OLEH : SULAIMAN.A.GANI
=============================
Alhamdulillah, loen pujoe Rabbi
Yang Maha Suci,
Azawajalla
Seulawuet
saleum, akan Rasuli
Pang ule Nabi, Khatam Ambiya
Salam a`laikoem, saleum uloen bri
Ayah ngoen Ummi, Bandum pemirsa
Samboet saleum loen, Sulaiman. Gani
Yang susoen Rawi,
bah Duka Cita
Kelompok cae, Musibah neubri
Katroek bak janji, sampoe kutika
Uroe Seulasa, lam buluen Suci
Di Indrapuri, Beurita Duka
Sidroe Anggota, geuwoe bak Rabbi
Urueng That Ahli, Cae geurika
Ban lheuh Telepon, Sulaiman Gani
Beurita Geubri , Saket jiteuka
Bit Amat Geuwoe, Hadirat Rabbi
Habeh Raseuki, sinoe lam Donya
Hanjeut uloen jak,
U Indrapuri
Sulaiman Gani, Saket lam tika
Gaki siblah
wie, ban lheuh operasi
DM that
tinggi, sampoe ka luka
Doa loen lake, sabe bak Rabbi
Bit
Amat neubri, Pangkat
Suhada
O ya
Tuhanku, ilahon Rabbi
Bit Amat Neubri, Neu Apoen Dosa
Neubri
beuleupah, geujak bak titi
Neubuka gunci, Pintoe Syuruga
Beusaboeh payoeng, Gobnyan ngoen Nabi
LIWA UL
–HAMDI, Payoeng Maulana
Blang Padang
Masya , bak ule titi
Bit Amat
Neubri, ban kilat Paja (R)
Neukabul
doa, Sulaiman Gani
Bit Amat
Neubri, Asoe Syuruga
Bak Azeub
kubu, jeuoh Tuhan bri
Lam Rahmat Rabbi,
Sabe tiep masa
Keluarga Bit Amat, di Indrapuri
Tuhanku
Neubri, beuroeh lam saba
Bek tuwoe
doe, sabe bak
Rabbi
Bit Amat neubri,
Asoe Syuruga
Tanyoe yang
tinggai, gohloen troek janji
Tuhanku neubri, beudalam taqwa
Umu
beupayang, mudah raseuki
Seureuta
lagi, tamoeng syuruga
Kelompok Cae,
Bandum Allah bri
Seureuta lagi, bandum pemirsa
Oh
wate geuwoe, Meuhadap Rabbi
Mantoeng Allah bri, Iman lam Dada
Habeh
Ramadhan, Troek Idhul Fitri
Tanyoe
Kembali, Suci jiteuka
Lahe ngoen
Baten, meuah beuneubri
Sulaiman Gani, deungoen keluarga
Kadang Awai
loen, Sulaiman Gani
Loen Woe
bak Rabbi, hadap yang Esa
Bekle meusangkoet, bak ule titi
Sulaiman gani, tamoeng
Syuruga......................... Amin.
Banda Aceh, 10
September 2011
Sulaima. A.Gani
0 komentar:
Posting Komentar