Pages


Jumat, 03 Mei 2013

“HABA PEU INGAT KEU ANUEK DARA’’



  Oleh : SULAIMAN.A.GANI
=========================================“
Assalammua’laikom, kawoem saudara
Tuha ngoen muda, keu bandum wareh
Bacut peu ingat, aduen bak gata
Beugoet jaga, gata maruah dek puteh

Gata dek puteh , hai bungoen seulanga
Lagak that rupa, sinyak puteh gleh
Beugoet jaga droe, sigoloem mala
Kumbang jiteuka, madu peu habeh

Meunyan peuneusan, bak aduen gata
Hai anuek dara, yang ulon gaseh
Meutan le madu, hana soe hawa
Ditinggai gata, jitiek lam binteh

Sit sifuet kumbang, lagenyan cara
Meugoeh troek hawa, bandum jipateh
Bandum jitem bri, pue gata hawa
Hana meudakwa, dengan meulanggeh

Tapi meukatroek, mupue jihawa
Jitinggai gata, hai nyak puteh gleh
Kupue lom guna, bungoeng ka mala
Kalhueh gob cuca, madu ka habeh

Oleh seubabnya, hai bungoen langa
Beugoet ta jaga, madu goeh habeh
Bungoeng ka laye, hana soe hawa
Kalhueh goeb cuca, kajak boeh keudeh

Meubu ka basi, pane soe hawa
Meunan umpama, hai nyak puteh gleh
Tanda lon sayang, keu bungoeng langa
Nasehat maja, beuna tapateh,
(Tgk Diyueb Bruek/Sulaiman.a.gani )


0 komentar:

Posting Komentar

Komentar FB :