DIKE LAKE IZIN

DIKE  LAKE  IZIN

Oleh : Tgk Diyueb Bruek/Sulaiman.A.Gani

YA  ILAHI  ….. YA  ILAHI …………..

MEU HOKA ,FACEBOOKERS  SINAROE

IZIN KEU KAMOE,  MEUKEUMUE GISA

BEU RAYUEK  MEU AH ,  SALAHAN KAMOE

MAKLUM TUNGKU DROE,  HANA MEU SAJA

YA ILAHI.........YA  ILAHI.........

PUE PUE NA SALAH, TINGKAH  DI KAMOE

PEU MEU `AH JINOE, BEK JEUT KEU DOSA

KAMOE MEUGISA, U BAK TEUMPAT DROE

DOA KEU KAMOE , BEU LAM  SEUJAHTRA

YA ILAHI...... YA ILAHI......

TEURIMOENG GASEH,  FACEBOOKERS SINAROE

YANG UNDANG  KAMOE, KEUNOE  YUE TEUKA

TA MUEN FACE BOOK, , NIBAK MALAMNYOE

BAK TUHAN SIDROE , TAHARAP FAHLA

YA ILAHI....YA ILAHI.........

YANG DAKWI DAKWA , BANDUM GEUTANYOE

BAK TUHAN SIDROE,  MEUMOHOEN  PINTA

DOSA NEU AMPOEN,  LAKOE NGOEN BINOE

ANGGOTA GRUP NYOE , TAMOENG SYURUGA

YA ILAHI..... YA ILAHI.........

MEU IE SITEUGOEK, MEU  BU SABOEH  SUB

ANTRANYAN BEUJEUT,  KEU DARAH  GAPAH

URUENG PO RUMOEH, BEUTROEK  MEUKEUSUD

LE TUHAN MAKBUD, FAHLA NEUBALAH

YA ILAHI.........YA ILAHI

BEURKAT DALA-E,  MEU BACA BUNOE

LAKOE NGOEN BINOE,  NEUBRI BAHGIA

BEU DALAM TAAT,  SABE TIEP UROE

UMPAMA BAGOE , ADAM NGOEN HAWA

YA ILAHI... YA ILAHI

BEU LAGE NABI, DEUNGOEN KHATIJAH

LAGE FATIMAH,  ALI  MURTADHA

LAGE IBRAHIM, NGOEN SITI SARAH

LAGE AINSYA , DEUNGOEN MAULANA

YA ILAHI....YA ILAHI

KEU MA NGOEWN AYAH, YANG PO RUMOEHNYOE

DOA BAK KAMOE, TAMOENG  SYURUGA

OH WATE GEUJAK , KA NIBAK SIRAT

TAJAM BAN KILAT,  O YA RABBANA

YA ILAHI....YA ILAHI......

BEU SABOEH PAYOENG , KA DEUNGOEN NABI

LIWA UL HAMDI,  PAYOENG MAULANA

OH NEUCEING AMAI,  SYUFAAT NEUBRI

BAK ULE TITI, BEUJEUOH  MARA

YA ILAHI,,,,YA ILAHI.......

AHLI  FAMILI, YANG  PO  RUMOEHNYOE

DOA  BAK  KAMOE , NEULIMPAH  FAHLA

UMU BEU PAYANG , RASEUKI BEU MUDAH

DAN LOM NEUTAMAH,  TAMOENG  SYURUGA

YA ILAHI....... YA ILAHI.......

MALAM  KA  JULA ,  KA POEH  DUA  BLAH

MEU LAKE MEU `AH,  KAMOE  MEUGISA

BEUTROEK KAMOE WOE,  SAMPOE BAK  DAUSYAH

LAKE BAK  ALLAH,  BEUJEU- OH    MARA

YA ILAHI....... YA ILAHI............

AMIN YA ALLAH,  MEUMADA OHNOE

KEU BUNGOENG JAROE,  SIPATAH  HABA

HABA SINEULHUEH, KAMOE MEUJAK WOE

NEULINTUENG JAROE, TAKATAM   DOA..

=====================================================