Pages


Sabtu, 04 Mei 2013

“ UJIAN HIDUP “



   Oleh : SULAIMAN.A.GANI
=======================================
“Jalan yang mulus tidak akan Menghasilkan pengemudi yang Hebat “
“ Lautan yang teduh tidak akan menghasilkan pelaut yang tangguh “
“Langit yang cerah tidak akan menghasilkan pilot yang handal “
“Hidup yang tidak ada masalah tidak akan menghasilkan pribadi yang kuat”
Catatan : Maka bersyukurlah jika Allah mengizinkan masalah dalam hidup kita,
sebab Allah berkehendak mematangkan dan membentuk pribadi kita
menjadi pribadi yang kuat dan tangguh
   ==================================================
Alhamdulillah, Loen puphoen kalam
Loen pujoe Tuhan, Ilahon Makbud
Bandum lat batat, peuneujuet Tuhan
Yang peuna peutan, rayoek ngoen ubuet

Bumoe  tan buboeng, ciptaan  Tuhan
Langet tan tiang, Tuhan yang peujuet
Geutanyoe Hudep, lam bumoe Tuhan
Ingat hai rakan, tanyoe soe  peujuet

Seulawuet saleum, akan janjongan
Sidroe Rahmatan, Tuhan  neupeuneujuet
Nabi Muhammad, Utusan Tuhan
Ban sigoem Alam, Bandum peneujuet

Yang bri syafaat, uroe komdian
Bak Mizan Tuhan, Yang laen hanjuet
Di Nabi laen, Wate di Mizan
Syafaat geuh tan, geutuloeng hanjuet

Lhuehnyan saleum lon, keu bandum rakan
Umat  Iseulam, Bandum  peuneujuet
Tuha ngoen Muda, Inoeng ngoen Agam
Ban bandum saban, Buta ngoen teubluet

Hajat lon peugah, cobaan Tuhan
Meumacam ragam , ujian Hidup
Seunang ngoen susah, bandum buet Tuhan
Geu ujoe iman, le Tuhan Makbud

Goehloem meu Iman, sidroe droe insam
Meugoeh le Tuhan, cobaan neupeujuet
Meugoeh neu uji, Neubri  ujian
Meubagoe macam, rayoek ngoen ubeut

Meubagoe cara, ujoe le Tuhan
Saba deungan han, Atueh peuneujuet
Ladoem ngoen seunang, geubri cobaan
Tasyukur ngoen han, tanyoe keu Makbud

Ladoem ngoen susah, bala bak Tuhan
Geu ujoe iman, hantroek meukeusud
Pue mantoeng saba, tanyoe ke Tuham
Tasyukur ngoen han, beungeh keu makbud

Meumacam bagoe, cobaan Tuhan
Dalam Quruan, Meunan meukeusud
Meubacut saket, beungeh keu Tuhan
Neuci Bandengkan, ngoen Nabi Aiyueb

Yang ladoem kaya, Tuwoe keu Tuhan
Nabi Sulaiman, Kaya  kon bacut
Yang ladoen Tari, Tuwoe keu Tuhan
Ngoen Daud Kiban, Tanyoeng le Makbut

Yang ladoem gasen, peugah alasan
Tuwoe keu Tuhan, pujoe keu makbud
Kiban Muhammah, Taat keu Tuhan
Hareuta geuh tan, geu eh atueh bluet

Meumada ohnoe, Haba lon karang
Ujian  Tuhan, lon coek meukeusud
Meunyoe na salah, Peubeutoi Rijang
Yang karang nazam, Anuek  Baro juet

Aneuk barosa, ban juet keumarang
Maklum hai rakan, Hana loen jak buet
Sikulah pih han, lon jak buet pih tan
Lon ci keumarang, mangat rijang juet
( Tgk Diyueb Bruek, 28/04/2013 )









0 komentar:

Posting Komentar

Komentar FB :