH GEUREUNDOENG PEUGOET GEULAWA

NGOEN SOE TAWOE NYAK SYEH U GAMPOENG

PEUGAH TALOE LOEN KAMEUNANG GATA

ADAK GEUTANYOENG LEE UREUENG NANGGROE

PEUGAH MEUNANG DROE PO NYAK DIGATA

ADAK GEUSIDEK LE  ULE  BALANG

PEULEUMAH MEUNANG PO  NYAK DI GATA

TAKOEH GEURUNDOENG TAPULA  LAWAH

MEUBEK TACAH  CAH  ANEUK DRANG JAWA

MEUNYOE HANA BUET MEUNA MEUBABAH

SUPYA  CEUDAH GEUKHEUN  KEU GATA

BINTANG DI LANGET MEUTABU  TABU

MANYAM DICOENG U MEUCULA  CULA

TEUNGKU SYEH GATA HANA LE  LAKU

RAPAI  I KARU  BUNOE YOEH SINJA

BULEUEN LIMOENG BLAH GOET THAT TIMANG

CAYA MEUPRANG PRANG BULEUEN KA TUHA

MEUHANJEUT TAPEH LAGEE SU CANANG

PANE  EK TIMANG KAMOE NGOEN GATA

ULOEN PEU INGAT BAK GATA ADOE

BEK TATEIK DUROE BAK JALAN RAYA

HAN KEUNOENG TAJAK KEUNOENG BAK  TAWOE

PEUNYAKET  TABLOE  UTANG TAPEUNA

TA EK U GLEE  TAKOEH BEURIGAT

BEUKOENG TAMUMAT  BAK CABEUNG DUA

UNTUK SINYAK NYOE HANPEU PENINGAT

SAKET NGOEN MANGAT KABEH DIRASA

TAJAK U PASI TALABOEH PUKAT

U LON BAK LAMAT GATA BAK KAJA

DILOEN HAI ADOE ULOEN PEUINGAT

SAKET NGOEN MANGAT NA DROE TEUH RASA

RUMOEH RAYA  GEURANTEE ALEU

GEU IKAT PAGEU NGOEN JOEK PEUNUTA

TEUNGKU SYEH ULOEN BEUNA TATEUPEU

MASEN NGOEN TABEU KABEH DIRASA

GUNOENG MANYANG KAREUENG MEUHAYAK

ANEUK PUYOEH  JAK DILINGKA – LINGKA

SIKIN YANG TAJAM GEUYUE TEUMEUTAK

BABAH YANG RANCAK GEUYUE MEUDAKWA

DI BLANG SIKUCI  GEUTAJOEK  BAWANG

SEUNEUBOEK KEUMAHANG GEUPULA LADA

RUMOEH NYANG BAROE HANTOEM GEUTUMPANG

NARIT NYANG REUBANG HANTOEM GEUDAKWA

DI KEUDE LAMNYOENG GEUTOEP SEULAYANG

TALOE MEREUNTANG U KUDE PATA

DIEK MEULINGIEK DI TREUN MEULINGANG

SYEH HUSEN LANCANG BEK TAMEUSEUNDA

BUNGOENG JEUMPA SITANGKHE LHE

SABOEH YANG KEUME DUA YANG MALA

TACOEK BAK REUTOEH TABOEH BAK RIBE

HANTOEM LON TEUME  RANCAK DUM GATA

SIDUM NAN UTOEH PAKRI TAJEUET  JAK

SIDUM NA  RANCAK  PAKRI TAJEUET BA

PULOET KAMOE BOH TA NGIENG NGIENG MANTOENG

PAKRI TAJEUT DOENG PO SYEH DI GATA

DI GLE SIKURAH  KAREUENG MEU APET

EUMPUENG SIGEUNDET COENG KAYEE RAYA

IE HANTOEM THOE  MINYEUK U  UDEP

NARIT YANG SAKET  GATA KEU LUA

BUKOEN SAYANG BUNGOENG RIWAT

ABEH ULAT KAP  KALAYE  RATA

GATA NGOEN ULON BEUJEUT KEU SAHBAT

JAK WOE LON INTAT  U RUNOH TANGGA

DALAM CINTRA  MEUREUBOEH MANOE

BAK BEURAMOE DI DALAM PAYA

JIKALE LEUPAH NARIT ULOEN NYOE

MEUAH HAI ADOE HANA LOEN SAJA

ALAIKOEM SALAM WAHEE ADOE CUT

IE PASEUNG SUROET  DEUNGOE LOEN RIKA

MASA DITEUBIT DITEUNGOEH LAOT

NGOEN WATE DI SUROET U PUSAT DONYA

BAK KAMOE PIH NA NYOE MASAALAH

TACUBA PEUGLAEH POSYEH LEE GATA

MEUHANJEUT TAPEUGLAH NYOE MASALAH

JAKWOE BEUBAGAH BEK KEUNOENG NUGA

NASIDROE UREUENG TALEUK PEUREMOEH

GEUTALEUK SABOEH SEU OT BAN DUA

TALEUK YANG TUHA YANG MUDA SEU OT

SUPO  NIKAH RHOET  PO SYEH DI GATA

LAM KITAB NILA NA RUMOEH NIKAH

LAM KITAB TUFAH NA GEUPEUNYATA

TALEUK YANG TUHA MUDA YANG SEU OT

NIKAH AWAI RHOET YANG TOEH BAK GATA

MIRAH – MIRAH SIBUNGOENG MANCANG

UJOENG IJA PLANG  ALAM SIKUNA

LOEM LOEN TANYOENG BAK GATA RAKAN

TANOEH RAMPASAN WAJEB ZAKEUT  NA

TAKOEH IBOEH PEUGOET KEUREUNGKAN

TAKOEH BAK ASAN PEUGOET JEUREUKHA

MEU WAJEB ZAKEUT TANOEH RAMPASAN

WAJEB ISEULAM KAPHEE SIDUM NA

DILANGET NA BINTANG MEUTAMOEN

TALOE BINEH MOEN BATEE MEU ATO

MEUHOEKA TEUNGKU YANG DUEK LAM TAMOEN

BEUDOEH JAK PEUNGOEN  RAKAN KA TALOE

BAK TANOE  PUTEH  DI KUBANG GAJAH

BAK TANOEH MIRAH DI KUBANG RUSA

MUNYOE KA TALOE WAJEB FATIHAH

MEUNAN PEUNEUGAH UREUENG DILUWA

DIGOEP PIH NA TALOE MALOE

HAN GEUBA E LAGEE GATA

NGOENMEUNANG TAKHEM NGON TALO MALEE

JAK MITA GUREE LAEN DI GATA

BUKOEN HIREUN LOEN DEUNGOE  KISAH

PANYANG GOET LEUBAH LOEN  GEUKIRA

DIGOEB PIH NA TALOE MALOE

TAN GEU BA E DIKEU RAKYAT BA

BAK TANOEH THOE TIMOEH BAK BIRAH

BAK TANOEH BASAH TIMOEH BAK CAPA

UREUENG TALOE GEUBEUET FATIHAH

KAHIREUEN LEUPAH UREUENG DI LUA

LOEN PEUGAH TRANG BAK GATA ADOE

BAK MALAM NYOE BUEGOE TAMEUJAGA

MAKSUD HAN TROEK GATA KA MALEE

JAK COT GUREE NYANG SABEE PADRA

BUKAN SAYANG SINYAK SYEH TALOE

DI MOE DI BAE DALAM TIKA

GOEBNYAN  TALOE GEUPEUGAH MEUNANG

TAN GEUTANYOENG BAK UREUENG DILUA

MANOEK PUTEH BULEE JIB SABOEN

JITOEH BOH PHON BAK SANENG PARA

NARIT TADEUNGOE SIRONG MIROENG

KOEN AWAI BAK LON AWAI BAK GATA

TALOE LEUMO HANNA PEUE LOEN CHEIN

TALOE SYEH BEN GEUROE IE MATA

PAKOEN ADUE CUT HANA TA MALEE

AYEB GUREE BAK SAGOE TIKA

WAHEE TEUNGKU SYEH YANG DUEK BAK SAGUE

BEUDOEH JAK PEUWOE MURID KA CIDRA

BEK LEE TA PEUDUEK DI DALAM SEUENG

DISURAK UREUENG YANG DOENG DILUA

KAREUNA SEUMANGAT KA ABEH PATAH

TAMSEE, GAJAH KA KEUNOENG SUDA

TAMSEE, KAMENG LEUMAH RIMUENG

HAN JEUET LEE PLUENG MEUPALEUET PHA

BUNOE YOEH SINJA KA LOEN PEU INGAT

BEK LEUPAIH NARIT KEU KAMOE TUHA

UJUB TEU MEUAH RIA TEU KABOE

SINAN YANG LE UREUENG BINASA

WAHEE DEK NYAK CUT ADUE PANG ULEE

BEK MALEE GUREE BEUDOEH JAK GISA

UROE NYOE TALOE SINGOEH MEUNANG

ADAT MEU TUNANG MEUNAN BIASA

WAHEE DEK NYAK CUT PO ADOE SAMPEE

JAK MITA GUREE LAEN DIGATA

MAT JEUET TAMOENG LAM U GELANGGANG

PEU SABEE TIMANG TADUEK LAM BANJA

LOEM LOEN PEUGAH ADOE MEUTUAH

HANNA LE MUGAH GUREE GATA

BEUTHAT BEURANCAK GAH KA LIPEEH

BEUTHAT BEU AREH NAN KA CUPA

BUKOEN SAYANG LOEN KALOEN JAMBOE

SEBLAIH ON BAROE SIBLAIH ON TUHA

BUKAN SAYANG SINYAK SYEH TALOE

GEU PEUMOE BA E DIKEU RAKYAT BHA

TATOET NALEUENG TUTOENG RANGKILEEH

BOET KA ABEH UROE KA JULA

SALAM ALAIKOM TEUNGKU DISINOE

KAMOE MEUJAK WOE  IZIN BEURAYA

GEULITAN APUI ULEE JIH BEUSOE

DIJAK JIWOE KUTA RAJA

ALAIKOEM SLAM MUDA SAMLAKOE

TUWOE LOEM BUNOE LOEN  BRI SEUNAPA

NALEUENG GEUNUE SEUNGAM BANGOE

NALEUENG LAKOE REUBOENG MEUCULA

ULOEN DUEK  AWAI TASAPA DUDOE

PANE KEUH NAGGROE REUSAM DIGATA

BISMILLAH LOEN TAMONG LAM SEUENG

SIUROE BULUEN LOEN COEK KUTIKA

SI UROE BULEUEN SAMPEE LHEE PLOEH

SALEH HAN LEE ROEH LOEN COEK KUTIKA

TAPEULOET MANOEK DIYUB JAMBO NYOE

BIRENG BAK KAMOE JALAK BAK GATA

MEUTUAH BIRENG DITOEP MEUPACAK

MEUTUAH JALAK JITOEB LAM MATA

BUKAN SAYANG SINYAK SYEH TALOE

DIMOE BA E DALAM TIKA

GOEB NYAN TALOE GEUSANGKA MEUNANG

TAN GEUTANYOENG BAK UREUENG DI LUA

MASIN SIRA KEUEUENG BAN CAMPLI

NEKMAT TUHAN BRI KAYEM TARASA

BAK KAMOE MAMEH BAK GATA MASAM

BAK LOEN MEULISAN BAK GATA CUKA

DIPULOE  WEH NA CICEM SARANG

DIMEU EUMPUNG  LAM GUHA BATEE

ADAK TALOE LOEN PAKRI LOEN PABAN

KAROEH LOEN LAWAN PEUSEUNANG DILE

DIPOET ANGEN DI DALAM LAOT

KAPAI JIBAPOET SAOH JIH BUNGKA

SAOH LHEE GUKEE MALAMNYOE TEULOT

BUET ANGEN RIBOET DI TIMU TEUKA

