UREUENG INOENG YANG MULIA BAK AGAMA

    Oleh : SULAIMAN.A.GANI

==========================================

INOENG YANG SHALEH , JINOE LOEN PEUGAH

TAAT KEU ALLAH , HANA TOEM KEUNDO’E

MEULOM JITAAT,  KEUPADA LAKOE

MEUNAN TIEP UROE,  DI DARA BAROE

          YANG PERTAMA PHOEN,  INOENG SETIA

          GOET THAT DIJAGA , HAREUTA LAKOE

          AKAN HARUTA,  HAN JIIPEUCUPA

          GOET THAT DIJAGA , MALAM NGOEN UROE

KEUDUA INOENG , YANG MUBAHGIA

GOET THAT DIJAGA,  AKAN TUBOEH DROE

BAK BUET YANG MAKSIET,  HAN JIKEURIJA

GOET THAT JISABA,  MALAM NGEN UROE

          YANG KEULHEE INOENG , YANG RAYEUK SABA

          GOET THAT DICINTA,  AKAN LAKOE DROE

          ADAK NA MEUDHOET , NARIT SUAMI

          HANTOM SINYAK TI , JIPEUKREUH GIGOE

YANG KEUPEUT INOENG,  MAMEIH SUARA

RUMEIH IE MUKA,  SABEI NGOEN LAKOE

ADAK ‘OH LEUPAH,  DI UREUENG AGAM

MUKA HAN MASAM , ‘OH WATEI GEUWOE

          DIDALAM RUMEIH , TEUSEUHE’IH TEUKEIM

          MEUNAN KEUH LAZEM,  DENGOEN JUDOE DROE

          SINAN NA GEUKHEUN,  ULEIH JANJONGAN

          NEUBRI INGATAN , UBAK ANEUK DROE

WAHEI ANEUK LOEN,  SITI FATIMAH

SYURUGA INDAH,  YUEB GAKI LAKOE                                    

SINAN SYURUGA , DENGOEN NURAKA

BEU MUBAHGIA, GATA DUA DROE

FIRMAN TUHAN

DI KAOM BAPAK,  GEU PIMPIN IBU

KETUA SATU,  ULOEN BOEH BANDEING

DIKAOM IBU , KETUA DUA 

KEURIJA SAMA , BEUSAYEING SAYEING