“FAEDAH BACA BISMINLAH-3 “

   OLEH : SULAIMAN.A.GANI

=======================================
Riwayat sahbat, dirasulullah
Meuyang that meugah, saidina ali
Sibeurangkasoe, baca bisminlah
Raya faedah, Tuhanku neubri

Wate neubangket, uleh potallah
Geutanyoe leupah, tajak bak titi
Dalam syuruga, tatamoeng leupah
Nyankeuh faedah, nibak ilahi

Dalam syuruga ,na saboeh kubah
Karonya allah, yang maha suci
Meugantung keudroe,meunigoe indah
Hu meujeureulah,indah han sakri

Asoe syuruga, dum hamba Allah
Geukaloen khubbah, galak han sakri
Hajat lam hate, tamoeng lam khubbah
Tapi han leupah, geuneuk peureugi

Yoehnyan fireuman, nibak potallah
Geuyue kheun bagah, nama ilahi
Asoe syuruga , baca bisminlah
Timoeh le bagah, bulee tuhan bri

Timoeh le sayuep,laju dua blah
Karonya allah, yang maha tinggi
Laju teureubang, u dalam khobbah
Peunulang allah, keu umat nabi

Oh ban sare troek,u dalam khubbah
Jibeudoeh bagah, budiyadari
Jak mumat jaroe, ngoen hamba allah
Laju jiseumah,sujud bak gaki

U dalam kamba, peutamoeng leupah
Ainon mardhiah, atoe kurusi
Jileung ngoen kasoe, ateuh peuratah
Cukoep dihias, sama seukali

Meusoe meukeusud, ainon mardhiah
Baca bisminlah, malam ngoen hari
Meunan meuteumeu ,lam kitab fikah
Meunan peuneugah, saidina ali.
(TGK DIYUEB BRUEK)14 Mai 2012