Pages


Jumat, 03 Mei 2013

“ SEUMEUBUET SIFUET DUA PLOEH “



    Oleh : Tgk Diyueb Bruek/SULAIMAN.A.GANI
====================================
Assalamua’laikom, Waramatullah
Lon pujoe Allah, Sidroe  Ilahon
Sifuet dua ploeh , milek di Allah
Hajat lon peugah, supaya muphoem

Meusoe tan muphoem, sifuet di Allah
Dak ta ibadah, pujoe ilahoen
Hana mamfaat, sinan bube  drah
Ta turi Allah, gata tan muphoem

Meunan meusabda, di Rasulullah
Taturi Allah, wajeb dile phoen
Wajeb meurunoe, nyan sifuet Allah
Meunyan baro sah, turi  ilahon

Eleume Tauhid, peu sidroe  Allah
Mangat bek salah, roeh seumah patoeng
Nyoepat dimiyueb, neubaca bagah
Sifuet di Allah, kalhueh lon susoen

Siseun seun bacut, jinoe lon Surah
Meunyoe na salah, peubeutoi  langsoeng
Meu ‘ah lon lake, rakan meutuah
Keudeh bak Allah, lon lake  Ampon

Ma’rifah Aqidah Tauhid
===================


A. SIFEUT YANG WAJEB BAK ALLAH

1. WUJUD
Na Allah Ta’ala.....!
Ø Lawan jih hana Allah Ta’ala
Ø Pakriban Na Allah
· Hana meukareuna
· Hana meuseubab
· Hana meutempat
· Hana meuwate
· Meuphom Allah Ta’ala hana meukareuna : Allah Ta’ala hana soe peuna.
· Meuphom Allah Ta’ala hana meuseubab : Allah Ta’ala hana soe usaha, hana mak, hana ayah
· Meuphom Allah Ta’ala hana meutempat : Allah Ta’ala hana bak saboh – saboh teumpat
· Meuphom Allah Ta’ala hana meuwate : Allah Ta’ala hana meuwatee ngen saboh – saboh wate
Ø Teuh dali na Allah Ta’ala........? na alamnyoe
Ø Yang geukheun alamnyoe adalah yang selaen Allah, yaitu na dua macam yaitu :
· Yang pertama jirem (zat yang baharu ) : atau zat yang jicok lapang (tempat) contoh jih, lat, batat, kayee, batee
· Yang kedua Aradh (sifeut yang meuubah – ubah) contoh jih meugrak, meu iem, meuwarna warni dan laen – laen
Ø Pakriban tapeugah alamnyoe dali na allah..... ? karena alamnyoe na jih baharu, na meukareuna, na meusebab, na meutempat, na meuwate

2. QIDAM
Sedia Allah Ta’ala.....!
Ø Meuphom kata – kata sedia : Allah Ta’ala hana meuphon na atau shit hana di peuawai lee hana
Ø Lawan jih Baharu arti baharu (meuubah –ubah)
· Pakriban geukheun meu ubah – ubah .......? awai – awai hana oeh dudo kana, oeh dudo lom ka hana.
Ø Teuh dali Allah Ta’ala neumeusifeut Qidam ........? alamnyoe
Ø Pakriban tapeugah alamnyoe keu dali sifeut Qidam Allah.... ? karena na jih dialamnyoe baharu (meubah – ubah)

3. BAQA

Kekal zat Allah Ta’ala selama - lama .....!
Ø Meuphom kekal selama – lama : Allah Ta’ala hana meuseuneulheuh
Ø Lawan jih fana (binasa )
· Meuphom fana : na meuseuneulheuh
Ø Teuh dali Allah Ta’ala neumeusifeut Baqa ........? alamnyoe
Ø Pakriban tapeugah alamnyoe keu dali sifeut baqa Allah.... ? karena alamnyoe ne meuseuneulheuh

