HAYATULFATAWALLAHIBIL'ILMIWATTUQA-IZALAM YAKUNA'ATIBARANLIZATIH ( pesan Imam Safi'i)

========================================

Sala'alaikoem,  warahmatullah
Jaroe dua blah , di ateuh ulee
Loen meubri saleum,  samboeng ukhruwah
Lam ca-e loen peuleupah,  peusan loen rika

Lam layeu fbi,  bacut loen surah
Jeut keu faedah , keu tanyoe dumna
loen tuleh rika,  saboeh amanah
Imam syafi'i sah,  kheun wareh ambia

Ka nibak imam,  sayfi'i syair nyoe sah
lagee loen peugah , bak bareh phoen mula
hayatulfatawallahibil'ilmi wattuqa kheun syair imam sah
Arti geupeugah , hidup demi peumuda

Izalamyakuna'atiranlizatih,  samboengan sah
Loem kheun imam sah,  nariet mulia
Hana arti hudep peumuda meutan ileumee , ngoen taqwa meunan geupeusah
Loen samboeng lidah , peutroeh bak syedara lingka

Kheun imam syafi'i , bak tanyoe geupeugah
Udep peumuda lam bumoe allah,  beuna dua perkara
Beuna ileumee, taqwa keupada allah
Nyoe dua nyan hana geupeugah,  udep pemuda sunggoh lam sia2

Meunan lam rawi , imam syafi'i neupeugah
Alhamdulillah soe pateh,  meuteumee bahgia
Meusoe han pateh , lagee geupeugah
Tanyoe udep sah , dalam seupoet buta

Oleh seubab nyan , eo syedara meutuah
Beudeoh jak tanyoe langkah,  yoeh mantoeng na teuga
Yoeh mantoeng na umu , tuhan neukeubah
Peuguna bagah,  bek sia-sia

Beudeoh jak meununtut,  ileumee allah
Tajak bak dayah,  ngoen tajak sikula
Beudoeh jak meurunoe , agama allah
Keudeh bak dayah,  jak bak ulama

Keudeh bak sikula , sigra talangkah
Jeut bek susah,  udep lam donya
Menyoe kameuphoem , duem ileumee allah
Udep gata sah , rahmat troeh teuka

Lheuh nyan bek tuwoe,  tapujoe allah
Yoeh goeh talangkah,  ta-eh lam keureunda
Tapubut taat tiep saat , taqwa keupoe teu-allah
Rahmat meutamah,  tatueng keujeumba

Tapubut suroeh , peujioeh teugah
Bak larang allah,  bek takeurija
Maka seubab nyan,  ingat meutuah
Ban kheun imam sah,  beutatem keureuja

Meusoe yang tem pubut,  lagee geupeugah
Alhamdulillah derajat,  manyang bak poe rabbana
Peuloem dalam al-qur'an,  allah neupeugah
Paduem paduem tingkah sah,  leubeh keuhamba

Soe-soe na ileumee, ngoen taqwa keu allah
Janji allah neu angkat , derajat hamba
Meunan kheun allah,  kalheuh neupeugah
Dalam surah almujadalah,  sinan jeut tabaca

Sinan ta-eu , bak ayat siblah
Kalam allah yang maha , azzawajalla
Oleh seubab nyan, eo rakan metuah
Peusan loen peuleupah,  lewat jejaring sosia

Yang tem ingat,  duem hamba allah
Alhamdulillah , udep bahgia
Loen rawi ca-e , loen samboeng lidah
Ban yang ka neupeugah , le wareh ambia

Ijoe meukilat,  sibintang limoeng blah
Hue meujeureulah , lam awan mega
Pantoen nibak loen,  ohnoe ka sudah
Beujeut keu faedah,  keutanyoe duemna

Loen lakee ampon , seureuta meu-ah
Kadang na salah , loen rawi haba
Kaseb keuh dilee,  kalam sipatah
Lam layeu fbi sah , peusan keu syedara lingka

(  Oleh  : AIRI SAFRIJAL,SH,M,Hum)