Pages


Jumat, 03 Mei 2013

~ CONTOE PANTON MUDA-MUDI ,1 dan 2



SURAT KIRËMAN (Bag. 1)
=====================================
Assalamu'alaikum, tanglóng kudangdi
Saleuem ulón bri intan keugata,
Lón peu-ét saleuem keuticém nuri
Beu-ék Tuhan bri sampoë ban pinta.

Syahdan lon tuleh, didalam rawi
Meu'ah e dék ti, nyang ulön cinta,
Seu ot saleuem lön, e wahee Dek Ti
Lön nak meuturi, intan ngon gata.

Beurayek ampön, keu lón nyang faki
Aéb ngon keuji, dagang nyang hina,
Allah adoë cut, poe bungong giri
Saleuem ulón bri, salèh meulia.

Saleuem lön laheé, ngon haté suci
Bak ék Tuhan bri, sampoë ban pinta,
Han-ék lön pandang, bintang Jauhari
Tiwah baiduri, buleuen purnama.

Padum tréb sabé, haté lón sangsi
Ulón keumeung bri, surat keu gata,
Kareuna gata, e dék putéh di
Ureueng gob turi, sukèe meunama.

Bintang keujoera, cahya berseri
Hanlé jitém lhi, bak langèt dönya,
Gaséh keu adék, han-ék lön kheun kri
Tuhanku Rabbi nyang thèe sibeuna.

Pucak Seulawah, dua sijoeli
Gunong nyang sakti, ateueh rueng dönya,
Meunyo na tuah, iradah Rabbi
Sampoë Tuhan bri, lön meusampeuna.

Putéh haté lón, hai nyak putéh di
Surat ulón bri, keutanda mata,
Tanda seutia, cinta nyang kawi ,
Haté lön suci, intan keugata.

Teuma digata, e dék putéh di
Salèh cit pakri, keulón nyang hina,
Beukeuti na gaséh, bak gata nyak ti
Cuba adék bri, sipatah haba.

Hadjat lön teuka, lön nak meuturi
Pakri lön tukri, sang malèe mata,
Meu'ah dèsya lön, tanglöng kudangdi
Lön meung meuturi, intan ngon gata.

Keureutaih putéh, geunantoë diri
Daweuet hai ukhti, geunantoë mata,
Bèk, tabri aéb keulön, hai njak ti
Sikrak ulón bri, narit rahsia.

Kapai teureubang, lam awan tinggi
Pulang peureugi, u Kutaradja,
Gaséh ngon sayang, intan putéh di
Surat cut bang bri, nak mupeue haba.

Alhamdulillah,leupah that suci
Tuhanku Rabbi, Maha Kuasa,
Beureukat dö'a, karönya Rabbi
Beu-ék meuturi, geutanjoë dua.

SAMBONGAN PANTON MUDA-MUDI (Bag. 2)
"SURAT BALASAN KEU TEUNGKU AMPON"
=========================================
Alaikum salam, hai Teungku Ampön
Jaroë lón seu-ón, ateueh jeumala,
Surat kakanda, ka teuka bak lön
Lön ngieng seunusön, cukóp meumakna.

Kru seumangat, rahmat meuhimpön
Ateueh ulèe lón, surat kakanda,
Lön deungo suara, leumoh meu alon
Laksana ie mbön, sidjuek that rasa.

Pucak Seulawah, meualön-alön
Saboh seunurön, tanoh Cémpaga,
Saboh bak teungku, rindu ngon rihón
Siribèe bak lón, didalam dada.

Nyang na sigeutu, hai teungku ampön
Malang nasib lön, kureueng mulia,
Pakri neumeung poèt, ranub kunèng ön
Ranub lampöh lön, tawö bak buga.

Bungong jeumpa meuh, meususón-susön
Bungong si tahón, mubanja-banja,
Meung keubit Abang, neusayang keulón
Hé teungku ampön, bèk wayang seunda.

Silakan Cit Bang, tamong lam keubön
Meurumpok ngon lön, lam taman bunga,
Dilön pih teungku, pih katrep rihon
Katréb padum thön, lön preh-preh teuka.

Nibak uroë nyoë, keunoë ateueh lön
Potallah peutrön, surat kakanda,
Lön ngieng seunurat, seunang hateelön
Lön peu-ék peutrön, ateueh djeumala.

Lön thèe kakanda, pinta seumusön
Ca-e ngon panton, leupah that meusra,
Hana peue salah, hé teungku ampön
Ateueh ulèe lón, saleuem kakanda.