MANYANG – MANYANG BAJU DIBEUAH

PUCOEK JIH PATAH ANGEN TIMPA

KYE NYANG MANYANG MALAM NYOE REUBAH

SINYAK SYEH MEUGAH MALAM NYOE TALO

AMIN – AMIN  AMIN FATIHAH

MALAM NYOE SAH TALOE GATA

BEUTHAT  BEUTALOE GATA BEK MALEE

PEUGAH BAK GUREE MAK GEUJATUENG BILA

PUPOEK LUMO DICOET SIGO  GO

LEUMOE PIH TALOE UJEUEN PIH TEUKA

TALOE LEUMOE HANA THAT LOEN CHIN

TALOE SYEH USEN LOEN ROE  IE MATA

PUPOK LUMO DI TANOH ANOE

SINYAK MAT TALOE DIGROB – GROB LINGKA

TALO LEUMO SINYAK PIH DIWOE

DIKUWEUENG TALOE DIRO IE MATA

MANOEK PUTEH BULEE JIH SABOEN

JITOEH BOH PHOEN BAK SANENG PARA

NARIT TADEUNGO MEUSIROENG MIROENG

KOEN AWAI BAK LOEN AWAI BAK GATA

KAYA MEUH HAN MEUSAMPEE

KAYA PADEE ME SAMPEUNA

KAYA NAN HAN MEU SAMPEE

KAYA PI E NYANG SAMPEUNA

DI ACEH NA ALAM PEUDEUENG

CAP SIKUREUENG LAM JAROE RAJA

MENYOE NA LEUPAIH KEUDEEH U ACEH

PEU YANG LEBEIH ANGKATAN RAJA

ANGKATAN RAJA HAN EK TAPIKE

GEU ATOE BEDEE BAN SISEUN LINGKA

DI DALAM KUTA BEUDE MEUTATAH

DI LAM PANAH LILA TEUMAGA

MEUNA TATAMOENG TROEK U DALAM

BALE MEURAKAM PADUM SEUN BANJA

GADOEH AKAI HANA MEUPHOEM

POE TEU MEUREUHOEM YANG PO KEURIJA

BINEH KRUENG DAROY PEUGOET GUNONGAN

PINTO KHOEB TEUMAN SANTEUET THAT BANJA

DALAM GUNUNGAN MEUTATAK – TATAK

TEUMPAT PEIEH BEUDAK TEMPAT MEU UPA

BAK SINTEUE OK BATE PEULINGGAM

BAK SADEU BADAN BATEE MEUTURAB

DALAM GUNUNGAN SALEN PAKAIAN

KRUENG DAROY  TEUMPAT MANOE MEU UUPA

NANGGROE ACEH REUBANG LHEE SAGOE

MASENG KEUDROE NA PANGLIMA

DUA PLOEH NAM NA TEUKU TEU OH

TEUNGOEH LHEE PLOEH SETIA ULAMA

DUA PLOEH DUA PANGLIMA POLEM

YANG PEU EEK PEUTREUEN PO TEU RAJA

UJUNG SI DAHOEB SINGKEE KEULUANG

UJUNG SENDAYANG SINGET U DAYA

DI LHOEK SUDU KAREUENG MEUDULANG

RANTOE SI ALANG JARAK LAGOE NA

KUALA WOYLA MEUSAHOE BIDOEK BROEK

PEURAH MEU ANTOK SITHOEN  THOEN DUA

ACEH NGOEN PIDIE KA  ABEH MABOEK

DOEK TEUSEUPOEK LAM KEUDE IJA

UREUENG BLANG ANOE THAT MEULAGEE

GUJAK WE NG TEUBEE JUEB JEUB  BANDA

DI UREUENG ARE THAT JROEH LAKU

BUKA KEUDE BU JEUB JEUB  BANDA

DI PIDIE NA TEUKU PAKEH

YANG GEU SAREH LE PO TEU RAYA

NANGGROE PIDIE RAME THAT ASOE

MASENG KEU DROE ULEBALANG NA

MUKIM LIMOENG TEUKU CUMBOEK

NANGGROE MEUPAKHOEK NGOEN BEN KEUMALA

MUKIM SEKUREUENG TEUKU KEUMANGAN

MUKIM LAPAN SAMINDAR

ROET BAROEH TIDIEK ROET TUNOENG KEUMANG

SAMAT TEUNGOEH NYAN BABAH KUALA

ARA MAMEH NGOEN JEURAT MANYANG

ATEUNG PIH SEUNANG LANJA UPATA

GAMPOENG BEUREU EEH SICUENE ADAN

NANGGROE KEUMIAN MEUCOK – COK IJA

DI IE LEUBEUE TEUKU BEN SUBANG

DI GAMPOENG ASAN MALI CUT RAJA

DI RIWAT NA PANGLMA MEUGOE

DIPULOE PANJOE NA KEUJROEN MUDA

DI NAGGROE NJONG MERIAM TURKI

DI TRUENG CAPLI LILA TEUMAGA

ROET TIMU NJONG NA RUMOH SAWANG

TAMEH JIH MEUDANG BUBOENG JIH BATA

 DI GAKI RINYEUEN BATEE MEU ATOE

BAK BABAH PINTOE CEUREUMEN MUKA

DI RUMOEH INOENG KASAB MEUHAMBOE

KALHEUH MEU ATOE SIAP SEUDIA

ROET BARAT NYAN BEURANDANG PADEE

GEU ATOE BEUDEE BAN SESEUN LINGKA

ROET BAROEH NYAN BALEE GEUDUEK – DUEK

GEUTOET NGUE BRUEK BICAH SUASA

BAK BABAH ROET TEUDOENG BUPALEIH

TAMEH LEUBEH BUBOENG JIH BATA

DIKUTA RENTANG TIMOEH GEULEUNGKU

DILUENG PUTU TIMOH DRANG JAWA

ADAK NA GASEH TEUKU DIPUTU

GEUPULANG BOEH RU NYANG GEUCOEK DI MUSA

GEUPEU EEK SALEUEM BAK TEUKU DIKRUENG

HAN GEUBRI TUENG BOEH RU PEUET PUNCA

MEUNA TATUPEUE HABA PRANG PUTU

SABAB BOEHRU NYANG GEUCOEK DI MUSA

GEUPRANG BEUNGOEH GEUTOENG TAMEE

GEUPRANG LEUHO GEUTOEENG KUTA

MALAM GEUPRANG UROE GEUJANGAK

GEUCOK CUT MANYAK DI DALAM KUTA

MUDA PUTU ATEE TAN SEUNANG

GEUJAK TOOT ADAN GEUNIET KEUBILA

DI PANTEE RAJA RUMOEH LHEE LAPEH

GEULABOE BINTEEH NGOEN GAPU BEULANDA

BAK BABAH ROET GEU CULEK SEPOET

TIONG MEULOT NGON CICEM PALA

DI PAUDOEK GEUTHEUN JARENG

GEUJANDRING U SAMALANGA

DIPEUDUEK KEUNOENG PEUNOEK

DI HOK – HOK U PANTE RAJA

PEUE SAWEUEB PRANG NAGGROE PASI

SABAB CUT BENTI GEUPEUNA BAHAYA

TEUKU MAIN ULEE ILI

DIBINEH PASI DIMIENG KUALA

TEUKU MAIN UREUENG MEUTUAH

BAK URAM LIDAH ITAM SUKLA

UMU LHEE UROE TEUKA IE PASEUENG

MAYET TEUGAGEUENG LAM TUNJANG BANGKA

TEUKU LAKMANA UREUENG MEU UNTOENG

GEUPULA JAGONG LAM TUNJANG BANGKA

MEU BEK TAGUNDAH BLANG ABEH RHOEH

BARO JIMEU BOEH LAWANG NGOEN PALA

DI LOENG TEUGA NA CUT PO KUJEUEK

JAK MEU ASEK TALOE LOEENG KUTA

TEUPIN RAYA REUMANG LHEE SAGOE

DALAM BAN PEUTOE LUA DUM KUTA

ADAK KOEN GEUTAKOET TEUKU CUT GANTOE

GEUNAB UROE DITUKA  IJA

PEUNYEUROENG LHEE NGON DAYAH TANOEH

SAMA TEUNGOEH NA RUMOEH DAPHA

ROET TIMU NYAN TIMOEH BEURINGEN

TEUMPAT MEUNEU EN ANEUK MIET MUDA

DI GEUCHIK RAMAN GEU PADAN – PADAN

SINYAK PEUKAN YANG PEUNGAH HABA

U TUNOENG NYAN NA PULO LABU

MEUSEUMOENG IKU NGOEN TEUPIN RAYA

TEUPIN RAYA NGOEN LUENG PUTU

MEUSEUMOENG IKU SAMPOE U MUSA

TEUPIN RAYA BANDA DIYUEB TRIENG

ALUE NGOEN LANGIEN BANDA LAM CAPA

GAMPOENG LAM NGIENG TALOE BINEH GLEE

MEUTHEE KUBLE TANGOE U MUSA

GAMPOENG MUSA TIMOEH TROENG PANCOENG

NANGGROE MEUSEUMOENG NGOEN UTEUEN BANGKA

MEUNABSU KAYA TADOENG U LANGIENG

 MEUNAN GASIEN TADOENG U MUSA

TANEU CEUMATOEK TADOENG U PARU

TAMEUNG  SEUMIBU U LAMPOH PALA

DI LAMPOEH PALA MEUSOE BRI GAJI

PEUSAPAT CATI HAJI LAM ARA

TAMOENG U LAMPOEH  MATA BEULISEK

BEK RHOET LAM PARIT NGOEB OH DADA

LINGKA LAMPOEH GEUPULA GEURUNDOENG

TRIENG MEUPAYUNG BAN SISEUN LINGKA

ROET TIMU LAMPOEH GEULUMPANG SIBAK

ROE T UREUENG JAK U LANCANG SIRA

GAMPOENG MUSA SITALOE NGOEN PARU

MEUTEUMUNG IKU NGON PANTEE RAJA

GAMPOENG PUERADO EURUT TABOET

MEU SEUMOENG TOEENG KLOET GOEN ULEE PANGWA

PEUDUEK NGON PANGWA NA TATU PAT

KEUDROEN PEURAMBAT NYANG PO MULA

MASA DIPRANG LEE MEUREUDU

GEU TULOENG LEE TEUKU PO LAKMANA

TEUKU LAKMANA UREUENG YAKIN

TEUSEULEM MUKIM DUA PLOEH DUA

MEU PAJOEH RAMBOET PUL PISANG KLAT

MEU PAJOEH LANGSAT PANTE GEULIMA

MEU PAJOEH U  DOENG DI  JIEM – JIEM

MEUPAJOEH BOEH DRIEN U SAMALANGA

DI PEUDOEK NA SUTRA TEURHIENG

DI TRIENG GADENG NA SUTRA KEUMBA

TAWOE BAK CULOET PINTOE MEU GANCEING

TAWOE BAK CUR LEM  PINTOE TEU BUKA

LHEE MUKIM  IBOEH NANGGROE MEU SUGANG

BENTARA BLANG YANG PO AREUTA

MUKIM  IBOIH NGON GAMPOENG MANGKI

NANGGROE GEUBRI KEU RATNA WANGSA

LHEE MUKIM  IBOIH PRANG CIT KAYEM

KEU DEH TEUSEULIM DUA PLOH DUA

MUKIM IBOIH MEULINTEUENG KEMUMANGAN

SABEE MEUSUGANG NGON BENTARA

NANGGROE TITEUE NGOEN TROENG PEUDEUENG

SABEE MEUSUNENG NGON KEUMALA

DICOET MUROENG ASAN MEURANJOE

NANGGROE TIRO SABOEH PEUTUA

TA MEUBUET  WOE U PANTEE KULU

TA MEUBEUET BUHU DAYAH MUNARA’

