“RATEIP PEUAYON ANEUK”

“RATEIP PEUAYON ANEUK”

Oleh : Tgk Diyueb Bruek/Sulaiman.A.Gani

=======================================
LAILAHAILLAH
BEUMEUTUWAH NEU MUBAHGIA
BEU PHEIT KULET MANGAT NGON ASOE

TEUNGEUT KEUDROE BOH HATE MA

LA ILAHAILLAH
KALIMAH THAIBAH PANGKAI TAMATEE
SOE TEUMEE BACA KALIMAH TAIBAH
TUBOH YANG SAH AZEUP HAN LE

LAILAHAILLAH
KALIMAH KEUPAYOENG PAGEE
TADUEK TADOENG BEURANGKAT PHAT
BEUTA INGAT DALAM HATEE

LA ILAHAILLAH
GUNOENG BUKEIT KAF MEUTANGGA – TANGGA
BLAH DEIH BUKET GUNOENG ARAFAH
BLAH DEH MEKKAH MAKAM AULIA

LA ILAHAILLAH
BUNGONG LHEE ULAH PAKAIAN HAMBA
SABOH DI NABI DUA TUHAN
TANGKEE BUNGONG NYAN DI DALAM DADA

HUDEP LAM DONYA ANEUK BEUNA IBADAT
UROE AKHIRAT GATA NA BAGI
TUHAN NEUKEUBAH BAK SABOH TUEMPAT
MAKANAN LEUZAT SYURUGA TINGGI

ALAH HAIDO KUDODA IDANG
BUNGONG KEUMANG LAM ISTANA
BEURIJANG RAYUEK BANTA SEUDANG
JAK BANTU PRANG SYIAR AGAMA

ALAH HAIDO KUDODA IDANG
SEULAYANG BLANG KA PUTOH TALOE
BEURIJANG RAYEUK BANTA SEUDANG
JAK BANTU PRANG BELA NANGGROE

ALAH HAIDO KUDODA IDANG
PADEE DALAM BLANG TEUNGOH ROH MARI
OH MATEE POMA HAI BANTA SEUDANG
BALOT LAM GAPHAN OH MATEE ABI

ALAH HAIDO KUDODA IDANG
BUNGOENG KEUMANG LAM CEURADI
OH LHEUH TABALOT POMA LAM GAPHAN
GATA SEUMBAHYANG OH MATEE UMMI

ALAH HAIDO KUDODA IDANG
PO BANTA SEUDANG MA AYON DODI
BEURIJANG RAYEUK E BOH HATEE NANG

TAMSE TA PIYOH YUP KAYEE RAYA
OH TROEK BAK JANJI SAMPOE BAK TANGGOH
WATEE GEUCOK ROH DALAM RASIA

ALAH HAIDO KUDODA IDANG
TEUNGEUT BEURIJANG E BOH HATEE MA
OH TEUNGEUT GATA HAI BANTA SEUDANG
POMA SEUMBAHYANG PUJOE RABBANA

ALAH HAIDO KUDODA IDANG
TEUNGEUT BEURIJANG LINTO BARO MA
OH TEUNGEUT GATA HAI BANTA SEUDANG
POMA JAK RIJANG CUCOE IJA
(Tgk Diyueb Bruek ) 31 Agustus 2012