ENAM PERKARA YANG DI RAHASIAKAN ALLAH SWT”

   Oleh : SULAIMAN.A.GANI.

=============================================

Deungoen Bisminlah, lon puphoem kalam

Lon pujoe Tuhan, sidroe yang  Esa

Yang that geumaseh, lagi peunyayang

Keu bandum insan, lat batat  dumna

Ngoen Rahman Rahim, Khalikul Alam

Yang peuna peutan, Raseuki  hamba

Yang peujuet langet, hana meutiang

Yang peujuet Alam, ban sigoem donya

Seulawuet saleum, han keutinggalan
Akan janjongan, Rasul Mustafa

Keluarga ngoen sahbat, Dum seukalian

Urueng berjuang, peudoeng  Agama

Lhuehnyan saleum lon, keu bandum rakan

Inoeng ngoen Agam, tuha ngoen muda

Hajat ulon bri, saboeh karangan

Rahasia Tuhan, Neusoem bak hamba

Nam boeh Rahasia, milik di Tuhan

Neusoem bak Insan, hana neubuka

Rayoek Hikeumah, neusoem le Tuhan

Bandum di sinan, lam nam peukara

Peureuta maphoen, neusoem le Tuhan

Nyan keridhaan,  lam taat hamba

Sidroe droe  hamba, taat keu Tuhan

Meuditupue  tan, geutueng ngoen hana

Meunyang keudua, Murka di Tuhan

Neusoem di dalam, Maksiet di hamba

Jipubuet maksiet, uroe ngoen malam

Murka di Tuhan, Peuleumah  hana

Teuma yang keulhee, Rahasia Tuhan

Neusoem di dalam, Lailatur  Qadar

Wate tiep tiep thoen, Buluen Ramadhan

Hana tatujan, lailatur qahar

Teuma yang keupuet, Rahasia Tuhan

Neusoem di dalam, bak  manusia

Nyan waliyullah, Rahasia han ban

Soe turi pih tan, le Manusia

Teuma keulimoeng, Rahasia Tuhan

Nyan Kematian, umu di  Hamba

Wate karoek had, kaneucoek pulang

Hana tatujan, Katroek Kutika

Teuma yang keunam, Rahasia  Tuhan

Hana tatujan, Shalatul Wushta

Lam limoeng wate, Pubuet Seumbahyang

Taturi pih tan, meutoeh yang Aula

Hana taturi, geutueng deungoen han

Rahasia Tuhan, hana neubuka

Syarat tapeuseb, tanyoe seumbahyang

Geutueng deungoen han, tatapue  hana

Ban nam peukara, kalhueh lon peutrang

Rahasia Tuhan, neusoem bak hamba

Meunyoe na salah, rinteh lon karang

Keudeh bak Tuhan, Ampon lon pinta

( Tgk Diyueb Bruek, 19/04/2013 )

“ENAM PERKARA YANG DI RAHASIAKAN ALLAH SWT “
===========================================
Sahabat Umar ra berpesan : ''Allah ta'ala menyembunyikan enam perkara dalam enam perkara yang lain,yaitu:

1.Allah menyembunyikan keridhaan-Nya dalam ketaatan kepada-Nya.
2.Allah menyembunyikan murka-Nya dalam kemaksiatan seorang hamba-Nya.
3.Allah menyembunyikan Lailatul Qadar dalam bulan Ramadhan.
4..Allah menyembunyikan para Wali di antara manusia
5.Allah menyembunyikan kematian dalam umur.
6.Allah menyembunyikan 'ash-shalatul wushta' (shalat yang paling utama)dalam shalat
lima waktu