“HABA NASEHAT “-11 dan “-12

==========================================

OLEH : TGK DIYUEB BRUEK/SULAIMAN.A.GANI

==========================================

“HABA NASEHAT “-11

====================

Nyoe na bacut, wasiet lon tuan
Dalam susunan, keu bungoeng haba
Kadand neucoek, keupeulajaran
Keueringatan, udep dalam donya

Beu peu ingat, dak beurangkajan
Beuneutem simpan, pasoe  lam dada
Hoe yang neutajak, neuba keutungkat
Meuyoe nasehat, bak ureung tuha

Beuneungui sifeut, meunyang sipadan
Neungue  pakaian, yang seuderhana
Sabee beu jroh, santon sopan
Neungui pikiran, yang bijaksana

Wate tamarit, nariet yang  patot
Beuleumah leumbot, tutoe bahasa
Wate  tameuyue, meubek meudhoet-dhoet
Sit hana patoet, ngoen nariet gasa

Wate tangieng goeb, bek tapeulikoet
Sit hana patoet, kataboeh muka
Ureung teumanyoeng, beutatem seuoet
Ngoen leumah lumboet, budi bahsa

Walaupun kaya, meubek teukaboe
Nariet ngoen tutoe, lage biasa
'Ujob teumeu a’, riya teukaboe
sinan nyang lee, ureung binasa

Keu ureung tuha, beuta hoereumat
Rakan sahbat, tapeumulia
Keu  hareuta goeb, meubek tamat-mat
Meunan bai'at, khuen ureung tuha

 

Di  ulon rakan, cuma peuingat
Saket mangat, droeteuh yang rasa
Soe  soe meutuah, chiet ka ji ingat
Sit  ban amanat, hana meutuka

 

Meumada  ohnoe, haba peu ingat

Neucoek keu ubat, gantoe  peunawa

Neucoek keu kompas, oh wate  sisat

Beujuet peu ingat, haba lon rika

=============0000=========

 

 

 “HABA NASEHAT “-12

=============================

Lincah coet uroe, boh panjoe patuen

Asam boh kiyuen, campli ngon sira

Bacut nasehat, nyoepat  bak aduen

Beuleuhuen leuhuen, peuseutoet donya

Donya nyoe bangke, meunan Nabi kheun

Peu ingat bandum, umat lam donya

Yang seutoet Bangke, nyan Asee  bandum

Meunan lon maklum, Hadis  saidina

Hawa lon leupah, lincah coet  uroe

Lincah bak adoe, sang leupah sira

Ude lam donya, bek beurangkahoe

Akhirat dudoe, nanggroe  kalbaka

Nyan udueng reuboeh, Asam teucicah

Lawan bu kulah, mangat alaihem

Udep lam donya, Nabi  neupeugah

Tamse tasinggah, Tawoe hoe laen 

Lawan kuwah pliek, boeh itek masen

Ngoen eungkot kareng, ta samalado

Donya Akhirat, bandua  peuteng

Lahe ngoen bathen, beugoet  tapakoe

Mangat kuwah ie, gule  on muroeng

Lawan boh jantoeng, ngoen eungkoet paya

Udep lan donya, meu untoeng untoeng

Yoh goh ta  aroeng, Blang padang masya

Blang padang masya, luah meuhayak

Lhe ribe thoen jak, tapasang  guda

Ngoen mata uroe, di atueh  talak

Pakriban tajak, amai tueh  hana

Meubu beule le, eungloet beucut  cut

Donya ta ikoet, Akhirat geuyue tuntut

Hudep lam donya, wahe tungku cut

Bek tuwoe pubuet, keu pangkai  gisa

=============0000==========

“HABA NASEHAT “-12

==========================================

OLEH : TGK DIYUEB BRUEK/SULAIMAN.A.GANI

==========================================

“HABA NASEHAT “-11

====================

Nyoe na bacut, wasiet lon tuan
Dalam susunan, keu bungoeng haba
Kadand neucoek, keupeulajaran
Keueringatan, udep dalam donya

Beu peu ingat, dak beurangkajan
Beuneutem simpan, pasoe  lam dada
Hoe yang neutajak, neuba keutungkat
Meuyoe nasehat, bak ureung tuha

Beuneungui sifeut, meunyang sipadan
Neungue  pakaian, yang seuderhana
Sabee beu jroh, santon sopan
Neungui pikiran, yang bijaksana

Wate tamarit, nariet yang  patot
Beuleumah leumbot, tutoe bahasa
Wate  tameuyue, meubek meudhoet-dhoet
Sit hana patoet, ngoen nariet gasa

Wate tangieng goeb, bek tapeulikoet
Sit hana patoet, kataboeh muka
Ureung teumanyoeng, beutatem seuoet
Ngoen leumah lumboet, budi bahsa

Walaupun kaya, meubek teukaboe
Nariet ngoen tutoe, lage biasa
'Ujob teumeu a’, riya teukaboe
sinan nyang lee, ureung binasa

Keu ureung tuha, beuta hoereumat
Rakan sahbat, tapeumulia
Keu  hareuta goeb, meubek tamat-mat
Meunan bai'at, khuen ureung tuha

 

Di  ulon rakan, cuma peuingat
Saket mangat, droeteuh yang rasa
Soe  soe meutuah, chiet ka ji ingat
Sit  ban amanat, hana meutuka

 

Meumada  ohnoe, haba peu ingat

Neucoek keu ubat, gantoe  peunawa

Neucoek keu kompas, oh wate  sisat

Beujuet peu ingat, haba lon rika

=============0000=========

 

 “HABA NASEHAT “-12

=============================

Lincah coet uroe, boh panjoe patuen

Asam boh kiyuen, campli ngon sira

Bacut nasehat, nyoepat  bak aduen

Beuleuhuen leuhuen, peuseutoet donya

Donya nyoe bangke, meunan Nabi kheun

Peu ingat bandum, umat lam donya

Yang seutoet Bangke, nyan Asee  bandum

Meunan lon maklum, Hadis  saidina

Hawa lon leupah, lincah coet  uroe

Lincah bak adoe, sang leupah sira

Ude lam donya, bek beurangkahoe

Akhirat dudoe, nanggroe  kalbaka

Nyan udueng reuboeh, Asam teucicah

Lawan bu kulah, mangat alaihem

Udep lam donya, Nabi  neupeugah

Tamse tasinggah, Tawoe hoe laen 

Lawan kuwah pliek, boeh itek masen

Ngoen eungkot kareng, ta samalado

Donya Akhirat, bandua  peuteng

Lahe ngoen bathen, beugoet  tapakoe

Mangat kuwah ie, gule  on muroeng

Lawan boh jantoeng, ngoen eungkoet paya

Udep lan donya, meu untoeng untoeng

Yoh goh ta  aroeng, Blang padang masya

 Blang padang masya, luah meuhayak

Lhe ribe thoen jak, tapasang  guda

Ngoen mata uroe, di atueh  talak

Pakriban tajak, amai tueh  hana

Meubu beule le, eungloet beucut  cut

Donya ta ikoet, Akhirat geuyue tuntut

Hudep lam donya, wahe tungku cut

Bek tuwoe pubuet, keu pangkai  gisa

=============0000==========