TEUNGKU DI BUKEET SEUNAHEET DI MEUKO

TEUNGKU DIRABO PEUSAHOE PUNCA

U TIMU NYAN KEUJROEN TURUSEB

NANGGROE MEUSEUDEB BAK BINEH RIMBA

NANGROE CUMBOEK NGOEN TEUREUBUE

NANGGROE GEUBAHUE  LE  ARIA

TEUKU CUMBOEK THAT PAHLAWAN

SABEE GEUMUPRANG NGOEN SAMA INDRA

DI MEUTARUEM BEUNEUNG TENGEUBEUE

GAMPOENG AN DINUE  NA ULAT SUTRA

YOH MANTONG TEUGA CUT PO DI ANDEUE

MEU SADEUE – SADEUE GEURAWEE SUTRA

RANUB KUNENG ON DE TEUPIN JANTHOE

PENEUENG KLAT ASOE DIPASI LAMNGA

UTEUEN CIDONGOEN GAMPOENG RINTI

KEUDEIH MEURITI GERMUROEH LANJA

GAMPOENG GEURUROEH NGON GAMPOENG COET

KEUDEH MEUSIJOT U ARON LANJA

GLUMPANG MINYEUK DEUNGOEN ARON

KEUDEH GEUTROEN BAK LAKMANA

MUKIM LAPAN NANGGROE GEUTUNGKEH

BENTARA PO PUTEH YANG PO UTAMA

TALOE BAK LUMO  ATRA GEUH ABEEH

TEUMA PO PUTEH PEUGALA BAWA

BAWA DISAMA CAP PIH  ABEEH

TEUMA PO PUTEH HAN GEUTOENG LE RAJA

SAMA INDRA GEUBOEH NAN DUDOE

PU PUTIH RUGOE HAN NA LEE BAWA

DUK TEUSEUPOEK  GEUKAP KAP JAROE

SEBAB NANGGROE KAGUB SAMA

MUKIM SIKUREUENG ULEE BALANG NAM

BENTARA KEUMANGAN NYANG KEUPALA

BENTARA KEUMANGAN PANGULEE PEUNAROE

GEUNASEH PUTROE DI GAMPOENG JAWA

MUKIM SEKUREUENG SEBAB JEUET PRANG

BOET MAM LOTAN PEUDONG DAWA

DIILI RAKYAT MUKIM SIKUREUENG

SABAN NGOEN MALEUENG UJEUEN KEUNOENG SA

WAHEE ANGEN SI RAJA ANGEN

ANGEN DIMA’EN DI DALAM PASA

LA YEU KALON BOEH IJA MARIKEN

BEUDOH JAK MEUEN PO BARAT DAYA

UJUNG SERABUB SINGET KEULUANG

UJUNG SEUDAYANG SINGET U DAYA

KEUMUDOE LOEN JAKHOE LA JEUE KATIMANG

TATROEN BERIJANG PO BARAT DAYA

ANEUEH PANJOE KAYEE MEUPUCOEK

UJOENG SEURUSOEK MEUGAMPOEH DUA

RANUB LAM KARANG BUNGOENG LAM SAROEK

JULA LAGOE TROK PO BARAT DAYA

PASI PEUREULAK UJOENG PEUREULING

JIDOENG MEUJANDREING KUALA LANGSA

PEUE HAN TAPOT BEU MEUSELIDING

MANGAT LOEN SARING MARIKEN GASA

LAYUEU KABROEK TIANG BUBOEK KAP

KAMOE KATREB THAT LAM LAOT RAYA

LADUM U TIMU LADUM  U BARAT

TATROEN BEULEGAT PO BARAT DAYA

SITUEK TEU PLUK SELUDANG LALU

PUKAT BILEUE’H BU PASI PEUDAWA

BEK LEE TAEH LAM KELEUMBU

BEUDOEH BEURADU UROE KA JULA

KUALA UJOENG KEUNOENG BILEH BU

KUALA MEUREUDU KEUNOENG JEUNARA

UROE KUJULA LEUPAH WATEE  BU

TA TROEN E BUNGSU PO BARAT DAYA

JAROEM ALOEH  PEUNEUGOET JEUPANG

JAROEM  ALANG PEUNEUGOET CINA

MEUNA TAGASEH DEUNGOEN TA SAYANG

TATROEN BEURIJANG PO BARAT DAYA

WAHEE ANGEN TIMU JATOE

BEUDOEH HEE PUTROE UROE KA JULA

LAJEUE KA TEUHAH SAOH KAMEUBOET

BEUDOEH JAK INTAT KAMOE U DARAT

WAHEE ANGEN TIMU LAOT

UROE KA SEUPOT BEK LEE MEU SEUNDA

PEU LEUPAIH KAMOE BEK LEE MEUSANGKOET

PEUWOE U DARAT BAK MEUSEUNINYA

WAHEE ANGEN TIMU PADANG

PEURAHOE KATIMANG LAYEUE TEUBUKA

SAOH KA TEUBOT KEUMUDOE KATEUPAT

KAMOE TA INTAT U DARAT LANJA

DIPASI TIBANG NA SIBAK ARON

LEUMAH UJONG ON U PASI LAMNGA

LOEN JAK ROET SILANG LOEN WOE ROET GULOENG

LOEN JAK MEU AYON SIBLEET BAK GATA

ALAIKOM SALAM HAI CUT PO PAYOENG

ATEUEH ULEE LOEN SUARA GATA

DICUT PO NEU EK  DILON KUTROEN

MEU TALEEH PANTOEN GEUTANYOE ADOE  A

DIPASI LAMNGA SIBAK KEUTAPANG

CABEUENG MEUJULANG U LAOT RAYA

LOEN JAK ROET LIMPOEK LON WOE ROET SILANG

JAK MITA RAKAN KEUNOE NGOEN GATA

BUNGOENG MEULU PUTEH MEUPRE  PREE

BUNGOENG TEUBEE MEUCULA – CULA

ADAK JEUET GATA BUNGOENG MANGAT BEE

LOEN LHAT BAK ULEE BEURANGHOE LOEN BA

BUKOEN SAYANG MAMPLAM COT GOEH

ABEH LUROH ANGEN TIMPA

ADAK JEUET SINYAK KEU IJA BUNGKOEH

LOEN SAMPOEH REU OH NGOEN WATE LOEN HAWA

SIDEH  JEULINGKE SIBAK U GADENG

MEU JANDRENG  JANDRENG NGOEN AWAN MEGA

MEUNYOE  JEUET GATA KEU BUNGOENG SUNTEING

LOEN LHAT DI PUNYUENG KEU AYEUM  MATA

DICOENG BAK GACA ULAT MEUAYOEN

DICOENG BAK SUKON LEUK DIKUA

LOEN BOEH  BEUDAK SEUMANOE NGOEN SABOEN

TA  PEULHEUEH APOEN  GEU TANYOE DUA

IJA PAYANG  IJA PEULANGGI

IJA LUNGGI PUPOEK LAM GUGUB

PADUM  NA TREP  ULA  ILI

HANA SOE BRI IE SITEUGOEK

RANUB KUNENG ON DI MERDUATI

PINEUNG WANGI DI PASI LAMNGA

UREUENG GAMPOENG NYOE JROH THAT BUDI

HAN BRI MEUBRI NGOEN UREUENG TEUKA

MANOEK DARA JIDOENG MEURITI

BAK ULE JANGKI DI EK JITROEN

BEU RAYEUK MEUAH KEU KAMOE PASI

ABEEH THOE GUCI IE MON PIH MASIN

RANUB SEULASEH DI PEUKAN PIDIE

BAKOENG MEUPUNTIE DI LAMPOEH SAKA

URAM MEUPUTA UJOENG MEUPUTIE

NARIET MEUPANSIE  AWAI BAK GATA

PINEUENG WANGI MASAK DALAM KARANG

RANUB MEU BATANG KEU ASOE BATEE

TANIET BEUREUTEH LOEN JAMPU PISANG

NARIET MEU AYANG BEK SAKEET ATEE

UREUENG TOEK LILIN BAK EUMPUNG UNOE

ANEUK BEURAGOE DIPHOE MEU POET POET

BEURAYEUK MEUAH BAK CUT POE  SINOE

KAMOE MEUJAK WOE UROE KA SEUPOET

DI BLANG ASAN GAJAH MEUROAN  ROEN

DI BLANG SUKOEN GAJAH MEU GEUNTA

KAMOE BINEH GLEE KEUNOE KA MEUTROEN

LOEN JAK MEU AYOEN PEUSEUNANG MATA

PEURAHOE CUT BUNGKA U SABANG

DI PEUDIENG BAWANG DEUNGOEN SAKA

KAMOE HAI ADEEK UREUENG MEU DAGANG

SALEH HAN TIMANG KUPHOE NGOEN GATA

LEUK DIKUTRU DICOENG BAK SUKOEN

BUNGOENG SITAHOEN KEUMANG MEUBANJA

RANUB LAM BATEE PINEUENG MEULASOEN

NYANG DOENG BAK AYOEN KASABE PADRA

DI LAMGUGOEB SABOEH  KUEK SULET

DI MEU  LEET – LEET NGOEN LEUK BANGGUNA

PEURAB HAI CUT BANG BAK LE MEU LEB LEB

MEUNYOE HAN NEUJEIB NEURAH MEU MUKA

