TIKOEH SEUMIKE

========================================================
Assalamu'alaikom, rakan lam caee,,
Keunoe laju lee, uloen meu rika,,
Seupatah dua, kata loen ukee,,
Do'a bak hase, bek sampe sia,,

Lagee bak Judul , rika loen tamse,,
Tikoeh seumike, han ek ta kira,,
Meunyan that langka, rakan boh hate,,
Jameun ka akhe, lagee nyoe rupa,,

Nibak si uroe, loen proe lam caee,,
Tikoeh laju lee, umpeun jimita,,
Habeh ji gisa, sapeu hana lee,,
Rata sagoe be, makanan hana,,

Tikoeh ka teuduek, ngoen deuk sang tan lee,,
Kaleuh dirabe, lagee sang hampa,,
'Oh ban ji gisa, dalam toeng pade,,
Leumah si goe blee, ka dikeu mata,,

Hantom ji rasa, mangat bukoen lee,,
Tikoeh seumike, pakiban cara,,
Peukeuh na bala, dudoe meu hase,,
Meunyoe jijak lee, umpeun nyan di baa,,

Kahek di puta, bunoe meurabee,,
Ka habeh ceupee, tan tinggai sisa,,
pakoen jinoe ka, leumah meu blee2,,
Laen that ceupee, beukoen yang sisa,,

Ka han pah di duek, di gulee2,,
Ulee seumike, pakiban cara,,
Peutra di rasa, 'oh dudoe lahee,,
Peutra keuh hase, umpeun jiraba,,

Meunan umpama, rakan boh hate,,
Rika lam tamse, loen boh umpama,,
Beu that menggoda, leumak beukoen lee,,
Teuma 'oh akhe, hase lam sia,,

Ta roe ie mata, meukeumat rante,,
Umu hana le, katroeh bak masa,,
Ta peunyum rasa, bak mangat hatee,,
Yang deuh meu ble2, goh teuntee bahagia,,

Kadang derita, watee 'oh akhee,,
Bek cuba rabe, u dalam paya,,
Leo yang meu bisa, peureuloeh hatee,,
Beu that bak lahee, mameh menggoda,,
Wassalam.
Agam_sidroe , 8 feb 2013M / 28 Rabi'ul awal 1434