Iman, Basmallah wa Dzikrullah"

==========================================================
Assalamu'alaikum, waya sahabat,,
Saleum loen intat, tanda mulia,,

Saboh mustika, haba meuneumat,,
Dalam hikayat, nazam tabaca,,

Didalam hudep, hana pree saat,,
Di syaitan laknat, tanyoe digoda,,
Supaya sia, tanyoe ibadat,,
Mangat meusapat, dalam neuraka,,

Didalam rika, kata loen intat,,
Keupada sahbat, saboh syedara,,
Sioen mustika, benteng jeut meuhat,,
Bek sampe sisat, syaitan peudoda,,

Yang pertama phoen, iman beu kuat,,
Taqwa beuget that, LILLAHI TA'ALA,,
Hate tajaga, dari buet sisat,,
Useuha legat, dari buet laga,,

Cara keudua, haba nasehat,,
Lam tiep2 saat, Bismillah tabaca,,
Bek sampe dada, syaitan grak ceupat,,
Bek le na teumpat, musoeh meudoda,,

Yang keu lhee dzikir, Asma Hadharat,,
Jeut keu ubat, mandum peukara,,
"Galau" han teuka, hate seulamat,,
Dari buet kaplat, musoeh durjana,,

Ban lhee boh cara, rika loen intat,,
Beujeut keu ubat, kata meuguna,,
Keu mandum syedara, pertama meuhat,,
Keu loen hai sahbat, yang intat cara,,

Seumoga hudep, dalam ibadat,,
Iman seulamat, dari buet laga,,
Hudep lam donya, dalam manfa'at,,
Uroe akhirat, tanyoe bahagia,,

آَمِيّـٍـِـنْ... آَمِيّـٍـِـنْ يَآرَبْ آلٌعَآلَمِِيِن
وَ سَّلاَمُ عَلَيْكُم وَرَحْمَةُ اللهِ وَبَرَكَاتُهُ

( Agam_sidroe jum 17 Agustus 2012M / 28 Ramadhan 1433H )