4. MUKHLAFATUHU LIL HAWADIST

Hana saban Allah Ta’ala ngen peuneujeut.....!
Ø Lawan jih, saban Allah Ta’ala ngeun peuneujeut bak zat, bak sifeut, bak beut
· Zat Allah Ta’ala : Hana meutuboeh, hana meubukok, hana meubentuk.
· Hana Saban sifeut Allah Ta’ala ngen sifeut makhluk, sifeut yang na bak Allah
hana bak makhluk, sifeut yang na bak makhluk hana bak Allah.
v Sifeut makhluk na keu na likoet, sifeut bak Allah hana keu hana likoet
v Sifeut makhluk na wie na uneun, sifeut bak Allah hana wie hana uneun
v Sifeut makhluk na meuyub na manyang, sifeut bak Allah hana meuyub hana manyang.
v Sifeut makhluk na lua na dalam, sifeut bak Allah hana lua hana dalam
v Sifeut makhluk na meugrak na meu iem, sifeut bak Allah hana meugrak hana meu iem
v Sifeut makhluk na meu warna warni , sifeut bak Allah hana meuwarna –warni dan meumacam – macam yang laen
· Hana saban beut Allah ngen beut makhluk
v Beut Allah Ta’ala barang golom na ek geu peu na, barang yang kalheuh na ek geu peuhana
v Beut Makhluk barang kalheuh na geu peuna lee Allah
Contoh jih : Trou keun karena makanan, puleh grah keun kare ie dll
Ø Teuh dali Allah Ta’ala neumeusifeut mukhalafatuhu lil hawadist........? na alamnyoe
Ø Pakriban tapeugah alamnyoe keu dali sifeut mukhalafatuhu lil hawadist Allah.... ? karena alamnyoe sama bak zat, bak sifeut, bak buet. Bandum zat alam meususon, bandum sifeut alam awai hana dudo kana, oh dudolom ka hana. Bandum beut alam, barang kalheuh na geupeuna lee Allah.

5. QIYAMUHU BINAFSIH

Allah Ta’ala geudoeng keudroe .....!
Ø Makna Allah Ta’ala geudoeng keudroe na dua perkara
v Yang pertama : Allah Ta’ala hana peurle keu zat yang laen
v Yang kedua : Allah Ta’ala hana peurle keu so yang peujeut
Ø Lawan jih peurle keu zat yang laen dan peurle keuso yang peujeut
Ø Pekeun Allah Ta’ala hana peurle keu zat yang laen.....? karena Allah Ta’ala keun sifeut, Allah Ta’ala saboh zat, zat Allah hana geucok lapang, meunyoe zat makhluk jicok lapang.
Ø Pakriban muphom Allah Ta’ala hana peurle keu zat yang laen, hana peurle keu soe peujeut dan hana geucok lapang....? karena Allah Ta’ala kaya dari tiep – tiep peuneujeut.
Ø Teuh dali Allah Ta’ala neumeusifeut qiyamuhu binafsih........? alamnyoe
Ø Pakriban tapeugah alamnyoe keu dali sifeut qiyamuhu binafsih Allah.... ? karena alamnyoe hana kaya bak zat, bak sifeut, bak buet, Zat alam ata Allah, sifeut alam ata Allah dan buet alam ata kaleuh na geupeuna lee Allah.


6. WAHDANIAH

Esa Zat Allah, Esa Sifeut Allah, Esa Buet Allah .....!
Ø Meuphom Esa Zat Allah na dua perkara
v Yang pertama : Zat Allah hana meuseusoen, hana meuasoe, hana meudarah, hana meurat, hana meuteuleung.
v Yang kedua : Zat Allah hana sama ngeun zat laen.
Ø Lawan jih meuseusoen – seusoen zat Allah dan sama zat Allah ngeun zat yang laen.
Ø Pakriban meuphom hana meuseusoen zat Allah .....? hana meutuboeh, hana meubukok, hana meubentuk.
Ø Pakriban muphom hana sama zat Allah ngeun zat yang laen ....? hana Tuhan sidroeteut yang saban ngeun Allah bak zat, bak sifeut dan bak beut.
Ø Meuphoem Esa sifeut Allah : sifeut Allah hana dua – dua atau sifeut Allah hana iduk pat laen. 50 boh i’tikeut yang teukandoeng dalam kalimah Lailahaillallah hana jideuk pat laen, yang na bak Allah.
Ø Meuphom Esa Buet Allah : Buet Allah hana geupakek alat, peu yang geupeugah na langsung na.
Ø Teuh dali Allah Ta’ala neumeusifeut wahdaniah........? alamnyoe
Ø Pakriban tapeugah alamnyoe keu dali sifeut wahdaniah Allah.... ? karena alamnyoe hana Esa zat, hana Esa sifeut, dan hana Esa buet. Sekira jih Allah keun sidroe (Hana Esa) maka alamnyoe pih hana.
Ø Peu beda antara Esa dan satu.....? Esa (Hana permulaan), meunyo satu na permulaan yaitu diawali lee nol (0).

