” ANGEN SYURUGA “

    OLRH : SULAIMAN.A.GANI
=================================
Alhamdulillah, Allah loen pujoe,,
Yang peujeut asoe, langet ngoen donya,,
Mandum karunia, rahmat lam nanggroe,,
Sit Tuhan sidroe, meunyang Po atra,,

Rimueng dalam gle, sare dum jiwoe,
Jak saweu nanggroe, aneuk keuluarga,,
Baro meugisa, katreb han meuho,
Bak peutheun nanggroe, bumoe Aulia,,

Geukira hase, lage ban meuproe,,
Rupajih rugoe, han jiwoe laba,,
Rasa keucewa, teuka lam asoe,,
Rupajih meunoe, janji seutia,,

Bak peugah janji, meu khoet khoet jaroe,,
Meuto to Asoe, nyandum bahagia,,
'Oh troek uroe H, kalaen bagoe,,
Bak peugah meunoe, laen keureuja,,

Aneuk keuluarga, Dile duek duek troe,,
Lakoe han meuho, sideh lam rimba,,
Ngoen aneuk dua, sibungoeng geutoe
Umu goeh sampoe, mantoeng balita,,

Meu hoka jasa, darah geu manoe,,
Badan meulangue, sampoe syuhada,,
mantoeng keuh rasa, pimpinan nanggroe,,
Neu ingat kamoe, masa lam rimba,,

eunyoe lagenyan, meumada 'ohnoe,,
Dua geutanyoe, arah meutuka,,
Dalam istana, neumeumat jaroe,,
Kamoe disinoe, manoe ie mata,,

Meu hoka gata, raja lam nanggroe,,
Tanggongan neu proe, jeuoeh angkara,,
Maksiet bek le na, Nanggroe seuramoe,,
Aneuk miet jimoe, makanan hana,,

Pajan keuh makmu, rakyat lam nanggroe,,
Meutan Neupakoe, neupadu bawa
Dalam istana, aneuk ngoen binoe,,
Peuleumak asoe, Aurat u lua

ingat hai teungku, Bandum Sinaroe
Hudep geutanyoe, tan keukai baqa,,
Bek karna Tahta, neu taki kamoe,,
'Oh uroe dudoe, asoe neuraka,,

Sumpah ngoen biat, dile saboeh roe
Saban geutanyoe, tatueng Merdeka
Pakon meubalek, ka teuma jinoe
Bandum keu pruet droe, harta ngoen tahta

( Tgk  Diyueb Bruek )

Asra Al-Kasimi

OH  TEU  TEUINGAT,  TEUNTEE RÔH TA MOE.
SEUBAB LAM NANGGROE,  LAÉN THAT NYATA.
JEUT  TA  SWEEPING, DUM RATA SAGOE.
UREUNG MEUSAHOE,  NIBAK BUET  DOSA.

TAKEUNEUK TEUGAH, TANYOE  DITAMPOE.
SEUBAB GEUTANYOE,  KON  PENGUASA.
'OH TAKEUNEUK LAPOR,  KAROH  UREUNG DROE.
MALE  HAN BAGOE,  PAYAH SOM MUKA.

'OH TAKHEUN KEU GOEP,  KEUBIT  THAT  JINOE.
YANG  PUBRÔK  TANYOE , CIT  UREUNG  LUA.
TAN NA TAPIKÉ ,YANG TOE  NGON TANYOE.
BAHKAN  PIH KEUDROE , GOHLOEM  MUMADA.

LAM  SURAT  TAHRIM,  ALLAH  NEUFIRMAN.
BAK  AYAT  KEU 6,  CUBA NEUBUKA.
CUBA NEUCI BEUT,  MEU ULANG-ULANG.
COBA NEUCI PAHAM,  ARTI MAKNA.

=================================
QU ANFUSAKUM WA AHLIKUM NARA