IE DALAM KRUENG MENBUROEN  BUROEN

IE DALAM MOEN MEU BURA  BURA

HATE DALAMPRUET  HAN  EK LOEN TEUGOE N

HAN JEUET LOEN KALOEN SINYAK DOENG DUA

JAK LOEN TAK  TAK  TAJAK KUDANGDI

BUNGOENG LAM TANGKEE SIKARANG DUA

SOE TEMPOET KEU LOEN BUNGOENG KEUDANGDI

UPAH JIH LOEN BRI UBE  NA HAWA

JEUMPA  BIRU DI GAMPOENG TIBANG

BE MEUDRAM  DRAM BAN SISEUN LINGKA

TAJAK ROET TUNGKOEB BEUTROEH U TIBANG

BUNGOENG LAM KARANG GOEH LOM SOE TANDA

LIMOENG  LIMOENG SINYAK COET BUNGOENG

DI SADEUE RENOENG  BAK CABEUENG LANGA

ROET DEH GLUEM BINTANG ROET NOE GLUM BUNGOENG

NYANG TOEH MEUKEUNOENG KAMOE NA DUA

MIRAH  MIRAH BUNGOENG JAMBE

LUROEH MEUKEUBEE ANGEN PEUDODA

NAFSU LOEN NA  HAN LOEN JEUET LAKEE

LOEN TAKOE T MALE RHOET SUARA

SINYAK PAJOE H BU NGOEN GULE BOEH PIK

PEUNYUENG MEUTIEK – TIEK SUBANG MEUMATA

SABOEH LOEN TATANG SABOEH LOEN TIJIK

LOEN COEK BEK MEULIK GATA BANDUA

SUTRA PUTEH GEUCOEB KEUPIAH

SUTRA MIRAH GEUPEUKROENG IJA

BAK LOEN HAI ABNG HANA MEUBANTAH

KEUDEEH BAK AYAH NEUPEUTROEH HABA

MANOEK PUTEH BULEE JIH SABOEN

JITOEH BOEH PHOEN BAK SADENG PARA

KAMOE HAI ABANG BUNGOENG LAM KEUBOEN

MEUCOET NGOEN REUNOENG BEK NEUGEULAWA

PISANG SEREE RAJA SITALI

PISANG KEUDIDI MASAK DALAM  ON

SIDROE DI GLE SIDROE DI PASI

NYOE PAT MEUTURI BAK TALOE AYOEN

PEURAHO RAYA BUNGKA U BUMBAI

PEUDIENG ASOE PINEUENG NGOEN LADA

BARO LOEN TEUPEU BUNGOENG TAPUBLOE

JADEH HAI ADOE  LOEN INTAT TANDA

PEURAHOE RAYA BUNGKA U SIGLI

DI BA CAPLI DI PUWOE SIRA

ROEH THAT LANGKAH CUT BANG NEU  ILI

BUNGOENG MELATI NEUPOET BEK MALA

DICOENG ARA EUMPUENG MEUREUBOEK

ATEUH CABEUENG JOEK EUMPUENG CEMPAALA

BAN DUA BLAH KA SAPEUE ANGGOEK

SALEH PAJAN TROEK  BAN HAJAT PINTA

LOEN JAK ROET LAMNYOENG LOEN WOE ROT RUMPET

ANEUK  SIGEUNDET DILINGKA CINTRA

MEUNA UMU BEK SAKET MAKET

BULEUEN MEUAPET TROEH LOEM LOEN GISA

RANUB KUNENG ON DITEUPIN BA  ET

PINEUENG MEUKULET DI PEUKAN BADA

PEUHAH KEU IJA  NGAT LOEN TIEK RINGGET

TAPLOEH KEULANDET NGAT  LOEN BOEH RUPIAH

PEURAHOE RAYA  TEUKA DI CALANG

SARAT PEUNEUDIENG NILAM NGOEN PALA

CUT BANG NEUGISA BEK TREIP NEURIWANG

BUNGOENG LAM KARANG BEK NEUBRI MALA

MANGAT MANGAT MAMPLAM DI BEU AH

LOEN SIE SI ULAH LOEN KEUMEUNG RASA

JANJI KA ABEH SUMPAH KA LEUPAIH

MEUSOE NYANG UBAH MEULUNGKOEB DONYA

BEU THAT ANEUK RAJA DI ROEM

BEURTHAT KAUM KUREH BANGSA

MEUNYOE TAN PENG DALAM JAROE

SEUPOET LAM NANGGROE PEUNGEUH LAM RIMBA

SALAM ALAIKOM TEUNGKU DISINOE

NYOE LEUPEU KAMOE KA TROEH MEUTEUKA

MUGREIB LOEN SIDEH INSYA LOEN KEUNOE

MEUJAK MEURUNOE KEUNOE BAK GATA

ALAIKOM SALAM JAMEE BARO TROEH

NEUDUEK NEUPIYOEH BEU SANTEUET BANJA

NEUJAK U MOEN NEURAH NGOEN GAKI

KEUDEEH NEU TITI  U DALAM TIKA

SALAM’ALAIKOM HEE ASOE NANGGROE

NYOE LEUPEUE KAMOE PEUNEUSAN GATA

HANJEUET LOEN ILAH  LANGKAH KA U IE

HAN ROEH LEE PEUSIE  MEULUNGKOEP DONYA

ALAIKOM SALAM POLEM CUT ABANG

JANJI NEUH RIJANG JULA NEUTEUKA

MEU BROEK NGOEN TEUBE LAYEE NGOEN PISANG

LOEN PREH CUT ABANG  JULA NEUTEUKA

SALAM ‘ALAIKOEM TEUENGKU BOEH ATEE

MEU`AH NEUBRILE  KEU KAMOE DUMNA

RANUB UTUEN PINEUENG BOEH AWEE

KAMOE BINEH GLE MEUKUE BAK  IJA

ALAIKOEM SALAM JAME MEUTUAH

BEK NEUPLOEH BUNGKOEH TAREIK CEURANA

RANUEB KAMOE BRI HANA MEUSUSOE N

GAPU  ATEUH  ON KEURANDAM  HANA

SALAM ALAIKOEM HAI NYAK PUTEH DI

RANUB SINYAK BRI KALHEUH MEURASA

MEULIA JAMEE RANUB LAM PUAN

MULIA RAKAN MAMEH SUARA

ALAIKOEM SALAM WAHEE E SAMPEE

BUPALEH BATEE MUKIM TUENG GATA

PEUDUEK CEURANA TANIT RAPA – I

BEUDOEH MEUNARI KALIFAH NYANG NEUBA

ASSAWILAH ABDUL KADEE

GEUDOEH LAM GLEE SINAN GEUTAPA

SITHOEN SIBLEET LEUMAH BU PAMIJI

MUDAH RESKI KEU URENG DUMNA

BISMILLAH LOEN TAMOENG LAM SEUENG

SIUROE BULEUEN LOEN COEK KUTIKA

RAPA  I BEK ROEH BEUSOE MEUKUWEING

BEUREUKAT DOA SIBALUM MEU JRA

WAHEE BEUSOE SEGALA BEUSOE

BEUSOE SEUREULO BASOE MANILA

BEK LUKA KULET BEK KEUNOENG ASOE

BEUREUKAT GUREE BADUM  UALIA

WAHE BEUSOE SEUMALOE EK GUDA

NGOEN KEU ENGKHOE MELIPAT DUA

BEK LUKA  KULET BEK KEUNOENG ASOE

BEUREUKAT DOA SIBALUM MEU JRA

PEH RAPA  I BEK PIYOEH – PIYOEH

LOEN TOEB DABOEH MEUCULA  CULA

BALOEH BAK KACANG KULET RIMEE

BEK KABRI MALE LOEN JAK KEUREUJA

IJA SUTRA GEUBLOE NGON MEUH

BEUNEUNG ANEUH GEUBLOE NGON PADEE

TAJAK BEUTROEK TANGIENG BEUDEH

BEK RUGOE MEUH SAKET NGOEN HATE

SALO HAI  LE SALO HAILEE

SABOEH MOEN DUA BACE

ROET TIMU NA KRUEB NGOEN SEUPAT

ROET BARAT MEUSAPAT BACE

TAJAK U BLANG TAJAK KOEH BAROEM

PILEEH YANG SEUNGKOEM LAYA KEU TIKA

MEUNGKA JEUT TABRI JEUET KEUH LOEN SOEM

MANGAT  TABRI LOM SINGOEH NGOEN LUSA

TAEK U GLEE TA KOEH RANGKINOE

PUWOE KEU KAMOE KEU PHA JEUREUKHA

MEUNGKA JEUET TAJAK BAN REUSAM NANGGROE

GEUNAP UROE NEU ROEK TEUBUKA

BEUKAH – BEUKAH BAK PUCOEK LAWAH

UREUENG PASOE KLAH  UJOENG SI GENDA

HAN JEUET KUJAK DIKEE RUMOEH KAH

ASEE KEU JUAH  DIKAP NIBAK PHA

TA EK U GLEE TAJAK KOEH BIRAH

URAM TAPEU EH  BAK UROET RAYA

BEK TAGUNDAH ASEE LOEN JUAH

NGOEN PARANG MEUKLAH TATAK BAK MUKA

PEURAHOE RAYA BUNGKA ASAHAN

PEUDEUENG DURIAN JAMPU SEUMATA

ADAK  TAN JALOE  TA JHOE  NGOEN SAMPAN

