Pages


Sabtu, 04 Mei 2013

“WASIET NABI ADAM. KEU ANEUK (NABI SYS. AS)



Oleh : SULAIMAN.A.GANI
===========================
Alhamdulillah, lon pujoe Tuhan
Khaliqul Alam, Maha kuasa
Nyang bri raseuki, keupada Insan
Uroe ngon malam, jeut-jeut kutika

Seulaweut saleum, teuma ‘ohlheun nyan
Akan janjongan, Rasul  Mustafa
Ateuh Keluarga , sahabat sajan
Dan lom ikutan, bandum  Ambia

Assalamu’alaikum, saleum lon layang
Jamak sapaan, tuha ngon muda
Neubri  Ya  Allah, pikiran beutrang
Hajat lon karang, saboeh  Mustika
 
Nibak uroe nyoe, lon cuba karang
Hikayat Nabi Adam, deungoen  aneuknda
Neukeubah wasiet, bak  anuek Badan

Nibak si uroe, di Nabi Adam
Wasiet geupulang, akan Anuekda
Limoeng perkahra, geuyue  sampaikan
Deungoe hai rakan, seun seun sibanja

Troek  aneuk cucoe, geyue sampaikan
Sinoe lam alam, ban sigoem donya
Mulai jinoe,  sampoe komdian
Hingga troek datang, kiamat donya

Peureutama phon, hai bani Adam
Meubek that seunang,  Gata ngon donya
Contoeh ulonnyoe , geukheun di Adam
Meurasa  that seunang, dalam syurga

Takalon  jinoe, seubab lagee nyan
Di  ulon tuan, ka roet  ulua
Meunyang kedua, wahee ikhwan
Ka wasiet Adam, nibak aneuknda

Meubek tapubuet, nyan perbuatan
Peuseutot kemauan, peurumoh gata
Ulon  yoeh awai, pih meunan macam
Ikoet kemauan, nyan Siti hawa

Seubab  lon pubuet, karoeh  ikotkan
Larangan  Tuhan, ka ulon langga
Pajoeh Boh khuldi, nibak masa nyan
Ulon  ‘ap rijang, dudoe keucewa

Teuma yang kelhe,  tiep perbuatan
Meuta lakukan, wahai aneuknda
Seubab  akibat, beuta pertimbangkan
Mangat  seujalan , deungon reuncana

Meunyoe  yoeh awai, di ulon meunan
Hana  lon makan, boeh khuldi nama
Han lon pateh, kata azwajan (peureumoh)
Hana hukoman, peutroen u donya

Teuma keupuet , nyoe ulon peutrang
Meuhatee tan seunang, bak saboh perkahra
Tapeuji’oh droe, meubek guransang
Hatee paleng dalam, pasti jirasa

Yoeh masa awai, geukheun Adam
Di ulon tuan, weh-weuh lagoina
Hana le mantap, ‘oh ulon makan
Oh dudoe datang, meunyeusai teuka

Meuyang keulimoeng,  bandum urosan
Musyawarah beurijang, tiep-tiep perkara
Meunyoe  di ulon, yoeh awai meunan
Ngon malaikat Tuhan, lon bicara

Han akan keunong, lagee nyoe macam
Teutap bertempatkan, dalam syuruga
Ka ban  limong, ulon sampaikan
Tulong neuci pham, wahee syedara

Ohnoe meumada, keu wasiet Adam
Keu peuringatan, geutanyoe dumna
Meupat na salah, atawa kesilapan
Peumeu’ah rijang, hana lon saja

SILSILA ANUEK NABI ADAM .A.S.
=======================================
Nabi Adam a.s. memiliki putra-putri sebanyak 40 orang (20 pasang). Beberapa sumber riwayat yang lain mengungkapkan bahwa Nabi Adam as mempunyai 25 orang anak, 24 orang lahir berpasangan yaitu lak-laki dan perempuan,kecuali nabi Syits as sebagai anak ke 5, dilahir dengan sangat istimewa tanpa tanpa ada pasangannya, bahkan tanpa sel telur Siti Hawa dalam sebuah riwayat yang lain. Jadi menurut riwayat ini ada 13 orang putra laki-laki nabi Adam dan ada 12 orang perempuan. Putra-putri Nabi Adam as konon menurut sebuah riwayat dilahirkan berurutan : laki-laki,perempuan,perempuan,laki-laki ,laki-laki,perempuan, perempuan, laki-laki, laki-laki, perempuan, perempuan,laki-laki, begitu seterusnya.

1. Cayn dan saudara perempuannya,
... 2. Qobil dan Iqlima,
3. Ashut dan saudara perempuannya.
4. Habil (Abel) dan Labuda,
5. Sys
6. Ayad dan Hazura,
7. Balagh dan saudara perempuannya,
8. Athati dan saudara perempuannya,
9. Tawbah dan saudara perempuannya,
10. Darabi dan saudara perempuannya,
11. Hadaz dan saudara perempuannya,
12. Yahus dan saudara perempuannya,
13. Sandal dan saudara perempuannya,
14. Baraq dan saudara perempuannya.
15. Wadd dan dan saudara perempuannya,
16. Suwa dan saudara perempuannya,
17. Yaghuth dan saudara perempuannya,
18. Ya’uq dan saudara perempuannya
19. Nasr dan saudara perempuannya

(Urutan putra-putri Nabi Adam ini masih belum dipastikan dengan baik. Hanya ada riwayat yang mengatakan bahwa Habil adalah putra ke-empat, Dan Nabi Sys adalah putra ke-5 yang menikah dengan adiknya Hazura putra/putri ke-enam nabi Adam a.s.)

Qobil Dan Habil adalah dua putra Nabi Adam yang namanya disebut-sebut dalam Al Qur’an. Qobil menolak menikah Labudza, dan membunuh Habil. Inilah yang disebutkan sebagai peristiwa pembunuhan manusia yang pertama kalinya.

Nabi Syits as menikah dengan adik nya yang nomor enam yaitu Hazurah yang pasangannya meninggal sewaktu dilahirkan,nabi Syits as mempunyai anak setelah berumur 105 tahun,dan usianya mencapai 1402 tahun. Nabi Syits as lahir 5 tahun setelah Habil,Habil anak nomor 4. Riwayat lain mengatakan bahwa adik Nabi Sys yang dilahirkan tidak berpasangan hanya wanita saja adalah Siti Hunun.

================================000=================



0 komentar:

Posting Komentar

Komentar FB :