7. QUDRAH

Kuasa Allah Ta’ala.....!

Ø Lawan Jih leumeuh
Ø Meuphom kuasa Allah Ta’ala : ata golom na ek geupeuna, ata kalheuh na ek geupeuhana.
Ø Teuh dali Allah Ta’ala neumeusifeut Qudrah ........? alamnyoe
Ø Pakriban tapeugah alamnyoe keu dali Qudrah Allah.... ? karena alamnyoe leumeuh, ha ek ji peuna barang yang golom na dan ha ek ji peuhana barang yang kalheuh na.
Ø Meunyo hana Qudrah Allah, alamnyoe pih hana

8. IRADAH

Berkehendak Allah Ta’ala.....!
Ø Meu phom berkehendak : Neupeutente barang yang golomna keu na dan barang yang kalheuh na keu hana.
Ø Lawan Jih laloe
Ø Meuphom laloe : teuweu atau hana sengaja
Ø Teuh dali Allah Ta’ala neumeusifeut Iradah ........? alamnyoe
Ø Pakriban tapeugah alamnyoe keu dali Iradah Allah.... ? karena alamnyoe ha ek jipeuteunte barang yang golomna keu na dan yang kalheuh na keu hana
Ø Meunyo hana Iradah Allah, alamnyoe pih hana


9. ILMU

Neuteupu Allah Ta’ala keun ngeun neumeuruno.....!
Ø Allah Ta’ala neuteupu barang yang golomna keu na dan yang kalheuh na keu hana.
Ø Lawan Jih bangai.
Ø Meuphom bangai : na payah na mudah.
Ø Teuh dali Allah Ta’ala neumeusifeut Ilmu ........? alamnyoe
Ø Pakriban tapeugah alamnyoe keu dali ilmu Allah.... ? karena alamnyoe bangai, alamnyoe hana jiteupeu barang golom na keu na dan hana ji teupu ha ek jipeuteunte barang yang golomna keu na dan yang kalheuh na keu hana
Ø Meunyo hana Ilmu Allah, alamnyoe pih hana


10. HAYAH

Udep Allah Ta’ala keun ngeun nyawong.....!
Ø Lawan Jih mate.
Ø Setiap yang udep ngon nyawong pasti mate.
Ø Teuh dali Allah Ta’ala neumeusifeut hayah ........? alamnyoe
Ø Pakriban tapeugah alamnyoe keu dali hayah Allah.... ? karena alamnyoe pasti mate.
Ø Meunyo hana hayah Allah, alamnyoe pih hana

11. SAMA’

Neumeudeungoe Allah Ta’ala keun ngeun ruhung gelinyung....!
Ø Lawan Jih klo.
Ø Meuphom klo : suara jeuoh handeuh geudeungoe, zat yang hana sura handeuh geudeungoe.
Ø Teuh dali Allah Ta’ala neumeusifeut sama’ ........? alamnyoe , qur’an, hadist dan ijmak (ulama)
Ø Pakriban tapeugah alamnyoe keu dali sifeut sama’ Allah.... ? karena alamnyoe klo, suara yang juoh handeuh ji deungoe, zat yang hana suara handeuh di deungo. Alam nyoe jideungo, geupeudeungoe le Allah.


12. BASHAR

Geukeumalon Allah Ta’ala keun ngeun mata....!
Ø Lawan Jih buta.
Ø Meuphom buta : yang jeuoh handeuh geu kaleun, yang padeuk handeuh geukaleun.
Ø Teuh dali Allah Ta’ala neumeusifeut bashar ........? alamnyoe , qur’an, hadist dan ijmak (ulama)
Ø Pakriban tapeugah alamnyoe keu dali sifeut bashar Allah.... ? karena alamnyoe buta, yang juoh handeuh ji kaleun, yang zat padek handeuh jikaleun. Alam nyoe ji keumalon, geupeukaloen le Allah.


