FADHILAH 10 SURAT DALAM AL-QUR’AN “

=====================================
Alhamdulillah, lon puphoen Kalam

Lon pujoe Tuhan, Azawajalla

Yang bri raseuki, yang peuna peutan

 Peutroen Al-Qur’an, keunoe u donya

Selawuet saleum, akan janjongan

Utusan Tuhan, Ban sigoem donya

Yang phon teurimoeng, kitab Al-qur’an

Rasul pilihan, khatam Ambiya

Saleum ulon bri, keu bandum rakan

Inoeng ngoen Agam, tuha ngoen muda

Siploeh boh surat, dalam Al-qur’an

Fadhilah kiban,  ulon calitra

Tuhan neupeutron, kitab  Al-qur’an

Untuk peudoman, umat lam donya

Le that fadhilah, Asoe  Al-qur’an

Meumacam macan, meukhuen ulama

Jinoe lon peugah.  Siploeh boeh surah

Tatueng Faedah, Meuyue  ulama

Rayoek mamfaat, Meu ta  amalkan

Deungoe hai rakan,seun seun sibanja

Meusoe yang Amai, Surat Al- Fatihah
Murka bak Allah, keu gata hana
Meusoe yang baca,  kalam di Allah
Pintoe neupeuhah, syuruga lapan

Keu  Surat Yasin , jinoe lon peugah
Akan  faedah, Kalam  Rabbana
Blang Padang masya, Tanyoe hana grah
Neubri le Allah, gadoeh  dahaga

Surat Ad-Dukhan, meunan sit ulah

Neubri le Tuhan, susah teuh hana

Blang padang masya, digoeb susah

Meu ditanyoe  sah,  dalam gembira

 Surat Al-Waqiah, Neubri  faedah

Raseki mudah, tanyoe han  papa
Sabe neutuloeng, tanyoe le Allah
Surat al- waqiah, Amai  le  gata

Meu  Surat Al-Mulk, Raya faedah
Tanyoe han susah, di Alam baqa
Dalam kubu , cahaya  ceureulah
Geunaseh Allah, geu azueb  hana

Surat Al-Kautsar , meunoe  faedah
Kudrah  iradah, Allah  ta’ala
Jeuoh bak musoeh, dengki  amarah
Tuhan peusiblah, tanyoe bak  mara

Surat Al-Kafirun,  kufur di ceugah
Iman keu Allah, Goyang teuh  hana
Oh wate  Sukruet, tawoe  bak Allah
Jie teubiet arwah,  iman  lam dada

Surat Al-Ikhlas , Meunoe geupeugah
Munafik keu Allah, tanyoe  dijaga
Ceugah munafik , meubuet ngoen lidah
Tanyoe ngoen  Allah, han  darohaka

Surat Al-Falaq , Maksiet di ceugah

Raya faedah,  Amai le  gata
Ileume sihe , Sekeutu  Allah
Tuhan  peusiblah, bak tipu  daya

Nyan Surat An-Nas , pih le faedah
Gata di ceugah , khawatiran  hana
Hana syoek sangka, tanyoe keu Allah

 Pubuet  ibadah, Ikeulah  seumata

Siploeh  boeh Surat, Kalam  hadharat
Kabeh loen surah, mamfaat  keu gata

Beutatem Amai, Ikeulah  that  that
Tatueng mamfaat, Nazam lon rika

Meunyoe na salah, peu beutoi leugat

Deungan hadharat, bek  juet keu dosa

Neutueng  keu Amai, saboeh  ibadat

Lon tueng Mamfaat, Blang padang masya

( Tgk Diyueb Bruek , 17/04/2013  )

 Fadhilah 10 surat nyan adalah Asoe karangan syekh ibnu hajar dlm kitab Nashaihul 'ibad.

10 surat dalam Al-Qur’an dapat mencegah 10 perkara :

========================================
1. Surat Al-Fatihah mencegah kemarahan Allah
2. Surat Yasin mencegah kehausan dihari kiamat
3. Surat Ad-Dukhan mencegah kesusahan dihari kiamat
4. Surat Al-Waqiah mencegah kefakiran
5. Surat Al-Mulk mencegah siksa kubur
6. Surat Al-Kautsar mencegah permusuhan
7. Surat Al-Kafirun mencegah kekufuran ketika dicabut roeh
8. Surat Al-Ikhlas mencegah kemunafikan
9. Surat Al-Falaq mencegah iri hati seseorang

10. Surat An-Nas mencegah was-was

================000======================