““ ULAT LAM CAMPLI “

    Oleh : SULAIMAN.A.GANI

=================================

Alhamdulillah, Wabihamdihi
loen  pujoe Rabbi, Azawajalla

Langet mgoen Bumoe, seueuta  isi

Bandum buet Rabbi, Maha pencipta

Seulawuet saleum, ohlhuehnyan  lagi

Pang ule Nabi, khatam ambiya

Yang ba risalah, wahyu  ilahi

Meunyan keuh Nabi, janjongan Alam

Lhuehnyan Saleum lon, yang susoen Rawi

Ayah ngoen ummi, Duson ngoen Kota

Hajat lon kisah, na  saboeh  Rawi

Ulat lam Campli, ulon calitra

Gaseh ngoen sayang, Rahmat  Ilahi

Keu  Hamba neubri, Hana  meubeda

Miseu  Umpama, contoh ulon bri

Ulat  Lam Campli, neuci pareksa

Eumpuen di ulat, ka meuhat  campli

Rahmat Tuhan bri, keueng  jih hana

Han peudeh mata, seureuta  Gusi

Hana Tuhan bri, liya  Anggota

Ci manusia, meukeunoeng campli

Ka peudeh  gusi, pue  lom lam mata

Ka  liya tuboeh, peudeh han  sakri

Santan jak cari, ubat  peunawa

Tapi di ulat, udep lam campli

Hana  Tuhan bri, liya  Anggota

Han peudeh mata, seureuta  gusi

Dum nan di Rabbi, Gaseh keu  Hamba

Rahman ngoen Rahim, gaseh Ilahi

Keu hamba neubri, lam batat  dumna

Nyan Sifuet  Rahman, di Allah  Neubri

Lam Donya  ini, hana  meubeda

 Meusifuet Rahim, Gaseh  Ilahi

Keudeh Tuhan bri, Blang padang  masya

Keu Urueng  Kafe, hanale geubri

Khusus  Islami, meu  iman  saja

( Tgk Diyueb Bruek/Sulaiman.A.Gani)

Tanggal , 12  November  2012