Pages


Sabtu, 04 Mei 2013

MARHABAN YA RASULULLAH. اَللَّهُمَّ صَلِّ عَلَى سيّدنا مُحَمَّدٍ وَ عَلَى آلِ سيّدنا مُحَمَّدٍ =============================



MARHABAN YA RASULULLAH.
اَللَّهُمَّ صَلِّ عَلَى سيّدنا مُحَمَّدٍ وَ عَلَى آلِ سيّدنا مُحَمَّدٍ
=============================
Deungoen bismillah, uloen mulai,,
Cuba meurawi, meu sikrek dua,,
Seubagoe tanda, cinta keu Nabi,,
Gantoe khanduri, lam donya maya,,

Mandum syedara, ayah ngoen ummi,,
Bak MILAD Nabi, ta peumulia,,
Yang na beulanja, cuba khanduri,,
Ngoen niet yang suci, peuget acara,,

Baginda Rasul, Muhammad Nabi,,
Seujroeh2 insani, didalam donya,,
Taseumarakkan, lahernya Nabi,,
Teu buka kunci, pinto syuruga,,

Geutanyoe ummat, sunnat khanduri,,
Keupada Nabi, beuna seutia,,
Tarayakan, Dhahirnya Nabi,,
Tuhanku Neubri, meuribee pahala,,

Amponan dosa, puteh keumbali,,
Tamse si bayi, ban leumah donya,,
Hana meu noda, dosa insani,,
Cukoep meu arti, janji seutia,,

Yoh masa hijrah, pindahnya Nabi,,
Kaom Ansari, berpesta pora,,
Jipeh ngoen tambo, goyang meunari,,
Jisamboet Nabi, get that mulia,,

Meusoe yang hantem, ingat keu Nabi,,
Maulod ta anti, peuduli hana,,
Tanna syafa'at, keu nyan insani,,
Nyan biek YAHUDI, MUNAFEK nama,,

Peugah droe ummat, sunnah ta anti,,
Peugah paduli, bak buet ka hana,,
Ta preh keuh bala, singoeh Tuhan bri,,
Seumpet rezeki, ho yang ta mita,,

Kiban seutia, Baginda Nabi,,
Ummat bak bibi, wafeut maulana,,
Beukoen keuluarga, aneuk ngoen istri,,
Beukoen syit Ali, ngoen saydina 'Uma,,

Keupeu dak kaya, harta meuguni,,
Hana meu arti, geutanyoe hamba,,
MILAD baginda, tan ta paduli,,
Lagei pancuri, celeng mushalla,,

Ta meuseulaweut, keupada Nabi,,
Tanyoe hai akhi, makmu seujahtra,,
'Oh akhe teuka, Rahmat Tuhan bri,,
Syafa'at Nabi, leupah bak bala,,

Rahmat Allah, ateuh Habibi,,
Muhammad Nabi, yang that mulia,,
Wareh sahabat, lengkap dum sari,,
Berpangkat tinggi, ureung mulia,,

Deungoen beureukat, mukjizat Nabi,,
Didunia Neubri, dalam taqwa,,
Taufiq hidayah, ikhlah lam hati,,
Sabe lam suci, tiep2 kutika,,

Mate lam iman, leupah bak titi,,
Syuruga Neubri, Jannatul makwa,,
Kaloen Dzat Tuhan, sajan ngoen Nabi,,
Watee teujali, dalam syuruga,,
===============================


0 komentar:

Posting Komentar

Komentar FB :