Oleh :
SULAIMAN.A.GANI/TGK.DIYUEB BRUEK
=========================================
Di Aceh meugah, Syiah Kuala
Yoeh saboeh masa, meusyuhu konle
Po teumeureuhom, Iskandar
muda
Yang mat kuasa, leupah that ade
Rakyat that seunang, aman sentosa
Adak agama, kuat bukoen le
Seuramoe meukah, meugah u lua
Meucuhu nama, sampoe u meuse
Peuran Ulama, ka deungon Raja
Bersama sama, rakyat
geupike
Kon lage jinoe,
takalon nyata
Peuran Ulama, jinoe
hana le
Seuramoe meukah, ka meube banga
Ulama ngon umara, jinoe kacre bre
Ka maseng keudroe, soe pakoe
hana
Hukom Agama, hanle
soe pike
Umat lam maksiet, sabe tiep
masa
Kawoem ulama,
geuteugah hanle
Meunyoe lagenyan,
Aceh mulia
Fungsi Ulama, meubacut
tanle
Wareh di Nabi,
kawoem ulama
Wirasatul Ambiya,
jinoe hana le
Hanle soe ceugah, yang pubuet dosa
Aceh mulia, karoeh
lam jahe
Lon lake meuah,
nibak ulama
Lon karang haba, ulon
boeh tamse
Ulama di Aceh, lon
boeh umpama
Rimueng ngoen singa, gigoe hanale
Ulama ka laloe, peuseutoet
donya
Yang pubuet dosa,
jitakoet tanle
Sidroe dua droe, matoeng Wibawa
Jaroe meusingkla, gaki
meurante
Babah ka meucoeb, ngoen
jaroem tika
Kawoem ulama, suara
tanle
Maka jih maksiet, meuraja lela
Kareuna ulama, kompak
hanale
Kon lage jamuen, yoeh masa “PUSA “
Kompak ulama, ceugah buet
jahe
Aliran sesat,
tadeungoe hana
Seubab ulama, Kompak bukoen
le
Maka lagenyoe, geutanyoe
rasa
Aceh mulia, lam
bala sabe
Qanun MPU, meuhoe tanuek ba
Meunyoe ulama, mantoeng lam cre bre
Meumada ohnoe, haba lon rika
Peuran ulama, ulon peusampe
Neubri Tuhanku, Kompak Ulama
Aceh mulia, bek roeh
lam jahe
( Tgk Diyueb Bruek, 16/04/2013)
============================
Terbit Majalah Gema Baiturrahman Tgl 19/04/2013
0 komentar:
Posting Komentar