13. KALAM

Neumeututo Allah Ta’ala keun ngeun lidah dan hana meuhuruf dan hana meusuara dan hana salah dan hana neu iem, hana awai hana akhe....!
Ø Lawan Jih bisu
Ø Teuh dali Allah Ta’ala neumeusifeut kalam........? alamnyoe , qur’an, hadist dan ijmak (ulama)
Ø Pakriban tapeugah alamnyoe keu dali sifeut kalam Allah.... ? karena alamnyoe bisu, tuto alamnyoe geupeujeuet lee Allah.

14. QADIRUN

Yang kuasa........!
Ø Lawan Jih yang lemah
Ø Meuphom yang kuasa : dalam sekejap Allah Ta’ala ek geupeuna barang yang golomna dan ek geupeuna barang yang kalheuh na seluruh alam
Ø Teuh dali Allah Ta’ala neumeusifeut qadirun........? alamnyoe
Ø Pakriban tapeugah alamnyoe keu dali sifeut qadirun Allah.... ? karena alamnyoe ha ek jipeuhana barang yang kalheuh na dalam sekejap seluruh alam.
Ø Meunyoe hana qadirun Allah, alamnyoe pih hana.

15. MURIDUN

Yang peutente........!
Ø Meuphom yang peutente : dalam sekejap ek geupeuteunte barang yang golom na keu na dan ek geu peuntente barang yang kalheuh na keu hana seluruh alam
Ø Teuh dali Allah Ta’ala neumeusifeut muridun........? alamnyoe
Ø Pakriban tapeugah alamnyoe keu dali sifeut muridun Allah karena alamnyoe ha ek jipeuhana barang yang kalheuh na dalam sekejap seluruh alam.
Ø Meunyoe hana muridun Allah, alamnyoe pih hana.

16. ‘ALIMUN

Yang teupeu ........!

Ø Lawan jih yang bangai
Ø Meuphom yang teupue : dalam sekejap Allah Ta’ala sanggup geuteupeu barang yang golomna keu na dan barang yang kalheuh na ke hana dalam sekejap seluruh alam dan droe neuh Tuhan
Ø Teuh dali Allah Ta’ala neumeusifeut ‘alimun........? alamnyoe
Ø Pakriban tapeugah alamnyoe keu dali sifeut ‘alimun Allah karena alamnyoe han sanggop jiteupeu barang yang golomna keu na dan barang yang kalheuh na keu hana sekejap seluruh alam beserta droe jih alam.
Ø Meunyoe hana ‘alimun Allah, alamnyoe pih hana


17. HAYYUN

Yang hudep ........!

Ø Lawan jih yang mate
Ø Meuphom yang hudep : yang hana mate – mate
Ø Teuh dali Allah Ta’ala neumeusifeut hayyun .......? alamnyoe
Ø Pakriban tapeugah alamnyoe keu dali sifeut hayyun Allah karena alamnyoe yang mate.
Ø Meunyoe hana hayyun Allah, alamnyoe pih hana


18. SAMI’UN

Yang meudeungoe ........!
Ø Lawan jih yang klo
Ø Meuphom yang meudeungo : dalam sekejap Allah Ta’ala sanggup geudeungo zat yang na suara dan zat yang hana suara dalam sekejap seluruh alam serta kalam droe neu Allah
Ø Teuh dali Allah Ta’ala neumeusifeut sami’un.......? alamnyoe, qur’an, hadist dan ijmak (ulama)
Ø Pakriban tapeugah alamnyoe keu dali sifeut sami’un Allah karena alamnyoe han sanggop dideungo zat yang na suara dan yang hana suara dalam sekejap seluruh alam beserta suara droe jih alam.

