Pages


Minggu, 12 Mei 2013

* TAUBAT *



===============================
Alhamdulillah,  pujoe Hazarat
Uloen Munajat ,do'a tan  pre-pre
Seulaweut saleum,ateuh Muhammad
Pang ule ummat,Nabi yang akhe

Salam'alaikom , wareh ngen sahbat
Saleum lon intat,  roet layeu hp
Keu bandum gata,  saleum lon intat
Rata jeut teumpat , kuta deugoen gle

Meuheut that ulon , nibak nyoe sa'at
Saboeh hikayat,  kunoe loen  rawe
Mudah-mudahan,  beujeut manfa'at
Panton loen intat,  beumangat hate

Rika loen peuget,  berjudul "Taubat"
Haba peu ingat ,  lon keuneuk  rawe
Peu ingat rakan, beuroeh lam taat
Beuroeh lam taubat, sigoloem mate

Hudep lam donya , beu ingat  that that
Beuna ibadat, sigoloem  mate
Bek gadoeh laloe,  ngoen mita pangkat
Pangkai  akhirat , hantoem ta pike

Yoeh mantoeng teuga,tuboh lam sehat
Beudoeh ta taubat , rakan boh hate
Karna hudepnyoe,  cuma sesa'at
Cuma seukeujap, lheuhnyan ka mate

Keupeu dak hudep, sampoe si abad
Keu Allah ahad, hantoem ta pike
Leubeh get tanyoe,hudep seukejap
Sabe ta ingat,  Allah lam hate

Waloe  di donya,  hudep mewah that
Rumoeh meujungkat, pageu meurante
Tapi oeh mate,ka habeh hayyat
Laju lam jeurat,  tanyoe geu gule

50 seunti , uruek geu sipat
Sinan keuh teumpat , singoeh oh mate
Papeun keureunda,  geulanto spingbat
Kafan si urat , geulantoe baje

Rumoeh ynag mawah,  hana geu intat
Tinggai keurabat,  sinan meupake
Tanyoe lam uruek ,  sabe  geuseutrap
Le  Malaikat, geupoeh hana pre

Oleh seubabnyan, wahe e sahbat
Coek wate siat , untuk seumike
Bek sampe azeub , di liang lahat
Beuna neu ingat , keu akan mate

Ohnoe keuh dile,  haba lon intat
Beujeut mafa'at , haba lon rawe
Mnyoe na salah,  haba lon intat
Peumeu'ah leugat,bek coek keuhate
Oleh: Musliem Barcelo Nakata
10-5-2013

0 komentar:

Posting Komentar

Komentar FB :