“ Blog. Tgk Diyueb Bruek

Oleh : SULAIMAN.A.GANI
=====================================
Assalammua’laikom, Warahmatullah
Saleum sipatah, bandum saudara
Gantoe lon intat, kupi saboeh glah
Nyoe pat na mudah, saboeh Mustika

Pusaka Indatu, Nazam Hikayah
Ka loen seuleuah, Ube sikada
Ka dalam bungkoh, Rakan meutuah
Katrep lon papah, ngoen lon usaha

Sinan lon baloet, lam Blog lon keubah
Jinoe lon seurah, pulang keu gata
Tatueng Pusaka, Indatu keubah
Keunan talangkah, Tacoek peunawa

Keu ubat hate , dikala susah
Sinan lon keubah, Raja peunawa
Dukon ngoen Tabib, Tungku ngoen Syiah
Dan lom lon keubah, Dokter Jiwa

Sinan dalam blog , jimat lon keubah
Keunan talangkah, ubat tamita
Pinto ulon toeb, gunci lon seurah
Supaya mudah, pajan tateuka

Meunyoe pat gunci, Rakan meutuah
Pintoe Tapeuhah, jan suka gata
Pintoe roet tamoeng, yang phon lon peugah
Rakan meutuah, taklik le gata “Reudok keu Tungkat, Kilat keu Suwa
tgkdiyuebbruek.blogspot.com

Pinto keudua , meunan sit ulah
Palang lon peuhah, roet tamoeng gata
Meuhoe yang suka, tatamoeng bagah
Rakan meutuah,Pintoe lon buka “Group Panah Aceh
http://p4n4h.blogspot.com/

Meunyoe tatamoeng, Pintoe tapeuhah
Lageum bri bagah, keu urueng jaga
Tabri komentar, ta lake beubagah
Gantoe seudeukah, Kupi ngoen saka

Gantoe keumeunyan, Boh kruet lhe ulah
Kalhueh gata plah, syarat yang taba
Tanda saudara, katroek talangkah
Tungku ngoen Syiah, tameuah Dosa

Tabib ngoen Dukon, Tabri hadiah
Mangat ikeulah, geurajah gata
Geunantoe jimat, rakam meutuah
Komentar bagah, ta lake le gata
( Tgk Diyueb Bruek, 08/03/2013)