RATEIP PEUAYON ANEUK

Oleh : SULAIMAN.A.GANI

=======================================

LAILAHAILLAH,

BEUMEUTUWAH NEU MUBAHGIA

BEU PHEIT KULET,  MANGAT NGON ASOE

TEUNGEUT KEUDROE,  BOH HATE MA

LA ILAHAILLAH ,

KALIMAH THAIBAH,  PANGKAI TAMATEE

SOE TEUMEE BACA,  KALIMAH TAIBAH

TUBOH YANG SAH,  AZEUP HAN LE

LAILAHAILLAH,

KALIMAH  TAIBAH ,KEUPAYOENG PAGEE

TADUEK TADOENG,  BEURANGKAT PHAT

BEUTA INGAT,  DALAM HATEE

LA ILAHAILLAH,

GUNOENG BUKET KAF,  MEUTANGGA – TANGGA

BLAH DEIH BUKET,  GUNOENG ARAFAH

BLAH DEH MEKKAH,  MAKAM  SAIDINA

LA ILAHAILLAH,

BUNGONG LHEE ULAH,  PAKAIAN HAMBA

SABOH DI NABI,  DUA TUHAN

TANGKEE BUNGONG NYAN,  DI DALAM DADA

HUDEP LAM DONYA,  ANEUK BEUNA IBADAT

UROE AKHIRAT,  GATA NA BAGI

TUHAN NEUKEUBAH,  BAK SABOH TUEMPAT

MAKANAN LEUZAT,  SYURUGA TINGGI

ALAH HAIDO,  KUDODA IDANG

BUNGONG KEUMANG,  LAM ISTANA

BEURIJANG RAYUEK,  BANTA SEUDANG

JAK BANTU PRANG,  SYIAR AGAMA

ALAH HAIDO,  KUDODA IDANG

SEULAYANG BLANG,  KA PUTOH TALOE

BEURIJANG RAYEUK,  BANTA SEUDANG

JAK BANTU PRANG,  BELA NANGGROE

 ALAH HAIDO,  KUDODA IDANG

PADEE DALAM BLANG,  TEUNGOH ROH MARI

OH MATEE POMA,  HAI BANTA SEUDANG

BALOT LAM GAPHAN,  OH MATEE ABI

ALAH HAIDO,  KUDODA IDANG

BUNGOENG KEUMANG,  LAM CEURADI

OH LHEUH TABALOT,  POMA LAM GAPHAN

GATA SEUMBAHYANG,  OH MATEE UMMI

ALAH HAIDO,  KUDODA IDANG

PO BANTA SEUDANG,  MA AYOEN DODI

BEURIJANG RAYEUK,  E BOH HATEE NANG

GATA PEUTIMANG, OH  MATE  ABI

LON HARAP ANUEK, GATA YANG MAT LHAM

KUTIKA PAJAN, OH  MATE  UMMI

LON HARAP  GATA, BALOET  LAM GAFAN

KUTIKA  PAJAN,  OH MATE  ABI

LON HARAP ANUEK, TABUET  QURUAN

BAK BATE NISAN, AYAH NGOEN UMMI

GATA DOENG  IMUM, WATE  SEUMBAHYANG

MEUDOA KEUNANG, AYAH  NGOEN  UMMI

ALAH HAIDO,  KUDODA IDANG

TEUNGEUT BEURIJANG,  E BOH HATEE MA

OH TEUNGEUT GATA,  HAI BANTA SEUDANG

POMA SEUMBAHYANG,  PUJOE RABBANA

ALAH HAIDO,  KUDODA IDANG

TEUNGEUT BEURIJANG,  LINTO BARO MA

OH TEUNGEUT GATA,  HAI BANTA SEUDANG

POMA JAK RIJANG,  JAK  CUCOE  IJA

( Tgk.Diyueb Bruek )