HAN LEUMAH BADAN   KEUMOENG  MATA

MIRAH PATI JIDOENG ATEUEH DOE

JI  KEUNAK SAMA LE SIWAH TEUKA

MEUNGGOEH LOEM  CREE ULEE NGOEN TAKUE

KU SEUTOET DUEM PEU JANJI NGOEN GATA

TA  EK U GLE  JAK KOEH SEUMANTOEK

PEUREUBAH PUCOEK BLAH DEEH ALUE

RUPA LOEN GOET  PAKAYAN LOEN BROEK

BAH LE LOEN JAK DUEK TEUMPAT NYANG SEUNGUE

TA EK U GLEE  JAK TARAH SAMPAN

TABA LOEN SAJAN MEUSOE PILEH LHA

UDEB BEU SARE  MATEE BEU SAJAN

BEUSIKREK GAPHAN SABOEH  KEUREUNDA

CUT KEUPULA  CUT

KEUPULA CUT DIBINEH JUROENG

JIPOET ANGEN BACUT – BACUT

MEUHIREUT BEE BAN SABOEH GAMPOENG

MIRAH PATI  DIPHOE NA SABOEH

KAJITOEH BOEH DALAM NALEUENG

BUKOEN SAYANG SINYAK GEUPOEH’

BELA LOEN SATOEH NGOEN UJOENG PEUDEUENG

MIRAH PATI NA DUA BOEH

KAJITOEH BOEH  BAK ULEE SANDENG

BUKOEN SAYANG SINYAK YANG GEUPOEH

LOEN COK BALAH NGOEN UJOENG LEUMBEING

BUKAN SAYANG LOEN KALOEN PISANG

TEUNGOEH MEUDULANG KA MATEE PUCOEK

BUKAN SAYANG LOEN KALOEN CUTBANG

TEUNGOEH LOEN PANDANG MATEE UREUENG SOEK

BUKAN SAYANG LOEN KALOEN LABU

TEUNGOH GEUSIBU KA MATEE PUCOEK

BUKOEN SAYANG LOEN KALOEN TEUNGKU

TEUNGOEH LOEN BRI BU TALEUK KAGEUJOEK

TEUPOENG LEUKAT KEU TIMPHAN BALOEN

SINYAK JITRON REUNYEUEN MEUGISA

PINEUENG SIT CUMEH NGOEN RANUB SI ON

TABRI KEU ULOEN  LOEN MEUCI RASA

PEU JIMEUSU THAT MEUTHOEK THOEK

UREUENG GEUTOEB CHOEK SIGOE  GOE DUA

PINEUENG NGOEN RANUB BEK NEUMEUHAROEK

KA  AWAI GOEB COEK YUM  SIMBARA

ANEUK TIONG PEULOET NGOEN NURI

TAROEH ULOEN BRI KEU  NURI DARA

PINEUNG NGOEN RANUB DILE TAMEU BRI

JINOE MEU UNGKI  LAEN BICARA

IJA PLANG HAN EK  GEUBOEH YUM

HAN  EK SOE TUDUM  IJA SUTRA

HAREUGA RANUB AWAI KA MEUDUM

SOE EK  PEUDUEK YUEM RANUB  JIRASA

RUMOEH RAYA  CEUDAH PEUNEUGOET

LOEN BAK GOET MEUNYUM NA HAWA

DI LOEN HAN GALAK KEU RUPA TEUH GOET

MOEN BINEH ROET KAYEM GOEB CUCA

TUMPOEK TEUNGOEH JUROENG THAT TEUPAT

BAK BINEH JEURAT TIMOEH BAK BUGA

 NANGGROE HAN MEUNE GAMPONG HAN MEUPAT

PANE  NEUHARAP KAMOE BIEK HINA

PEULANDOEK  BANCE ROEH LAM PEUTAH

DALAM BABAH ANEUK BEURADEN

LOEN SANGKA DILE  JANJI HAN UBAH

JINOE KA LEUMAH NYANG LEUBEH CANDEN

PEUDOENG SUWE TEUNGOEH NA  ANGEN

DIYUEB BEURINGEN LAYANG GEUPEULHEUH

BAK PIHAK HAROEK  HATE LOEN  INGEN

LOEN KEUMEUNG MEUEN NYAWOENG BAH LHEUEH

MEUDANG  ARA REUBAH MEUGULEE

DALAM LUENGKIEK GLE TIMOEH SEMEUTA

HATE DI DALAM HAN  EK LOEN THEUN LE

BAH LE  BEUMATE LAM LEUMUENG  GATA

UREUENG MEURUSA DALAM LUENGKIEK  GLE

DUROE AWEE KEUNOENG BAK  IJA

PEUTUROET NABSU LOEN PUPUEH  HATE

‘OH KA MATEE ABEEH KEUNIRA

MINYEUK ATA BEE THAT MEUGAH

TABLOE SI AMAH  PASOE PIALA

MEUNGNYOE  KEUBIET LAGE TAPEUGAH

TAJEUET PEULEUMAH TANDA SEUTIA

TAGUEN MINYEUK OK JAMPU NGOEN BOEH KRUET

MEUNAN GEUPUBUET DILE YANG  KAKA

LOEN DEUNGOE TAPEUGAH HATE LOEN KEUNYEUT

SALEH ‘OH JEUTT BUET HAN TAJEUET BAK GATA

BAK PUNCA  IJA KE UET BUNGOENG

KEUBIET MEUGANOENG PAYA  RANGKILEH

HAN LOEN TU’OH KHEUN WAHE CUT BUNGOENG

MEUNG TATEM TANOEM NYAWOENG BAB ABEEH

TATOET UNOE TEURIMOENG  LILEN

ANEUK CICEM SI JUDO DUA

BAK HATE LAEN BAK BABAH LAEN

DILOEN HAN LOEN TEM PATEH KHEUN GATA

TATOEB GASIEN KAYA PEULEUMAIH

KAPAI BEUREUGAH BUNGKA U DAYA

MEUNOE LOEN KHEUN MEUDEH TAPEUGAH

BAH LE LOEN MINAH BEK LE MEUDAWA

BINEH LAOT DIDOENG KEUDIDI

BINEH PASI KEUBEU MEUKUBANG

BEK NEUSANGKA LOEN MEU UBAH JANJI

LOEN MEUNGKALOE N KRI SEUTIA CUT BANG

AWAI BOEH BAJEK DUDOE BOEH PANAH

PANE LOEM LEUMAH SEUNALOEB  KANA

BAK PIHAK HAN EK LEE LOEN TIMBUE TAMAH

PANE LOEM LEUMAH GUNA  YANG KANA

UREUENG PEH KANOET GAMPOENG KEULIBEUET

UREUENG PEUGOET BLEUET BINEH MEUPUTA

NABSU LOEN PEUGAH TAPI HAN LOEN JEUET

LOEN PREH TEUSUREUET NARIT BAK GATA

LEUKAT ADANG GEUPOET DEUNGOEN GLEM

SINYAK DUEK TEUKHEM JIPUTA TALOE

MUKA TEURUMEH BABAH TEUH TEUKHEM

SANG RI ROEH TATEM MEUEN NGOEN KAMOE

SINYAK WOE DIKRUENG PINGGANG IJA KLENG

ANEUK PEUREULEING MATEE RHOET KEUDROE

DILOEN NA HAROEK  GATA HAN TATEM

NYANG KEUJEUT KAYEM DI LOEN LOEN SOEM DROE

REUDOEK DI GLE UJEUEN DI NANGGROE

PUCOEK PANJOE MEUKULAH KAMA

LOEN DUEK LOEN DOENG HATEE TEUGOE GOE

MALAM LOEN LUMPOE LOEN EH NGOEN GATA

           

SIA  SIA LOEN PULA KRUET

SABE  HAN JEUET KA  IE RAYA BA

SIA SIA LOEN TINGGAI NEUBEUET

NGOEN JEUET KEUBUET TATULAK BALA

UJEUEN DI GLEE REUDOK DI RIMBA

PUCOEK SEUMEUTA LEUKANG BAK TAMPOEK

LOEN PREH TEUKA HANA NEU TEUKA

LOEN PREH GATA SIMALAM SUNTOEK

JEURA MANEH JAMPU NGOEN AWEUEH

UREUENG MEUKAT BREUH TUKA NGOEN SIRA

UDEB TANSOE NGIENG MATEE TAN SOE WEUH

ANEUK GUDA LHEUEH TAN SOE POEH LAWA

YA TUHANKU RABBOEN KADEE

HOE KEU ASEE LOEN THAT HINA

YA TUHANKU NEUBRI BEU MATEE

BEK UDEB LE ATEUH RUENG DONYA

PIASAN GOET UREUENG KEUMALOEN

ROEH LAM TAROEN  LEUK BANGGUNA

ADAK UDEB  PIH HANA SAKOEN

HAN LE SOE KALOEN SYEDARA HANA

ANEUK CEM PALA JIDOENG  BULOEH

LOEN KEUNEUNG CI BOEH TAROEN NGOEN CINTRA

PIHAK PAKAYAN HAN GOET BAK TUBOEH

TABEU PEUNAJOEH BAN SOE NEUHAWA

PUPOEK LEUMOE DI PANTE  ANOE

SINYAK MAT KEULIKE  ATEUH RUENG GUDA

LEUMOE PIH TALOE SINYAK PIH JIWOE

 OH TROEK U NANGGROE  JIMEUSEURAPA

           

