UMPUENG CEURAPEE

=======================================
Umpung ceurapee , ka diloep bubrang
Ticem cakeuk blang , di sama-sama
Nanggroe ka dame, bek lee pakat prang
Hai Tuengku Agam , bek undang bala.

Seutia payah , lon tambak leuhop
Bak kulam lon lhoep,  goep jareng kadra
Yoeh masa hana , tuba ta khop khop
Jino ka taroet , on naleung muda.

Galak tat tupee , dicoeng bak mamplam
Boeh timon Taiwan , leupi lagoina
Ureung teumipee , bek ci mat gayam
Bek joek pinpinan,  bak apa taa’aaa.

Peumuda Aceh , Reumeh that ruman
Euncin di tangan , gagang suasa
Pilkada jadeh , pileh pimpinan
Nanggroe Iseulam , makmu seuntosa.

Meuseujid Raya , nyan Baiturrahman
Geupeudoeng timang , di teungoh Banda
Saksi sejarah , dilee saboeh jan
Geupeh gong canang , Syariat Geuba.

Abdullah Puteh , kulet geuh Itam
Dudoe di droennyan , tamoeng peunjara.
Bak salah tuleh , ngoen tanda tangan
Mungken cit Cut Bang,  ka teumeureuka.

Di simpang Tungkop , Geumeukat Bayam
Di Darussalam,  Gelanggang Mahasiswa
Ban leuh Geurasi , Nanggroe Iseulam
Dengon Cut Intan , Nyak Wati Mega.

Keureutaih puteh , tuleh undangan
Pimpinan Dewan , sidang geubuka
Sinan awai phon , Cut Bang Lah mumang
Luethat anggaran , hana meuho ba.

Han ek tapikee , han sep pikeran
Nanggroe Isuelam , pakoen meunoe ka
Seusama keudroe,  ka ta meudamdam
Udep lagenyan , ta undang bala.

Sep et noe di lee,  haba karangan
Bak ulon tuan , Insan yang hina
Hana elieumee , paneuk pikeran
Ulon hai taulan,  hana sikula.

Terima gaseh,  dari lon tuan
Saleum lon layang , keu mandum Syedara
Peumeuah Ulon , hai wareeh rakan
Haba karangan , keu gura gura

============000===================