“ HAJAT MEUKAWEN “

“ HAJAT  MEUKAWEN “

  ======================================

Sayang bijeh  pik, ngoen bijeh  reutuek

Kalhueh  lon sipruek, timoeh ngoen hana

Oh wate  malam, meurasa  sijuek

Hana  soe gusuek, inoeng  lon  hana

Lon  neuk meukawen, ngoen anuek  keusyik

Ka lage  boh  pik, ka  hana sagoe
lon neuk  meukawen, ngoen anuek  tungku

Ka  sulu  sulu, runoeng bak  panjoe

Lon  neuk meukawen, anuek  peujabat
kale  that  syarat, meumacam  bagoe

Troek asoe  kama, han ek  takarat

Jeuname  meuhat, meuh dua kilo

Lon  nuek meukawen, Peugawe  Negri

Takoet di taki, lon tan sikula

Yue  antar  jemput, peutang pagi

Kajuet keu  kuli, Meuyuem teuh hana

Lon  nuek meukawe, ngoe  ibu  guru

Leuhoe pajaoeh  bu, bak wate Asa

Yue jaga Anuek, tangloeng bintang hu

Diyue taguen bu, luhoe ngoen Asa

Lon neuk meukawe, ngoen awak jawa

Oh wate kaya, jiwoe u nanggroe

Meunyoe lipeh peng, di dalam jaroe

Capah jipubloe, ngoen jipeugala

Loen neuk meukawe, ngoen Awak padang

Syedara Agam, meunyang hanjuet toe

Paleh  badakek, cirik  beurandang

Geutanyoe Agam, tan peng lam jaroe

Loen nuke meukawen, ngoen awak batak

Oh wate kaya, jituba  lakoe

Eungkoet boeh jengkol, ngoen maboek tuwak

Si inoeng batak, sit meunan bagoe

Loen nuke meukawen, ngoen awak  Aceh

Ka teusuet kreh kreh, mita  beulanja

Sabe jak kajak, ba oleh oleh

Khanduri peh saheh, sabe tiep masa

===================================