LAM  ANOE JIDOENG KEUDIDI

DI BINEH PASI TIMOEH RANGKILEH

PEU  EK SURAT KEUDEH U IDI

PUWOE GLEUENG GAKI LEUSOENG KA PUTIH

BAK LANGA TIMOEH LAM JUROENG

ATEUH BAK MUROENG  LEUK JIKUWA

BALAH SURAT KEUDEH U GAMPOENG

NGOEN LHEUH KRUNCOENG TROH LOEN GISA

BUKOEN LEE SAYANG KARANG BAK PADEE

HANA MEURI LEE KAPUTOEH BAK MU

ADAK NA LAKOE DI LOEN PIH KA HANLEE

PAKRI LOEN  TUKRI  E YA TUHANKU

BUKOEN SAYANG DI JALAN SEU LELE

SINYAK KOEH PADEE DALAM BLANG MALU

NYAWOENG LAM BADAN SANG SANG KAREULE

OH WATE KA CREE UREUENG LOEN RINDU

BUKOEN LEE SAYANG KEUTAPANG DI GLE

KAYE MEURANTE  ATEUH GLE KULU

NEUKEUBAH LOEN TEUNGKU BOEH HATE

OH GATA MATE SOE LOEM LOEN EU

BAKAT DI LAOT  SOE BOET BOET SABE

UREUENG KEU MAWE LAM KRUENG COET BAK U

MEUNYOE  ABANG NGOEN ADEE KATRE

DI LOEN PIH BAH LE BEUMATE LAJU

BUKOEN SAYANG BINTANG ATEUH GLE

HANA LEUMAH LEE MATA UROE HU

DI LOEN HAI ABANG LEUKANG HANA CREE

BEU THAT HAN LE SINAN LAM KUBU

LEUMAH MEUBRENG BRENG HUMEU BLE BLE

CUACA TAN LE  OH PUTEH TIMU

GASEH KEU TEUNGKU SANG SANG HAN LE CRE

TEU INGAT SABE SEUTIAP WAKTU

BUNGOENG MEURAK RAMPHAK LAM TANGKE

CEUDAH BUKOEN LE  SIBUNGOENG MEULU

BADAN LOEN RUSAK PALAK LAM  HATE

WATE LOEN PIKE ABANG LAM KUBU

SINYAK CAH RIMBA PULA BAK PADE

SINYAK KOEH AWE ATEUH GLEE KULU

ALLAH  E TUHAN MALANG BUKOEN LE

GOEH LOEM PUEH HATEE NYANG ULOEN RINDU

BUKOEN LE SAYANG KARANG BOEH KANDEH

LUROEH KA HABEH M,EU TABU TABU

BUKAN LE SAYANG ABANG NEUGASEH

SINAN KA TEYUE EH DI DALAM KUBU

BUKAN LE SAYANG SI KACANG PUTEH

WATE LHEUH GEU PEH PEUGOET KEU TAHU

HATE LAM BADAN SANG SANG GEU IREH

HAN TEUNGEUT LOEN EEH MEURAYU  RAYU

BUKAN LE SAYANG ASAN BEULADEH

KAREUBAH TEU EH BUET  ANGEN TIMU

LOEN PEU EK HABA KE AHLI WAREH

ABANG LOEN MEUCEH KA HABEH UMU

BUKAN SAYANG BINTANG PEUREUSEH

LIKOET AWAN JEH PO BINTANG TIMU

TUBOEH SUANG BADAN LOEN PALEH

TEUNGOEH LOEN GASEH KA HABEH UMU

BUKOEN SAYANG BAK RANGKILEH

BOEH JIH  HABEH PEULANDOEK SEUBA

WAHE  E TEUNGKU YANG ULOEN GASEH

SOE NGOEN LOEM  EH NGOEN TANLE  GATA

HAN JEUT LOEN INGAT PEUNGAT BU PAYEH

KUAH KA HABEH ASOE MEU SEU U

WATE LOEN INGAT  HATE THAT SEUDEH

DAK JEUT BEU LOEN EH SAPAT LAM KUBU

BUKAN SAYANG LOEN EU SIPOET

DIBINEH LAOT MEUCULA  CULA

HANA SOE LE LOEN  HIDANG SUROET

BEUNGOEH NGOEN SEUPOT LAGE YANG KAKA

KAPAI TEUREUBANG LAM AWAN PUTEH

KAPAI PRANG INGGREH LAM LAOT HINDU

ALLAH  E ABANG BINTANG PEUREUSEH

JANJI UROE JEIH HANA TROEH NAPSU

           