Bungong meulati, timoh lam keubón
Bungong sitahön, diyueb seulasa,
Bèk jeuet keuragu, hé teungku ampön
Meuturi ngon lön, bungong lam tapa.

Meugantoë buleuen, méulinteung ngon thön
Bak teungku ampön, hantom na haba,
Bungong nyang keumbèe, karab lajèe ön
Pihak nasib lön, sidumnoë kada.

Keumang bungong m, watèe unoë trön
Bak Alue Lasón, kayèe meudama,
Keupeue adak n,a kumbang meurön-rön
Sidroë napsu lön, meuhat keukanda.

Jinoë pih katróh, tanggöh deungon thön
Ngon teungku ampön, sambat seutia,
Syukó keu Allah, limpah ujeuen trön
Ateueh ulèe lön, narit keukanda.

Ie krueng Keureutoë, nanggroë Lhoksukón
Aneuk buya trön, kuala Jangka,
Malam ngon uroë, jaroë bak dhoe lon
Rindu haté lön, tjut bang keugata.

Ta-ék uglé, takoh awé lhön
Keudéh tapeutrön, u Kutaraja,
Bukeuti cut bang, neusayang keu lön
Didalam panton, beuhabéh haba.

Rimueng buloh, ateueh glé Tambön
Aneuk rusa trön, ateueh glé Panca,
'Ohnoë hai cut bang, kalam nibak lön
Lön prèh seunamböng, surat keukanda.

SAMBONGAN PANTON MUDA-MUDI (Bag. 2)
"SURAT BALASAN KEU TEUNGKU AMPON"
=========================================
Alaikum salam, hai Teungku Ampön
Jaroë lón seu-ón, ateueh jeumala,
Surat kakanda, ka teuka bak lön
Lön ngieng seunusön, cukóp meumakna.

Kru seumangat, rahmat meuhimpön
Ateueh ulèe lón, surat kakanda,
Lön deungo suara, leumoh meu alon
Laksana ie mbön, sidjuek that rasa.

Pucak Seulawah, meualön-alön
Saboh seunurön, tanoh Cémpaga,
Saboh bak teungku, rindu ngon rihón
Siribèe bak lón, didalam dada.

Nyang na sigeutu, hai teungku ampön
Malang nasib lön, kureueng mulia,
Pakri neumeung poèt, ranub kunèng ön
Ranub lampöh lön, tawö bak buga.

Bungong jeumpa meuh, meususón-susön
Bungong si tahón, mubanja-banja,
Meung keubit Abang, neusayang keulón
Hé teungku ampön, bèk wayang seunda.

Silakan Cit Bang, tamong lam keubön
Meurumpok ngon lön, lam taman bunga,
Dilön pih teungku, pih katrep rihon
Katréb padum thön, lön preh-preh teuka.

Nibak uroë nyoë, keunoë ateueh lön
Potallah peutrön, surat kakanda,
Lön ngieng seunurat, seunang hateelön
Lön peu-ék peutrön, ateueh djeumala.

Lön thèe kakanda, pinta seumusön
Ca-e ngon panton, leupah that meusra,
Hana peue salah, hé teungku ampön
Ateueh ulèe lón, saleuem kakanda.

Bungong meulati, timoh lam keubón
Bungong sitahön, diyueb seulasa,
Bèk jeuet keuragu, hé teungku ampön
Meuturi ngon lön, bungong lam tapa.

Meugantoë buleuen, méulinteung ngon thön
Bak teungku ampön, hantom na haba,
Bungong nyang keumbèe, karab lajèe ön
Pihak nasib lön, sidumnoë kada.

Keumang bungong m, watèe unoë trön
Bak Alue Lasón, kayèe meudama,
Keupeue adak n,a kumbang meurön-rön
Sidroë napsu lön, meuhat keukanda.

Jinoë pih katróh, tanggöh deungon thön
Ngon teungku ampön, sambat seutia,
Syukó keu Allah, limpah ujeuen trön
Ateueh ulèe lön, narit keukanda.

Ie krueng Keureutoë, nanggroë Lhoksukón
Aneuk buya trön, kuala Jangka,
Malam ngon uroë, jaroë bak dhoe lon
Rindu haté lön, tjut bang keugata.

Ta-ék uglé, takoh awé lhön
Keudéh tapeutrön, u Kutaraja,
Bukeuti cut bang, neusayang keu lön
Didalam panton, beuhabéh haba.

Rimueng buloh, ateueh glé Tambön
Aneuk rusa trön, ateueh glé Panca,
'Ohnoë hai cut bang, kalam nibak lön
Lön prèh seunamböng, surat keukanda.
========================================

0 komentar:

Posting Komentar

Komentar FB :