Ubat peunyaket

Oleh : Agam Sidroe

=============================

Naseb di kapai, diateuh buket,,

Leumpah that saket, meu ie pih hana,,
Cukoep meurasa, gatai lam kulet,,
Haba yang sulet, hana peunawa,,

Beuthat lam donya, masa cukoep treb,,
Geutanyoeng hudep, sabe lam lagha,,
Bayangan maya, donya peu lilet,,
Hantom meu siblet, ta coem mushalla,,

Baro teujaga, 'oh teuka saket,,
Baro meurateb, 'oh teuka geumpa,,
Peutoe mushalla, 'oh teuka ceuret,,
Watee meu cupet, peutoe 'Ulama,,

'Oh watee jaya, mata goeh teupet,,
Habeh meu piret, rakyat jeulata,,
Habeh ta seksa, ureung yang 'abed,,
Aneuk miet ciret, pih keunoeng tampa,,

Bak mita kaya, ta tem meusulet,,
Bak mita pijet, ta tem toet tika,,
Mantoeng meuruwa, buya meu pet2,,
Beu that brat ta let, hase han teuka,,

Bek tapoh buya, ngoen sadeup kawet,,
Bek tapoh pijet, ngoen ta toet tika,,
Singa lam rimba, bek tacuba let,,
Uleu meu lilet, peu jeuoeh sigra,,

Hana le cara, ubat tayue jep,,
Mata ka teupet, teuleung ka rata,,
Manteng na masa, ureung peurateb,,
Beuna meu siblet, Taubat nasuha,,

Meu'ah syedara, kadang meu ceupet,,
Kadang bicah phet, watee neu baca,,
Ubat peunawa, keu ureung saket,,
Keu ureung ceuret, hana le rasa,,
Banda-Aceh : jum 9 Nov 2012M / 25 Zulhijjah 1433H