DI SUNGAI YU RAMBOENG MEUSEUPEH

BANGKA TEU EH EH TELAGA MUKU

SOE PO  HATE YANG HAN PEUDEEH

DAK JEUET  BEUHABEH NGAT SAPAT KUBU

BUKAN SAYANG LOEN EU TIYOENG

DI PHOE  U GAMPOENG ROEH LAM CINTRA

LOEN SANGKA TEUNGKU KA MEU UNTOENG

GATA NGOEN ULON LAGE YANG  KA KA

SUROEH TUHAN ISRAFIL YUEP SANGKAI KALA

HABEH MATE BANUM SARE SAFAN SAFA

HABEH MATE BANDUM SARE MALAINKAN TUHAN

LANGET NGOEN BUMOE KOEN LE MEUNOE KANEU SIMPAN

TA EK U GLE TAKOEH PEUREU;LAK

TAKOEH SIBAK KAYEUE JATOE

WAHEE TEUNGKU HOE NEUMEUJAK

KAMEU SAK – SAK ULEUEN KAMOE

IJOO – IJO NALEUENG SAMBO

IJO BIRO NALEUENG LAKOE

LON JAK INTAT LINTO BARO

ASOE KASOE JUDOE PUTROE

DI DALAM KEUPOK PADEE LEUKAT

DIRAMBAT NA PADEE JATOE

WOHEE TEUNGKU NEUPREH SIAT

DANG MEUSAPAT RAKAN KAMOE

DI PANTE BLANG MINYEU TANOEH

DIPANTE TEUNGOEH MINYEUK ATA

BEK TEUNGKU DOENG NIBAK TANOEH

MEULANGKAH U RUMOEH DALAM TIKA

DI LAMBARO GEUPULA TEUBEE

DUI MULKIM LHEE GEUTAJOK LANGLA

U BAK TEUNGKU KAMOE LAKEE

OH NOE PIH ME KA MEUMADA

PUTEH – PUTEH BNGOENG LANGSAT

YANG PUTEH THAT BUNGONG GEUTOE

WAHEE TREUNGKU NEU EK SIAT

MEUNAN ADAT REUSAM KAMOE

BAK KEUTAPANG DI TEUNGOEH NANGGROE

KAYEE JATOE DI TEUNGOEH RIMBA

UREUENG PO PIHAK GEUYOE JAK KAMOE

OH TROEH  OHNOE KAMOE MEUMADA

BAK KEUMEUKOEH  DI TEUNGOEH LAMPOEH

BAK SAWAK BUNGKOEH JAMEE TEUKA

TREB THAT KAMOE PREH NYOE BARO TROEH

NEULANGKAH BEUTROEH U DALAM TIKA

DI MIYUB NA PANYOET TANOEH

DI RUMOEH PANYOT TEUMAGA

KAMOE JAK BUNOE ATEUH TANOEH

MEU EK U RUMOEH MEULINGA TIKA

IE DILAOT TABEUE MASIN

SUROET KAYEM TEUNGOEH SINJA

MEULIGAN TIKA TAN KAMOE CHIN

MEUGANTOE LAEN NGOEN LHEUH KEURIJA

CICEM PALA DICOENG MUROENG

ANEUK TIYOENG COENG KAYEE JATOE

NA GEUPEUSAN LEE UREUENG DI GAMPOENG

O’H LEUPAH JUROENG KAMOE GEUYUE WOE

GEURAMAH SANTAN GEUCOEK TAKEH

PISANG TEUPEH LAM MAKOENG DARA

BEK LE TEUNGKU MEUTULEH LAGEH

SALEH  SALEH MALAM KAJULA

BAK BERINGEN DI BINEH KULAM

TIMOEH DI URAM GEULIMA SAKA

BAH TREB BACUT TAMEU KALAM

DANG PREH RAKAN GOEH ABEUH TEUKA

ANEUK KEUDIDI JIPHO MEUMOET MOET

ANEUK EUNGKOT DALAM PAYA

BEK LEE TEUNGKU MEUSEU OT SAMBOET

MAKIN SEUPOET MALAM KAJULA

BOEH SEULIMEUNG KEU ASAM EUNGKOT

KEUMAMAH TEUKRUET GEULAWOEK SIRA

MEUTROEN DI GAMPOENG KAMEU PAWOET

JIKALE SEUPOET PIH MEURILA

PEURAHOE  RAYA BUNGKA U  ACEH

LAJUE DI  ALEH SAMPAN LIA

BEK LEE TEUNGKU MEUTULEH LAGEH

RAKAN NEUPREH KEUDEH LAM TIKA

PEURAHOE CUT DIPOEH LE BAKAT

PEURAB SIAT UMIENG KUALA

YOEH DI GAMPOENG KASEB PAKAT

MEUGOEH MEUSAPAT HAN JEUT DUEK BANJA

BAK MEURAKSA DI TEUNGOEH BULEUEN

PATAH SABOEH DHEUEN SEULAYEUE GEUMPA

BEK KEUH TREB LEE MEUDOENG DILEUEN

TEUKA UJEUEN BASAH  IJA

DIBINEH BLANG GEULUMPANG MEUPAYONG

DIBINEH JUROENG GEULIMA SAKA

BAH LEE MEUSUROET U BABAH JUROENG

MEUPEUHAH PAYOENG HAN BASAH IJA

PEUE MEU POENG POENG DALAM GAMPOENG

UREUENG TOEP TEUPOENG GEUWOET HALUA

BEK MEUSUROET U BABAH JUROENG

LOEN TAKOET BUSOENG KEUNOENG HAWA

DALAM KEUPOEK PADEE LEUKAT

DI RAMBAT NA PADEE  JATOE

RAKAN NEUPREH KA MEU SAPAT

MEULANGKAH LEUGAT KEUDEH U RUMOE

SIGEUDIET MIRAH GAKI

KEUDIDI DALAM ANOE

NEUJAK U MOEN NEURAH GAKI

NEU TITI U SEURAMOE

MIRAH PATI SIKAWAN TUJOEH

ANEUK PUYOEH PHO MEUGISA

RANUB TEUNGKU BRI KALHEUH MEUPAJOEH

NARIT YANG LOEN TROEH GOEHLOEM MEUBUKA

CINTRA MEUREUBOEK BAK SEULASA

CINMTRA CEMPALA GEULHAT DI BAROEH

HAN PEUE SALAH TEUNGKU MEUHABA

NEUCUBA BUKA HABA YANG NEUTROEH

MIRAH PATI DILISI AWAN

TALOE JIH  INTAN PEUDOE SUASA

NEUTEM TEUNGKU NEUMEU BISAN

PUTROE DISINAN RAJA BAK KAMOE

BAK GEURUNNDOENG DI TEUNGOEH BLANG

TAKOEH CABEUUENG KEUTAMEH WEU

PAKRI TEUNGKU TAMEU BISAN

PAJAN NEUKALOEN BUNGOENG LAM PAGEU

GUDA PLANG GUDA PELANGI

GUDA DINARI ATEUH ANGEN

ROTNOE KOEN KAROENG SIDEH KOEN WALI

SIDEEH MEUTURI BAK GEUJAK MEUEN

ALAIKOEM SALAM BISAN BARO TROEH

TAMOENG NEUPIOH KEUDEH LAM TIKA

RAMOE MEUCUT HATE MEULAPANG

MEUAH HAI BISAN KEU KAMOE DUMNA

TREP KA MEUPREH NYOE BARO TROEH

 LEUPEUE BUNGKOEHE HANA CURANA

RANUB UTEUN PINEUENG BOEH AWEE

KAMOE BINEH GLEE JEU OH NGOEN BANDA

RANUB LAM SEUPEH PINEUENG MEULASOEN

GAPU DALAM ON KEURANDAM HANA

NA MEUBOEH GAMBEE KA HANA BAKOENG

MEUAH  NGOEN AMPON BAK SYEEDARA

GALAK LOEN THAT LOEN KALOEN PUYOEH

JIPHOE JI’OH DI LOEB  LAM CINTRA

BISAN BANDUM KEUNOE KATROEH

NEUPLOEH BUNGKOEH NEUPEUGAH HABA

IDANG KAMOE BOET HANA MEULAPEH

LAM CIPE PUTEH SISEU BAK TIKA

BU KAMOE BOEH LAM PINGAN LIPEH

MEU’AH HAI WAREH KEURIKAI HANA

GULEE BOH LABU ENGKOT BOH PISANG

KEU SIE PANGGANG BEK NEU MEU HAWA

NEU TUNGGENG GEUPET NEU RHAH JAROE

MAKEUEN BEUTROE BU NGON SIRA

EUNGKOET DI LAOT TADEUNGOE  GAH

SEULUNYOEK PATAH BAK CULOEK SIRA

NYAN KEUH YANG EK KAMOE SEULEU AH

BEURAYEUK MEUAH BAK SYEDARA

BOEH SEUREUBA RASA

 PEUNAJOEH UREUENG DUSOEN

NYANG GOEH LAKEE RASA

NYANG KA LAKE AMPON

SALAM ‘ALAIKOEM LINTO SAMLAKOE

KAMOE MEUJAK WOE MALAM KAJULA

BEUPHET KULET BEUMANGAT ASOE

LAKOE BINOE BEU MEUBAHGIA

DICOENG GACA NA ANEUK PUYOEH

DICOENG BAK IBOEH ANEUK CEMPALA

BU NYANG GEUBRI KA LHEUEH NEUPAJOEH

IDANG NYANG GEUTROEH KA LHEUEH MEURASA

PUCOEK P[AKU MEU KAWET  KAWET

PUCOEK SEURAHET MEUSIMPLAH SIMPLAH

NGOEN UREUENG LINGKA BEK TAMEU SAKET

WTE MEUSINGKLET HANA SOE PEUGEULAH

MANOEK PUTEH DIKEUPOENG ABEE

DIMEU ADEE ATEU LEUPU

BEK TABOEH  BOEH RAKAN TEUH DILE

JAMPANG TALAKEE RANUB SIGAPU

MANOEK DARA LAM GEURUPOEH

BULEE ALOEH PANCA WAREUNA

MEUNYOE TA SAYANG KEU LINTOE BAN TROEH

BEUGOET TAPUPOEH BEK LEUPAH BUNGKA

DO  KU DODA IDANG

SEULAYANG BLANG  PUTOEH TALOE

MEUNYOE  PUTOEH JEUT LOEN SAMBAT

ASAL MEUPAT PUNCA TALOE

ALAH HAI DO  DODA IDANG

RANGKANG DI BLANG GURUEK BAJOE

DALAM MASA KEURAJEUEN JEPANG

IJA PINGANG RUYA  RAYOE

JAK LOEN TIMANG BUNGOENG PADEE

PUTIH MEUPLEE  PLEE DALAM UROE

YOEH GOHLOEM TROEH JEUPANG JAHE

IJA YOSEE SAMPOEH JAROE

JAK LOEN TIMANG BUNGOENG AWE

AYEUEM HATEE BUNGOENG KAYE

LAM KEURAJEUEN JEUPANG JAHE

RAKYAT MATE PAJOEH SAGEE

JAK LOEN TIMANG BUNGOENG MANCANG

RHOET MEUTHIMPHAN  DALAM UROE

MASA PEUGOET LAPANGAN  TERBANG

RAKYAT CEUKANG DALAM UROE

ALLAH HAI DO DODA IDANG

CICEM SUBANG PHOE MEUPOET POET

YOEH MASA KEURAJEUEN JEUPANG

BAK U DITEUBANG PAGEUE LAOT

JAK KUTIMANG BUNGOENG PADE

TANGKEE JAK LOEN PAWOEK

YOEH KEURAJEUEN JEUUPANG JAHE

JIKUET PADE DALAM KEUPOEK

JAK KUTIMANG BUNGOENG PADEE

KAYEE DIGLEE ANGEN TIMPA

YOEH KEURAJEUEN JEUPANG BACHEE

UREUENG MATEE GAPHAN TIKA

JAK KUDO DO  DODA IDANG

IE BEURAWANG PASEUENG SUROET

YOEH MASA KEURAJEUEN JEUPANG

BIJEH DI BLANG ABEH MEU ATOT

DO DODA IDANG

RANGKANG DI BLANG TAMEH BANGKA

SEULAYEUE PERINTAH JEUPANG

JEUT  LUENGKIEK BLANG DIGLOENG SUDA

ALLAH HAI DO DODA IDEH

KAYE NIREH DALAM BANGKA

LAWET  JEUPANG DI MAT UREH

UREUENG JI EH LIMBOET TIKA

DO DODA IDANG

BUNGOENG MANCANG RHOET BAK TANOEH

SEULEYEUE KEURAJEUEN JEUPANG

JUET SAGOE BLANG KA HABEH RHOEH

DO DODA IDANG

PADEE DI BLANG KA ABEEH RHOEH

KEUREUNA KREUH PEURINTAH JEUPANG

PADEE DI BLANG HANNA SOE KOEH

JAK TAMUPRANG HAI BOEH HATE

JIKALEE MATE  PIH TARILA

BUE  HAI PO KEUNOENG BEUDEE

CIT KA TROEH LEE JUDOE GATA

BU DIADARI SEDANG  SEDANG

DIBINEH PADANG DOENG MEURITI

KIPAS CINA MAT BAK JAROE

NGOEN POET LAKOE NYANG PRANG SABI

BU DIADARI KEUNAN SAMPOE

JAK TUENG LAKOE ASOE SYURUGA

