“HABA BEURAKAH”

======================
"Bhah sie guda"
geu sie guda, diyuep bak asan
troek dalem peukan, jak kira laba

tacok pha keue, keu pak pak rambot
tacok pha likoet, keu pha jeu reungkha

tacok oen punyueng, peugot keu pot-pot
tacok bruek tu'oet, keu bruek beola
bulee grue, keu taloe linggang
taloe keu kang, keu taloe tima

tacok darah ,keu meu lisan
ate hay rakan, keu haluwa
paweue teubai, keu tika eh
paweue lipeh, keu mushalla

adak na lungkee, keu beu reugu
tadeungo sue, meu geumpa donya
nyoe yang na ,chit meu iku
tacok laju ,keu ceumara

geu sie guda ,gohlom meu hase
dijih ka mate, keu pue lom guna.

(Tgk Diyueb Bruek tgl, 29-08-2012)

“ Bak Hakikat “

Na  Alhasil,  bak hakikat

Leupah kudrat, Po ku Rabbi

Meunyoet teupat, niet deungon kasad

Tuhan intat, keubajikan

Meunyoe niet Cikoek,Merudoek meuhat
walaupun pangkat, geutanyoe tinggi

Soe leubeh geutanyoe,ngoen Hadharat

Yang peujuet jasad,ngoen Rohani

Bek doeng bak kieh, meunan yang teupat

Mumat beukoeng that, bak taloe Tuhan bri

(Tgk Diyueb Bruek) 29-Agustus 2012