TAPEU MAJU PEUNDIDIKAN

Oleh : Sulaiman,A.Gani

===========================

Alhamdulillah lon,  puphon kalam

Lon pujoe Tuhan  , Azawajalla

Seulaweut Saleum,  teuma oh lheuhnyan

Pang ule Alam , Rasul Mustafa

Lheuhnya saleum lon,  keu bandum rakan

Inong ngon Agam,  Tuha ngoen muda

Samboet saleum lon,  saboh karangan

Keu pendidikan,  hajat lon rika

Hajat lon peugah ,  keu pendidikan

Aceh That tingai,  Bandeng ngon luar

Dile that maju  , roet peundidikan

Lhe boeh landasan , Hak Istimewa

Meupakon jinoe,  gadoeh Atranyan

Bah peundidikan , peuduli hana

Miseu umpama , lon boh tamsilan

Dile saboh jan ,  Aceh Mulia

Rata  jeut Nanggroe,   keunoe troek datang

Miseu hai rakan,  nyan Malasya

Jinoe meubalek,  meutuka ragam

Aceh that tinggai , ngoen malasya

Taci Meugure  , jinoe pakriban

Tacoek Tamsilan , bak Malasya

Jikontrak Guru,  Puwoe u Dalam

Diyue Mengajar,  Rata Sikula

Keu Mahasiswa ,  Jibantu Rijang

Jok Peungajaran  , Kirem U lua

Rata jeut nanggroe  , kirem Utusan

Jibri Bantua ,  bea siswa

 Wate seuleusoe ,  lheuh pendidikan

Dijyue woe rijang ,  jibri keurija

Yue gantoe guru ,  kontrak saboh jan

Tugas jipulang ,  keu Aneuk Bangsa

Di Malasia  ,  meunan keuh macam

Keu pendidikan ,  that di utama

Teuma di Aceh  j, inoe pakriban

Keu peundidikan ,  tapike cara

Kupue le dana ,  Meukuyan kuyan

Soe peuduli tan ,  keu Aneuk Bangsa

Jino tarubah  , bekle lagenya

Keupeundidikan ,  Tapike Beuna

U be na  Dana .  hak  Peundidikan

Tabantu Rijang,  Rata sikula

Sikula Reuloeh , Tapeugoet Rijang

Dan Lom Hai Rakan  , Dayah dum Teuma

Tabantu Guru ,  Desa  Tertinggal

Dan Lom hai Rakan , Bea Siswa

Aneuk Presrasi , lam Peundikan

Takiren Rijang , u Nanggroe lua

Bek lage Jinoe, takalon Macam

Jibri Bantuan,  keu urueng kaya

Jak coek S dua,  sampaoe S Lapang

Jibri Bantuan,  soe toe ngoen Pemda

Aneuk Tsunami ,  peuduli  soe tan

Meunan sit macam , aneuk Duafa

Meumada ohnoe , haba loen karang

Keu Peundidikan , ohnoe meumada

( Banda Aceh, 5 September 2008)