19. BASHIRUN

Yang keumalon ........!
Ø Lawan jih yang buta
Ø Meuphom yang keumalon : dalam sekejap Allah Ta’ala sanggup geukalon seluruh alam dan droe neu Allah
Ø Teuh dali Allah Ta’ala neumeusifeut bashirun.......? alamnyoe, qur’an, hadist dan ijmak (ulama)
Ø Pakriban tapeugah alamnyoe keu dali sifeut bashirun Allah karena alamnyoe buta han sanggop jikalon dalam sekejap seluruh alam dan droe jih alam.

20. MUTAKALLIMUN

Yang meututo ........!

Ø Lawan jih yang bisu
Ø Meuphom yang meututo : yang hana iem – iem, Allah Ta’ala sabe – sabe geu meututo hana pernah geu iem.
Ø Teuh dali Allah Ta’ala neumeusifeut mutakalimun .......? alamnyoe, qur’an, hadist dan ijmak (ulama)
Ø Pakriban tapeugah alamnyoe keu dali sifeut mutakalimun Allah karena di alamnyoe yang iem, hanjeut di meutuo menyoe hana geupeujeut le Allah.


B. SIFEUT YANG HARUS BAK ALLAH
=========================================

21. Sifeut yang harus bak Allah na saboh
Ø Neu peugot tiep – tiep mungken atau hana neu peugot
Ø Lawan jih wajib neu peugoet tiep – tiep mungkin atau wajib hana neu peugoet
Ø Mungken na 4 perkara :
v Mungken na oh lheuh hana, contoh jih alamnyoe
v Mungken hana oh lheuh na, contoh jih nabi dan rasul
v Mungken yang akan datang, contoh jih uroe kiamat
v Mungken dalam ilmu Allah tapi hana neu peugot, contoh jih iman abu jahal dan iman abu lahab. Dalam ilmu Allah mungken geupeuiman tapi hana geupeuiman

22. Wajeb tai’tikuet Allah Ta’ala hana neucok faedah bak segala buet dan bak segala hukom
Lawan jih geucok faedah bak segala buet dan bak segala hukom

23. Wajeb tai’tikuet haek jibri bekas dengan kekuatan bak segala makhluk
Lawan jih ek jibri bekas dengan kekuatan bak segala makhluk

24. Wajeb ta’itikeut baharu sekalian alam.
Lawan jih qadim

25. Wajeb ta’itikeut haek jibri bekas dengan tabi’at bak sekalian makhluk
Lawan jih ek jibri bekas dengan tabi’at bak sekalian makhluk



C. WAJEB ATEUH TIEP – TIEP UREUENG ISLAM YANG MEU AKAI DAN KATROH UMUE (MUKALLAF) JITURIE I’TIKEUT YANG TEUKANDOENG DALAM KALIMAH MUHAMMADURRASULLAH
==========================================================================

I. Sifeut yang wajeb bak bandum – bandum rasul na 4 boh, lawan jih 4 keu 8

II. Sifeut yang harus bak Rasul na saboh lawan jih saboh jeut dua

III. Wajeb ta’itikeut bandum – bandum Nabi dan Rasul agam, lawan jih ineung

IV. Wajeb ta percaya na 4 boh lawan jih 4 jeut keu 8

Jumlah bandum – bandum na 20 boh


I. SIFEUT YANG WAJEB BAK BANDUM – BANDUM RASUL
==========================================

1. SHIDIQ
Arti jih benar
Ø Lawan jih sulet
Ø Wajeb ta ‘itikeut bandum rasul benar peu nyang geupeugah masalah donya dan masalah akhirat.
Ø Meseujih : geupeugah lee rasul, phon phon dalam agama wajeb taturie Allah dan rasul, taingkar hana wajeb taturie, hukom jih murtad (kafir)

Ø Meseu yang kedua : masalah dalam donya, wajeb tuntut ileme ateuh tiep-tiep ureung islam agam dan ureung islam inong mrunyoe ta ingkar hukum jih murtad (kafir)
Ø Peunyang geupeugah nyan wajeb ta i’tikeut bandum benar

2. AMANAH

Artinya kepercayaan
Ø Meuphom dari pada kepercayaan : wajeb ta percaya bandum – bandum rasul hana geu peubuet buet – buet yang geularang lee Allah