JIMUENG ULEE SAMPOEH DARAH

HATE DASAH JUDO KANA

LAEN TEUDOENG SINAN JENJANG

DALAM SEUH PRANG JIWOE HANA

JIPREH REUBAH LINTOE BAROE

TUENG KEU JUDO LAJU JIWA

OH KA REUBAH MEU TAJOE  TAJOE

OK MEUHAMBOE BEE KKOEM  KOEM MA

SOE LEUMAH EU BIDADARI

BANDUM SUDI JAK PRANG BELANDA

LADOEM YAN TAN LEUMAH JIUE

JIKHEUM TEUNKU RUGOE MATA

ADAK HAI PO LEUMAH TA EU

BANDUM TATAJOE LAM CEURENGA

MEUTA DEUNGOE RI GOEB TEUGAH

NYANG NA TUAH JIPEUCAYA

SIT DIPATEH BAN PEUNEUGAH

SUROEH ALLAH HAN JIDAKWA

SOE NA NABSU NYAN KEUJUDO

JEULAMEE BAK LE DISINOE TA MITA

BUDIADARI SOE NA MENABSU

TANLE HAI TEUNGKU JILAMEE TABA

KEU JEUNAMEE KOEN MEUH  PIRAK

KOEN INTAN MEUKRAK BUKOEN SUASA

NYANG JEULAMEE CIT IBADAH

SUROEH ALLAH TAKEURUJA

TA IBADAT UROE MALAM

PEU NYANG NEUTHAM BEK KEURIJA

NYAN KEU HAI PO JEUNAMEE PUTROE

BAK PRANG SABI TAJAK LANJA

SOE NA HAJAT KEU PUTROE TI

JAK TA ILI CANG BLANDA

MEUHAN TAPATEH ALLAH NGOEN NABI

PANE GEUBRI BULUEENG KEU GATA

MEUTA PATEH ALLAH NGOEN NABI

CIT NA JANJI NEUBRI  SYURUGA

BEU TA INGAT WAHEE SAMPEE

HADIEH PANGULEE NABI KITA

BARANG KA SOE HAN PATEH NABI

JEUET KEU KAPHEE AKHEE MASA

SOE NYANG HANA NASIB BAHAGIA

HAN ROEH DI RABA DI JALAN NYANG NA

BARANG KADUM ROH TAMABA

JIMEUDAWA HANA REUNGANG

NYAN ALAMAT UREUENG CEULAKA

OH TAMABA JIPEU AYANG

MEUROEH OH THAT TATEM PEUKREUH

KEU SEUNEUHEUH GEUTANYOE DICANG

GOET KEUH HAI PO BEUTA IEM DROE

MEUHAN MEUPALOE AKHEE DATANG

TEUMA PANE JEUET KEUH TAIEM DROE

UROEE DUDOE TUHAN KEUKANG

OH TATEUPEUE  ELEUMEE POTALAH

BEUTAPEUGAH KEUDUM URANG

MEUHAN MEUNAN GATA SALAH

DUDOE LAM BABAH GEUBOEH KEUKANG

MEUNYOE MEUNAN HAI PO MEUTUAH

BAH LEE TAPEUGAH BAH BEUTHAT DI CANG

WAJEB TAPEUGAH PEUE YANG SUROEH

KAPHEE MUSOEH TUHAN NYUE PRANG

TAPRANG KAPHEE WAJEB MEUHAT

BEK HAI SABAT TEPEUE WAYANG 

PAHLAWAN TUJOEH HAN JIWOE  LE

JIPIKEE GUNA SABOEH ROE

ALAT PEUKAYAN LE  RAJA BRI

KEU ISTERI LAEN KEUDROE

MEUH NGOEN PIRAK INTAN MEUPUDI

LAEN RAJA BRI NGOEN BUNGOENG JAROE

NYAN KEUH SEUBAB JITEM MATEE

JIPIKEE GUNA SABOEH ROE

BAK SI UROE PRANG THAT SINGKEE

SAIDINA ALI GARANG HAN SOE

ABEEH GUNCANG DUMNA KAPHEE

KUBLA KABLEE DALAM  UROE

TAMSEE BUNGOENG KACANG KEDELE

DALAM TANGKEE LUROEH KEUDROE

UROE MALAM MUPRANG SABEE

REUBAH MEUGULEE SEUN SEUN SIDROE

BAN DUA PEUE SIGOE HAN LEE

SEUTIA MATEE GEUMASEH RUGOE

ABEEH PIKEE DUM ULEBALANG

PLUENG DIRIWANG U BAK RAJA DROE

UBAK RAJA DIKHEUN MEUNOE

AMPOEN KEUKANOE PO MEUKUTA

SABAB KAMOE JEUT MEURIWANG

HAN EEK MEUTENTANG ALI MURTHALA

ZULPHAKA PEUDEUENG MEUTUAH

UJOENG BEUKAH  DUA MATA

YANG SIBLAH JITEUBIET DARAH

YANG SIBLAH TREUK ASAP MEUBURA

MEUNAN  JIPEUGAH ULEBALANG

SEUOET RIJANG RAJA RAYA

MEUSIDROE ALI NYANG MURATALA

KAH MEULAKSA HAN EK KACANG

TUTOE PALEEH KEUNOE KABA

NGOEN KEE RAJA KAMEU WAYANG

KUBOE PANGKAT ATEUH KADA

KEU PANGLIMA ULEBALANG

HANSEP RINGGET KUBRI IJA

KU PEUGALA UMOENG DI BLANG

YANG  KOEN NARIT KAJAK PEUGAH

BAN INOENG BEUKAH MALEE HANA

MEUNYOE BAN EK KAPRANG MAKKAH

KA PEUGAH BEU KEUH RAJA

TAN MEUSOE SOE KUBRI NAMA

BEK ANEUKDA SEU ON IDANG

NYANG DUM  DIKEE KU USAHA

UBEE SEUMA TAN KASAYANG

ADAK WATEE UROE RAYA

KU PAUCARA SIE MAMEUGANG

SABOEH KACHOEK KUBRI DUA

KUSANGKA MAK KATEM MUPRANG

ANEUK PEUREUMOEH DUM DISEUBA

DIKEE HAN NA MEUSI PANGGANG

RAJA HENDAK MEUNAN KATA

RAJA BADA SEUOT RIJANG

JIBEUDOEH DOENG DIWA DADA

NGOEN AYAHDA DIMEUKALAM

AMPOEN TUAN KU PO MEUKUTA

LOEN ANEUKDA SIKREK KALAM

PAKOEN TACAROET DUM PEUTUA

DINAB MATA ULEE BALANG

DUMNAN DI GOEP DI MEUSEUTIA

DIGATA HANNA TAPADANG

KAREUNA TABRI SIKRAK IJA

TAN DIKIRA NYAWOENG HILANG

TIEP TIEP UREUENG TAPEUMEU REUKA

BEU TAKIRA DILEE BEU PANYANG

KOEN NYANG SALAH UBEE SEUMA

TEUPEU RAYA BEU UBEE BALANG

SIDROE GADOEH UREUENG TUHA

GOET SILAKSA LAEN HILANG

MEUKA ABEH DUM DIBUNGKA

PAT  TARAJA DALAM KUBANG

MEUTAN AKAI NGOEN BICARA

KEUPEU GUNA AROEH TUNGANG

UREUENG UTOEH TAN TAKIRA

RAYEUK KADA PANGKAT MANYANG

DUMAN DI SEU ON LEE ANEUK MUDA

TAN DIKIRA NYAWOENG MELAYANG

NA NEUPIKEE PO MEUKUTA

NARIT  GASA HANA REUMBANG

BAN NYANG TAKHEUN, BEK MEUTUKA

TAN TAKIRA,  IROET IRANG

PAT  NYANG TATAK,  BEUSINAN LUKA

PEUE TASANGKA,  KABANDUM  REUMBANG

BAK TATOEP,  BEUSINAN MEUPACAK

BAK TATAK,   BEUSINAN  LUKA

BAK TA IRANG, BEUSINAN MUBHAK BHAK

BAK TA SAWAK ,  SINAN SEUNINYA

BAK  TAPEUDOEK,  BEK LEE MEUMINAH

BAK TAKEUBAH,  BEK LEE MEURIBA

PEUE NYANG TAKHEUN,  BEK SOE BANTAH

PEUE TAPEUGAH , HANJEUET SOE DAWA

BAK TA TEUGOEN,  BEUMEULABANG

BAK TAPANCANG , BEK MEU RIBA

PAT TAPEUDUEK , BEK GOEP SUGANG

PEUE TAPANDAN , BEK GOEP DAWA

NA  NEU INSEUH,  PO MEUKUTA

PEU DAROHHAKA,  ULEE BALANG

BANDUM MALEE , SOEM  SOEM MUKA

NARIT NYANGKA, M RUGOE MEUTIHANG

ABEEH BEUNGEH , ANEUK MUDA

DUM SEUNJATA , ABEEH DIPULANG

MEUJAK DUDOE,  TEUKA BAH

SOE KEUH TEUMA , YANG TEM SAGANG

MUKA HABEH,  DUM DI BUNGKA

SI MASA , HAN LEE DI RIWANG

BEUTHAT TAJOEK,  DUM HAREUTA

KEU GATA , HAN LEE DI SAYANG

DROE TEUH PIH TAN,  GOEP PIH HANNA

TEUBIET  GATA , KEUDROE U BLANG

TATEM TINGGAI, BUNGOENG SEULANGA

LAM CEUMARA , PUTROE SEUDANG

MEUNAN JIKREUN,  RAJA BADA

DINAB MATA, ULEEBALANG

RAJA HENDAK , TEUDUEK TAHOE

IE BABAH THOE,  LIDAH CEUKANG

RAJA HENDAK,  TEUMA PIKEE

DI PULANG LEE,  DUM SI BARANG

PULANG NANGGROE , KEU RAJA BADA

DUM SEUMUWA,  ANGKATAN PERANG

 NYOIE LEUPEULANG  NANGGROE NGOEN PEUTAWA

LOEN KA TUHA , HAN EEK PEUTIMANG

NYANG  MEULIGOE,  NGOEN HAREUTA

PEUTIMANG LEE GATA, BANTA SEUDANG

BEK LEE LOEN DUEK NYANG KE RAJA

LOEN  KATUHA UMU KA PANYANG

ALEH SIT PAJAN SAMPOE KUTIKA

BAK IE RAYA, BEK TABOEH AMPHEH

BEK ATEUENG  TIREH, BEH TABOEH BUBE

BEK TAMEURAKAN, DEUNGOEN SIPALEH

ATRA  TEU ABEEH,  GEUTANYOE MALEE

 

SALEUM PEUNUTOEP

ALHAMDULILAH,  LOEN PUJOE TUHAN

YANG PEUJEUT ALAM  LANGET NGOEN DONYA

SEULAWEUT  SALEUM,  AKAN JANJONGAN

PANG ULE ALAM , SAIDIL  AMBIYA

DEUNGOEN TULOENG PO, KHALIKUL MANNAN

PEUSEUHAT BADAN,  PIKERAN  HAMBA

HINGGA SEULEUSOE,  PAKHOEK LOEN KARANG

HANA HALANGAN , YANG JEUT KEU CUPA

BEUREUKAT KEURAMAT,  GURE LOEN TUAN

TAMAT  KARANGAN ,  PAKHOEK LOEN RIKA

TEURIMOENG GASEH, KEU BANDUM RAKAN

YANG BRI BATUAN,  SOKOENG TEUNAGA

SIRIBE PAKHOEK, JUDUL LOEN BOEH NAN

ASOE DI DALAM, MEUBAGOE  RUPA

NA PAKHOEK ADAT, NGOEN KESENIAN

HAN KEUTINGGALAN, PAKHOEK AGAMA

JINOE  LOEN  PULANG , KEU BANDUM RAKAN

BEU GOET NEUTIMANG,  HALOEH NGOEN GASA

KADANG NA SALAH, PAKHOEK HAN SABAN

KADANG HAN TIMANG, MEUTUKA BANJA

KADANG HAN BEUTOI,  NA  IROET  IRANG

KADANG  NA  NAZAM , HAN SANTUET  BANJA

MEUAH LOEN LAKE,  MERIBEE KALAM

BUKOEN HAI RAKAN,  ULOEN SEUNGAJA

NEUMAKLUM KEUDROE, KA WAHAI RAKAN

U LOEN KEUMARANG,  ELEUME  HANA

ELEUME  LOEN TAN,  SIKULA PIH  HAN

TULEH  KARANGAN , BAROE LOEN CUBA

SULAIMAN GANI,  KOEN  BUDAYAWAN

GOEH PEUNGALAMAN , HANA BIASA

ULOEN GEUMADE, BAK SIDROE TUHAN

BEUJEUT KEU AMAI, KUNCI  SYURUGA

JUET KEU IBADAT,  HABA LOEN KARANG

NEUTUENG KEU AMAI,  E YA  RABBANA

BLANG  PADANG MASYA,  SIDEH NEUPULANG

SYURUGA LAPAN,  PINTOE NEUBUKA

       

SALEUM PEUNEUTOEP,  OHNOE  LOEN  KARANG

NEUBRI LAEN  JAN,  BEUSAMPUREUNA

MEUNYOE NA UMU , TUHAN  BRI  PANYANG

LAEN KARANGAN,  TASUSOEN HABA

JEULINGKE, 20 OKTOBER 2011

SULAIMAN.A.GANI