“ACEH THAT TINGGAI LAM PENDIDIKAN”

“ACEH THAT TINGGAI LAM PENDIDIKAN”

   Oleh : Tgk Diyueb Bruek/Sulaiman.A,Gani

==============================================

SalamA`laikom, Jaroe Lon Angkat
Pujoe Hadharat, yang Po Alamnyoe
Yang peujeut langeet, seureuta Darat
Yang Bri Mujizat, Nabi Geutanyoe

Seulaweut Saleum, u Ion Peu intat

 Nabi Muhammad, Rasul Geunatnyoe

 Seureuta Wareh, Ahli ngoen Sahbat

Yang Bri Syufa'at, Oh Uroe Dudoe

Ngon Bandum Wareh, Jaroe Ion Mumat
Mukmin Mukminat, Agam ngon Binoe
Nyoe Pat Na Mudah, Keureutah Lon Mat
Tuleh Nasehat,  Kisah Lawetnyoe

Sambot Rakan Lon, Haba kireman
Hai Pendidikan, Baca Hai Cut Lem
Aceh That Tinggai, Lam Pendidikan
Didalam Koran,  Tabaca Kanyem

Pada Hai Aceh, Kalheuh Na Modal

Lhee Boh l.andasan ,Yang Sangat Peunteng

Peureuta Maphoen,  Bah Pendidkan­

Agarna Lheuhnyan ,Ikoet seuireng

Bebas Agama, Hana Soe Sanggang

Bebas Iseulam, Keubang Hai Cut Lem

Peukara Adat, Keu Lhee Hai Rakan

Ban Lhee Atranyan,  Kri Kri Yang Mungken

Hak Istimewa, Lhee Boh Atranyan

 Tapi Jinoe Tan,  Tangeing Hai Cut Lem

Miseu Umpama,  Hak Pendidikan

Aceh That Tinggai,  Bandeng Ngon Laen

Watee Tabaca, Kanibak Koran
Aceh That Tinggai, Wahe Tungku Ben
Jumlah Guru,  Hana Seu Imbang
Ngon Peungotahuan,  Reudah Alaihem

 

Baca Tiori,  Bah Pendidikan
Hana Meudalam,  SeubabTan Kayem
Nibak Sikula,  Peuraktek Pih Tan
Seubab Tan Bahan,  Praktek Hai Cut Lem

 Peugah Bak Murit, Hanya Gambaran

Lagee Bayangan, Bak Kira – Kira

Ngon Uji Coba,  Tan Peuralatan

Watee Meuen Bhan,  Ka Hana Bola

Alat Peuraga,  Bantuan Guru

Seureuta Buku , Asoe Pustaka

Bandum Atranyan , Han Pue Ta Peugah

Kurusi Patah,  Ngon Gantoe Hana

Pue Lom Sikula,  Lam Rimba ALLAH

Si Jago Mirah,  Peutinggai Rungka

Jinoe Beulajar,  Dalam Uroe Crah

Ateuh Meunasah,  Bak Jambo Jaga

Teuma Di Guru,  Pih Saboh Ulah

Droe Di Peusiblah,  Pinah U Kota

Peugot Urusan , Ngon Susah Payah

Pue Lom Ta Peugah,  Meunyangna Apa

Yang Na Syedara,  Urusan Mudah

Sion Keuretah,  Geupeugot Nota

Peugot Uroenyoe , Singoh Ka Pinah

Sidumna Ceudah,  Bak Peugot Cara

           

Tanle Disayang Murid Dikeubah

Dengon Sikulah,  Guru Tan Le Na

Oleh Seubabnyan,  Karoh Lon Peugah

Meunjadi Tugas,  Pak Dinas PK

Ngon Otonomi,  Cara Neupeuglah

Dana Meulimpah,  Peugot sikula

 Neu Gantoe Bangku,  Kurusi Patah

Buku Neu Ilah , Asoe Pustaka

Sikula Tutong,  Neupeugot Bagah

Neubri Gairah,  Guru Di Desa

Guru Teuladan,  Bantu Nafakah

Neu Jok Hadiah,  Sambong Sikula

 

Murid Prestasi,  Pih Meunan Ulah

Neubri Hadiah,  Bea Siswa

Neu Bagi Buku,  Nebloe Dengon Tah

Bekle Payah Yah,  Pikee Beulanja.

Keu Bapak Kandep , Peusan Sipatah

Beutrok Neulangkah,  Rata Sikula

Bek Neumeu Ato , Deungon Keureutah

Neujok Perintah,  Neukalon Hana

Kadang Sikula,  Kurusi Patah

Neujok Peurintah,  Neunyue Bloe Meja

Kadang Dit Guru,  Hansep Nafakah

Neujok Peurintah,  Keuridit Honda

Kadang Sit Murid,  AneukMate Yah

Bajee Kabeukah,  Seupatu Hana

Bea Siswa,  Cara Neu ilah

Aneuk Matee Yah , Teutap Sikula

Sayang That Rakyat,  Ka Jijeip Racon

Disangka Bon Bon,  Meugandong Saka

Meu Mada Ohnoe,  Haba Lon Suson

Peu Meu'ah Keu Lon,  Meunyoena Gasa

(Karangan Tgk.diyuebbruek ,Majalak

Kirah Pendidikan Ed.IX Tahun 2000 )