Ø Lawan jih khianat
Ø Meuphom pada khianat : geupubuet buet yang geularang lee Allah nyang hareum dan nyang makruf.
Ø Meuphom khianat yang laen :
v Geutuka ta’at ngeun maksiet
v Geutuka haleu ngeun hareum
v Geutuka wajeb ngeun sunat
Ø Sibarang kasoe jiteuka yang taa’at jipeugeut keu maksiet, yang maksiet jipeugeut keu ta’at, yang wajeb jiei’tikeut sunat, yang sunat jiei’itikuet keu wajeb, yang hareum jiei’tikeut keu haleu, yang haleu jiei’tikeut keu hareum, hukoem jih murtad (kafir).
Ø Sibarang kasoe jiei’tikeut rasul na geupuebuet salah hukom jih murtad (kafir)

3. TABLIGH

Artinya geusampaikan wahyu dari Allah kepada umat

Ø Lawan jih geusom
Ø Wajeb tai’tikeut peumantoeng nyang geusampaikan lee rasul bandum suruh Allah Ta’ala (bandum barangnyan dari Allah Ta’ala)
Ø Sibarangkasoe hanji pateh peu manteung yang geusampaikan lee rasul, nyan ureueng nyang hana pateh Allah, hukomjih murtad (kafir)
Ø Meuphom dari pada kepercayaan : wajeb ta percaya bandum – bandum rasul hana geu peubuet buet – buet yang geularang lee Allah

4. FATHANAH

Artinya careung

Ø Lawan jih bangai
Ø Wajeb tai’tikeut bandum rasul careung hana bangai.


II. SIFEUT YANG HARUS BAK BANDUM RASUL SABOH
=============================================
Neumepeurangui ngen tuboeh manusia nyang hana kureung martabat

Ø Lawan jih neumeupeurangui ngen tuboeh manusia yang kureueng martabat
Ø Contoh yang kureueng martabat : Luka – luki, meukurap, kudee, supak, buta, budok ban bandumnyan hana bak rasul.
Ø Sibarang kasoe jii’tikeut na rasulnya kureung martbat, hukom jih murtad (kafir).


III. WAJEB TAI’TIKEUT BANDUM NABI DAN RASUL AGAM LAWAN JIH INEUNG.
=====================================================================

IV. WAJEB TAPERCAYA NA 4 MACAM :

1. WAJEB TAPERCAYA KEPADA SEGALA NABI
Ø Lawan jih hana wajeb ta percaya pada segala nabi.
Ø Jumlah nabi 124000 droe, nyang jeut keu rasul 313 droe, wajeb taturi nan 25 droe.

1. Nabi Adam                     14. Nabi Musa
2. Nabi idris                        15. Nabi Harun
3. Nabi Nuh                        16. Nabi Zulkifli
4. Nabi Hud                        17. Nabi Daud
5. Nabi Saleh                      18. Nabi Sulaiman
6. Nabi Ibrahim                   19. Nabi Ilyas
7. Nabi Luth                        20. Nabi Ilya’sa
8. Nabi Ismail                      21. Nabi Yunus
9. Nabi Ishaq                      22. Nabi Zakaria
10. Nabi Yaqub                   23. Nabi Yahya
11. Nabi Yusuf                    24. Nabi Isa
                                          25, Muhammad S.A.W.
12. Nabi Aiyub
13. Nabi Su’id



Ø Nabi Muhammad lahe nabi di nanggroe makkah

Ø Mak Nabi Muhammad : Aminah Aneuk Wahab

Ø Nama Ayah Nabi Muhammad : Abdullah aneuk Abdul Muthalib aneuk Hasyem aneuk Abdul Manaf.

Ø Nabi Muhammad bangsa Quraisy, rupa Nabi Muhammad tari lagee buleuen purnama 14 uroe buleun, warna kulet puteh, hidung Nabi Muhammad mancong.

Ø Nabi Muhammad geuangkat keu Nabi dan Rasul umu 40 thoen, di nanggroe Makkah, lheuh geuangkat keu Nabi dan Rasul, Nabi Muhammad tinggai di Makkah 13 thoen, umu Nabi 53 thoen geuhijrah u Madinah, Nabi Muhammad tinggai di Madinah 10 thoen, jumlah umu Nabi 63 thoen, wafeut Nabi di Madinah, Kubu Nabi didalam Mesjid Nabawi

2. WAJEB TAPERCAYA SEGALA MALAIKAT

Ø Lawan jih hana wajeb ta percaya segala malaikat.
Ø Wajeb ta percaya bandum malaikat keun agam keun ineung, hana makan hana minum, hana mak hana ayah, hana geupeubuet dosa selama udep. Malaikat makhluk Allah yang paleung leu, yang wajeb buet taturi nan dan buet 10 droe.

1. Malaikat Jibril : Suruh Allah neupeutroen wahyu
2. Malaikat Mikail : Nyang peutroen ujeun dan rezeki
3. Malaikat Israil : Nyang tung nyawong seluruh Allah
4. Malaikat Israfil : Droe neh nyang yup sangkakala
5. Malaikat Mungkar : Nyang teumanyoeng dalam kubur
6. Malaikat Nangkir : Siksa mayet dalam kubur
7. Malaikat Rakib : Surat amal kebajikan
8. Malaikat Atid : Surat amal kejahatan
9. Malaikat Malik zabaniah : Jaga Neraka
10. Malaikat Malik Ridwan : Jaga syuruga

Ø Sibarang kasoe jiei’tikeut malaikat na geupeubuet salah, sibarangkasoe jipeuhina malaikat, sibarangkasoe hana jipercaya kepada malikat hukom jih murtad (kafir).

3. WAJEB PERCAYA PADA SEGALA KITAB

Ø Lawan jih hana wajeb percaya pada kitab.
Ø Kitab nyang geupeutreun dari langet : 104 boh, kitab yang terakhir geupeutreun Al-Qur’an, 103 boh kitab seugohlom Al- Qur’an , ka geumenshokh (hana berlaku lee hukom), hukom kitab yang berlaku Al- Qur’an semenjak geupeutron Al- Qur’an sampoe uroe kiamat.

Ø Meuphom wajeb percaya kepada kitab : wajeb tapateh peu nyang geupeugah dalam Al – Qur’an
· Didalam Al – Qur’an geupeurintah geuyuepeubuet kebajikan
· Didalam Al – Qur’an geularang peubuet kejahatan
· Didalam Al- Qur’an , Allah geumeujanji geubri pahala kepada ureueng yang peubuet kebajikan
· Didalam Al- Qur’an , Allah geumeujanji geubri siksa kepada ureueng yang pubuet kejahatan.
· Didalam Al- Qur’an , geupeugah sejarah Rasul
· Didalam Al- Qur’an , Allah geupeugah pedoman udep kepada manusia, udep dalam donya dan udep di akhirat.
· Sebarang kasoe hana dipateh kitab, hukom jih murtad

4. WAJEB TAPERCAYA KEPADA AKHIRAT

Ø Lawan jih hana wajeb tapercaya kepada uroe akhirat.
Ø Meuphom wajeb tapercaya kepada uroe akhirat antara lain :
· Geutanyoeng umu yang geubri lee Allah pat tagunakan.
· Uroe akhirat jaroe ngeun aki jipeugah aba.
· Uroe akhirat geutanyoeng rezeki pat tacok dan pat tagunakan.
· Uroe akhirat ureung kalheuh mate bandum geupeudeup
· Di akhirat geutimang amal kebajikan dan amal kejahatan.

· Di akhirat ureueng yang meu iman geu brie ie kulam nabi, ureueng kafe dan ureueng syirik hana geu brie ie kulam nabi. Ureueng yang geubri ie kulam nabi hana jie pajoeh lee apui mereka.
· Uroe akhirat, na jak ateuh tutue Siratal Mustaqim yang paleng aloh dan yang paleng tajam.

· Di akhirat ureueng yang mukmin yang tameung lam neraka na tubiet geupeutameung dalam surga, ureueng kafe dan ureueng syirik kekal didalam neraka selama-lamanya hana tubiet lee.

· Urueng yang meuiman geupeutameung dalam surga kekal selama – lamanya.
· Sibarang kasoe hana dipercaya kepada kiamat hukom jih murtad (kafir).
· ==============================================================

0 komentar:

Posting Komentar

Komentar FB :